ابوجبيهه

نصيحه من داقس ..... اعملوا حسابكم .... منقوووول

استعرض الموضوع السابق استعرض الموضوع التالي اذهب الى الأسفل

نصيحه من داقس ..... اعملوا حسابكم .... منقوووول

مُساهمة من طرف ناهد عبيد في 25th أبريل 2011, 11:35


معليش طويله والناس مشغوله لكن تعملوا شنو اصبروا

سلامات
منقوووله

كالعادة وخلافا لكل دول العالم التى تتم فيها مراسم الزواج فى يوم او اثنين اثنين و بأقل التكاليف الممكنة نجد ان الزواج السودانى هو عبارة عن مسلسل مكسيكى اى والله مكسيكى يستمر لايام وايام يجتمع فيها الاهل و الاقارب والاحباب والجيران وجيران الجيران
والاقارب من الدرجة الخمسمائة بعد الالف .
وينفق فيه اموال طائله تكفى لبناء مستشفى حديث او فندق 5نجوم او رواتب المعلمين فى احدى المحافظات
تبدأ القصه
بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى _المهم وتأخذك غضبة حمقاء وتناجى نفسك وانت فى حفلة زواج احد اصدقائك
الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقيه .
عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل كل اولئك النساء فى ثم تنسى حياتك عندما تسترعى انتباهك الحسناء الجالسة فى ركن قصى فى حفل الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة كما يفعل وتتلاهى بمكالمة وهمية فى موبايلها وهى ترمقك من طرف خفى الصياد المحترف

المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا ثم تمسح دمعة وهمية من عينيها فتأخذك الحماسة وتقول ياسوسو_و اانا ناوى اصل بيتكم بس انتى شنو عارفة الظروف والعرس بيكلف كتير وووووو)والله فتقاطعك سوسو بحنية ثعلبية وبنعومة الافاعى
انا مادايرة منك شى, انت بس تعال اخطب والعرس يتأجل لحد ما الظروف تتحسن فتصدق الكلام من عوارتك وتحدد يوم الخطبة وتأخذ ثلة من اهلك وقليل من اصادقائك وجيرانك وتقصد بيت الملاك المختار
وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد واحد اتنين )
وتأخذك الدهشه قبل ان يأخذك ابو العروس جانبا, يعدل عمته التوتل ثم يقول والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج- -بسرعة البرق .
ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياااخوانى من الفرحه لمن ما قادر يرد ) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نانحنا اقل من الناس البسوو الاعراس؟
والله لو ماعملت عرس ماعافيين منك؟ عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن وترهن بيت ابوك وتبيع الكمبيوتر والموبايل وتزوغ ببعض الصناديق ثم جدك وتستلف من 10-15صديق و كدا واخيرا واخيرا جدا تجد نفسك حالق جديد ولابس بدلة سودا-لون الحداد!!!- متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة - والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ يهمس بمكر وحقد (وانا مالى,فى زول حذرنى؟)؟

"عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يحننوك بالجد" نصيحة من داقس
(انتو ما سمعتو بالمثل الساير اليومين ديل البمد صباعو بيجرو من ضراعو والبعاين بعينينو بيجرو من اضنينو)

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: نصيحه من داقس ..... اعملوا حسابكم .... منقوووول

مُساهمة من طرف محمود منصور محمد علي في 25th أبريل 2011, 18:35

الاستاذة ناهد عبيد
ليته كان مسلسلا مكسيكيا !!! ده اشبه ما يكون بالمسلسل التركي او الفلم الهندي...
لكن الواحد حيعمل اية ؟؟؟ الكثير من المظاهر السلبية انتشرت كانتشار النار في الهشيم ولم تفلح معها كل العلاجات والمسكنات والمهدئات لان محاولة العلاج جاءت متاخرة وجاءت بعدما ازمن المرض في النفوس واستفحل الخطر فاصبح جسم سرطاني والعياذ بالله..
ولو طبقنا الشريعة الاسلامية بطريقة صحيحة بدون مظاهر للغلو او التطرف كما يحدث الان لقطعنا دابر الشر والفساد واستاصلنا كل مظاهر الفساد والانحلال ... وفي النهاية الزواج غاية السعادة للانسان وهو تكملة لنصف الدين لمن اراد ان يكمل دينه ليصبح كامل الدين .وهو ارق وعذاب وندم ونكد لمن اراد اللعب والاستهتار واللهو ومضيعة الوقت في غير مرضاة الله عز وجل ..الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: نصيحه من داقس ..... اعملوا حسابكم .... منقوووول

مُساهمة من طرف د.الجنيد احمد سليمان في 26th أبريل 2011, 11:20

الموضوع حى جدا...وبصراحه تقاليد الزواج السودانى)حتى عند الاسر الفقيره) اضحت فوق طاقة الأزواج ومن اسباب عزوف الشباب عن الزواج...شنو الحكايه’
خطبه..ثم شبكه...عقد...عزومه..ثم دخله..وبين الخطوة والأخرى عادات وتقاليد ما انزل الله بها من سلطان...

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: نصيحه من داقس ..... اعملوا حسابكم .... منقوووول

مُساهمة من طرف ناهد عبيد في 28th أبريل 2011, 14:59


اشكركم على المشاركه والطرح الواضح

ولكم كل التقدير

استاذنا محمود
دكتور الجنيد

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

الطول ما مهم المهم المحتوى

مُساهمة من طرف كابوس في 29th أبريل 2011, 19:55

[b][b][b]شكرا علي هذا النقد البناء وعلي المفاهم التي يجب علينا تصحيحها
نسأل الله العظيم رب العرش الكريم مع مغارب الجمعة
ان كنت متزوجة ان يبارك لك في زوجك ويرزقكم الحياة الطيبة والذرية الصالحة والرزق الحلال ورضا الله ثم الوالدين وان يختم حياتكم بما يحب ويرضى
وان كنت غير متزوجة ( وكل العازبات ) ان يرزقك بالرجل الصالح الذي يعنك علي طاعة الله والنجاة في الدنيا والآخرة
نسال الله ان يزقنا الفقه في الدين والعمل به وان يكثر من أمثالك الذين يصححون المفاهيم الخاطئة
تست تست والسلام أمان كابوس

كابوس
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى