الرشاش وريحة الدعاش

الاخت سهاد انت زاتك طلعتي زولة بندر سااااي الاكلات دي كلها عبارة عن ثمار وعرووق شجر يعني مافي حاجة بعملها مدام .مثلا الفايو دا شجيرة صغيرة عامله زي البامبي تطلع العرق حقها وتلمي فيهو اكل. وكذلك العقش بس بشبه البطاطس وام دقن تيس تشبه الجزر .اما ام كمش هي لب ثمرة الدليب.كن ما عرفتي الشرح دا تكوني زولة سوق سااااي الخلا ماشفتي بعينكي دي.
ههههههه لك التحية والاحترام

الله على الخريف واكل التفاتيف..ياعود الصندل..اكلت ام كمش كمش والنرمتى وكجيت للطير..كت بمشي بابنوسة لناس جدي الصديق ول علي..وكان عندنا غنم نعديهم لخور الضكير..اها دي سرحة ولا ماسرحة.

مطر الرشاش الرشة
في دار كردفان الهشة
انا عقلي سافر وطشة
وراء المراح النشة
وراه سايرات ناس عشة
بالله يا مطر الرشاش
حالف يمين ياعشة
مابضوق والله للنوم هبشة
الف تحية لك يا عود الصندل وعطره الفواح وتحية لك على هذا الابداع وارجو ان تكمل لنا هذه الاغنية للفنان المبدع ابن كردفان الاصيل صديق عباس. الف تحية

الاخ الرائع عود الصندل
لازم تكمل لينا الاغنية دي باي طريقة!!! وتكتبها لنا في البوست بتاع الشعر
وبعدين الصورة دي صورة ابني منصور محمود منصور .. الف تحية

انت غنيت غنى قيدومه وتوى بوريك غينه من غنيات السهوره يوم الناس تعقل طب وتقعد تحت وتمسك عود النقاره في السهوره العجايز بهني والشباب بهني وبغنو وبقولو : بعزل الفقارى باخد سياد المال زولي البريدى عرديبه ضليضلي ازرق ريش النعام .وبتا كي بقولي :تعاين فوق الفيل وتطعن ضلى . وتوى مرق لينا فوق ليا ام شرموط وتوى كي الضعيني تسير من الوادي ابو حميره وتطلع بالمرحال البرا بجو بهيني على جهة حجير الدوم هنا كنانه ومن هناك بختو الرادة بت خباب ومن هني مرحله واحدا بخلو قدير بجاي وبقطعو الوادي فوق وادي رميلي وبختو في الزلطى الفزرى وبجيو قردود العيوين والتريدي وبعدين بمشو بت الكل بقارى بهني بختو على جهة ام خميره وبهني على جحة منجاوط وتنتن وحدين بروحو على حهة حمريه ووحدين بروحو قردود الجليحا ........

