الحلنقي والمك وعافية في عش عصفور

شكراً اقبــال على القاء الضو على الرهيف حلنقي ......وشكراً لأستاذنا على التصحيح ... بالمناسبة كنت أتابع بانتظام حلقات جميله بعد انتخابات الهـــلال.... بين التاسعة و العاشره .....بعدها أقلب على النشره ...اليوم داك وبعد البرنامج الرياضي انشغلت بترتيب بعض أوراق ...وانا جالس وناسي النشره .. دخل برنامج فيهو حلنقي وسيف الجامعة ومذيعة ...وسرحتا مع كلام حلنقي و سيف وكأنهم يتهامسون شعراً ....
صاحب عصافير الخريف "اسحاق الحلنقى " عاد من غربته بذخيرة وافرة من اشعار الاغانى واشهرها قصيدة "القمر لو كان معايا اعمل ايه انا بالكواكب" وأهدى الجيل الصاعد ..متل عافية حسن "يا حنين زى عش العصفور ... وكبرت الكعكة الحلنقية وكان نصيب الفنان جمال فرفور " الروح تروح ما مشكلة" " التى سمعتها من الصغار قبل الكبار و "صفق العنب" أما ( سيف الجامعة) الذى كان نصيبه من الكعكة "اعذرينى" التى لحنها صلاح ادريس لحن شجي ولائق لكلماتها:

أعذريني الدمعة ديّه ... حتبقى آخر دمعة ليّه
تاني لو قربت منك ..... يبقى ليك الحق عليّ

أعذريني محال أعاود.... تاني ريدتك وأمشي ليها
ولا أرحل في عيونك .... والطفولة الضاجّة فيها
كيفك أريدك وانتي أصلك .... ريدتي ما حسيتي بيها
بالبعاد ما تعذبيني ...... أعذريني وأعذريني

ما قدرت مرة واحدة......بالغلط أغلط عليك
وانتي عمرك كلو ظالمة.....والدليل غفراني ليك
عارفو قلبك ما معاي.....برضي شاغل قلبي بيك
بالحنان ما تعشميني......أعذريني وأعذريني

من زمان وأنا راجي منك....كلمة بيها تفرحيني
وانتي ما فرحت قلبي......كنت ديمة تجرحيني
قسمة الزول ما بتفوتو....والبجيني معاك بجيني
لو بكت منك عيوني......سامحيها وأعذريني
عجبني في الحلقة تعبير "اغانى المناتلة" وهي أغنية تسمعها من فنانيين اثنين فى نفس الوقت مثلاً ... سيف الجامعة وجمال فرفور ..في أعذريني ...حيث لم تحسم من قبل الشاعر.. او الملحن لاحدهما وعلمت في نفس الحلقه .. أن نزاعات عديدة حول اغانى بعينها مثلاً "شال هم فرقتك" و سمعناها المرحوم " طيب الذكر " مصطفى سيد احمد وأضحت من نصيب حمد الريح ومحمد مرغنى "كلمنى يا حلو العيون" ظهر بها في البداية عصام محمد نور فى مدنى و"ناتل" محمد مرغنى حتى أخذها ..... .
كانت أمسية جميله .... قارنت فيها عفوية الماضي ومناتلة الحاضر .... حتى في الغناء..... سبحان الله