يا ولدي عود الصندل تو كي انا ببقى ليك عمك عديل انا البتكلم معاك الدرحيم ول ادم ول عمر ات قل مولود في الدبكرا وات توه مقر لي فوق القرضا وشق رابح وتوه كي انا بخش ليك بجهت القرضا صباح الدواس محل الهلجيج الكتيرده الفوقها التبس ده فيهو جنس نعام كتير وفيقه حلاليف(الحلوف)اوع تكون بتطارض الحلاليف توه كي يا ولدي الضعينه يوم تخت رشاش فوق جهة الدواس والقرضا وانطوك ليك نسيه حامضي وتقعد تفتل ليك فوق حبل ولا قرناد وقالك الضعينه يوم تسير من القرضا بتخت في الاغيبش والسانيه وبعد ده الضعاين بنفرقن وحدين بسيروا على جبل ابو لواطه ووحدين بقطعوا الوادي ابو حميره بصباح بسيروا بخوتوا المناوراط وبهني ده بسيرو سيره واحدي بختو جبل لاكوعه والضعينه السارت بغرب من جبل ابو لواطه بسيروا بختوا على جهة مريفعين وفلاتيه وبسيرا على جهة مويلح وحجير جالي وبيروحو سيسبان وبختوا جبل طرم بسيروا بختوا رشاد وبهني الضعيني حقت ابو جبييهه بسورو بختو دبت برمه من فوق لكور قادم وبسورو بختو رشاد ومن رشاد بسورو بختو التبلديه وسوق ناجيريه كيكواه وبعدها العباسيه دي دار دول فريقهم فوق المجرس ودل في المسن ودول في الجمبيلي والفرقان بساوقوه في السوق العباسيه والحلفه كتبر فوقهم دار تاكمه ودار حسن ودار دليب والشقيرات وولاد تدوا وفوقهم سلامات ودار بتيه وولاد غنيم وقاليك يبدا الصراع ونزل الا الفارس في الداره والبنات بنجورن الغني ودا كلو الضعاين ركزن في دار المخرف والسني ديك العباسيه عاااااااااامريه وتوه انا البلكلم معاك ده من دار علي وفي دار علي دار تاكمه وزي ما بقول عمك فضل الموله ابو الزريقه (يوم تجاور فريق دار علي زرق وكلب ولتم لابس سته خلق ولسه عريان يوم بجي على فيكو تقول عندا حمل رايه ما بقول عايز تور عشان الزريبه حقت الغنم في خشم البيت عشان هو عايز يشوف البنات ) وبحكي ليك حكوه من حكاوي عمك فضل الموله ابو الزريقه جه من السوق لقه الرجل حقت الخروع ملانه ولقه السيد ول موسى الحكام مع الخليفه كوه ول حبيب قطعوا الرجل ويوم وصل البيت بناته سعلنه هاي ابا الرجل قطعك ادوه قاليهم واللهي لقيت عيال ويرنه قطعوني الرجل وتوه يولدي الحكاوي كتيره وعندك محمد ابو كرشين وعمر ول زكريه وناس جبرين برتي والتايب واسماعيل الناين والبشير درد بقوليك البرم بين الكنجيه والرضم بياكلنه الغنم غنم اتوه واحد قاليهم غنم النم وانا توه وقوليك مع السلامه واته قول مولود فوق بت الكل بقاره واتا في دار ول اتو وامك اتيه وانا ناس بت الكل انا لي نصهم عم وخال مع تحياتي ومحبتي

هاي عود الصندل

ماك طيب قرمان ليك جااااااار ود ابوي .. انحن خطينا جنبكم في ملجاوط ,, انا كتب ليك جواب في بريدك الخاص اخي شوفه

لك التقدير

االهادى والله يادوب عرفتك ياعود الصندل وكلامكم سمح شديد
وانا جيت توا من ابوجبيهة وريحة الدعاش والحميض مالى الواطة والغنم بياكلن ساى
وبمناسبة الاكلات دى للقيت واحد فى السوق العربى جايب الكردالة مقطعة قطع صغيرة للبيع وبيقول للناس تاكل
القطعة دى وتشرب الموية تلقاها حلوة ذى كان فيها سكر وتعال شوف ليك بمدابكة شالوها جيييت
ول عشمان انتو البقعدتكم فى ملجاوط الاغبش ده شنو كده تعالونا فى ليه امشرموط هناك القش سمح والسعية سمينة

الحازمي وينك اظهر مع الشوقارة القايمة دي

عود الصندل هووووي
الحازمي
ود عثمان
ابو هريرة
يعني خلاص انتو طلعتو اهل ونحن نطلع برة الموضوع ول كلامكم شنو؟؟؟ وبعدين تتكلمو كلام نحن ما فاهمين منو ولا اي حاجة..
الف تحية على تلك الاريحية وهذه الحميمية واسال الله ان يقربكم اكثر واكثر بس ود عثمان ده بقى خواجة ما بنفع معاكم لا في السرحة ولا في الصراع ولا في الزراعة

الاستاذ عود الصندل
والله العظيم انت انسان راقي جدا ورقيق جدا
واجمل ما فيك هي دماثة الخلق وسعة الصدر وطول البال
واني اهنئك وابارك لك هاتين الخصلتين اللتين قل ان تجتمعا في قلب رجل واحد وباذن الله سنلتقي قريبا في السودان في الاجازة المدرسية وبالمناسبة انا كنت متشبع بالثقافة والتراث الكردفاني البحت وبعرف العب مردوع يعني لو لقيت ود عثمان في تلك الايام كان غلبتو ليكم في الصراع .. وبغني الغنا الكردفاني الاصيل ومن المعجبين جدا بعبد الرحمن عبدالله وعبد القادر سالم وابراهيم موسى ابا وصديق عباس لكن خروجنا المبكر من المنطقة وعودتنا الى ديارنا في الخرطوم بحري والغربة الطويلة اضعفت في نفوسنا هذا الزخم الراقي الاصيل وذلك الالق الجميل ... الف تحية

شن حالكو ؟ماكو طيبين؟

حالنا زين يا استاذة
ايش لونكم انتو تحياتي للاسرة وللاولاد يا اصيلة.. الف تحية

يا ابني عود الصندل انا ادعوك الي التسجل في جمعية ابوجبيهه الاستثماريه
لأنها بتربط كل اهل ابوجبيهه الحباك
عشان نرفع ابوجبيهه مدينة الكرم والجود

انا قاعد اتواجد بكثره بس اعمل مسكول وانا برفع السماعه
واسمع البلبصه حقت جدك خليها
زمن الفراس الفراس القبيل في ماحي ابو الرباعيه والحسب النصيبة والقوم ول ديدان وعبدالله ولد المرفعين وبرشم ود الدلحميد ومحمود سورني انبر بقول انا محمود سورني لباس قماش الطي الدار من غربها لشرقها طوتها طي مخليت كبدةَ بارده دم ترحب بي تشو عنز البحر هي وااحده عند ابو ها واحد جا قال ازوجا الفراس كلهم انبرو واحد قال لها انا مزيقيل غسيين الدار الشرموط المعفن دا خشمي والبتخا المعقره ديل جعيباتي باصور ام تاكرني الاعيوج ديل كويعاتي واصغر اخواني بقلني بقع فوقي وعبدي كافي بحلب من العصر دم النعاس ارمي والبجي في دوري السلا برمي ..................شكرا عمك الحازمي وفي الحقيقه انا جدك واستفسر من عمك ابقرشين


........................................................est very love
..........................

يا عود الصندل السلام عليك وكيف حالك ماكو طيبين اوعا عيالك ما يقعو في جر العجين انا بطرب ليك المثل حق ابهاتنا الكبار واليوم كلهم بيقو مراحيم قصة قالها جدك عبد الله المندوب بقول نحنا رجال دار علي تلاتة آدم النبقي ول عمر والخليفة محور شال أبو ام عجوه وانا زاتي عبد الله المندوب .
آدم ول عمر بتو مهدية زوجا لي موسى ابانونا كلو نص متر من التراب .
والخليفة ابو ام عجوه زوج بتو ام عجوه لي بالي البلا جابو كلو نص متر من التراب .
وانا عبد الله المندوب دا زوجت بتي لي ابو عجوبا كلو نص متر من التراب .
ها قوليهم يا الحلفا انحنا رجال ولا ما رجال ؟!
بحكليك كان عمر ول زكريا قار نين مع ابوي الخليفة ابو ام عجوه قارنين دور واحد والوكت داك هو صبي وهو بدور فوق بت ابوي قسم الله داير يتزوجا تلقا بقوم من النوم بقول (انا ببكي واي داير اب فليجي وليد الناس )
دي من الطرابف المابتتنسي حقت اهلنا العرب والطرايف كتيرة .

توا المطر وقع والضعاين ساراً جو على جهة الزلطا الفزرا تلقى الطالب القريعاني ولد ابو تلقى بطارد فوق الحلوف
وتلقى السمبوري بي بقيراتو الدرع بوصيك لي قول ليا ماتمشي على حجير الدوم هنا كنانة عندك هنا عند الحدبة مع القلاب قول لي لو مشيت بي هناك بلقنك بنات حجير الدوم بطردنك .

وشكرا عمك الشايب الحازمي ...!