ابوجبيهه

معاناة مغترب

استعرض الموضوع السابق استعرض الموضوع التالي اذهب الى الأسفل

معاناة مغترب

مُساهمة من طرف علاءالدين عبدالرحمن تيمي في 27th مايو 2011, 10:55

**ست الحلا**

بدت الامور مبرطة ملخبطة مشخبطة
ام سويقات المطرطشة
من الشنا عاملة فيها محجبة
ومبرقعة شرَاباتا زاتا مقددة
في الضلمة شالت الكلام.حبكتو
للدعاية والشمارات فلفلتو جدعتو
زواجي ..حلحلتو فرتقتو قطعتو طرشقتو
ام سويقات حاكي حاكي زي الدجاجة تكاكي
عاملة فيها محجبة
********************
ياأخوانا البرقع ده:
جوَاهو العيون المكهربة((بكسر الراء((
البياض داخل السواد عامل الحجاب خايف العتاب
شيء يجنن
انا في ديار عدنان بلملم ريال ريال للسمحة ست الحلا..الشنطة جاهزة مستفة مربطة..
حسب كلام ناس أمي وخالاتي قلم ستة ولو زتَ بريدك انت*****بعيش معاك بالفشفاش والعتَة.
ستة مع ستة***ستة من التياب الحرة ابو قجيجة.الدلع.السبب الحماني.كرسي جابر. دردقني في النجيلة.شارع الجامعة.
وستة اخريات من توب الجارات زي قوس قزح مزركشات .الكعب العالي وجزمة الحمام قدل وشباشب.وريحة ناشفة.
الصندل كيلو مختوم والضفرة كيلو والمحلب الدقاقة .وريحة سايلة بخاخ وعادي.وكريمات ومفارش .وصابون حمام دوف. ومافوك
وأشياء ستة مربطنَها حتة حتة حامياني النوم مقلقة بي**اصلا انا نايم في الكرتون والعناقريب المقطعة.الدندر اخو المرقود بشاغلني .بكلكلني بزيد همي
****************************************
صابر على الايام ياالريلة ام عيونا كحيلة .
البنات غجر فشر انت الاميرة اميرة قلبي ياست الحلا
يوم العرس ده يوم المنا يوم الهنا .يوم الفركا والدلكة من شهر ستة الساعة ستة والدخلة ستة من ست
تجينا ضوَا تضوي البيت ضحكاتا صراخاتا ولما تزعل تجيني جارية يايابا يايابا.
اشيلا فوق وأضمها في صدري ***أقول السكر ده حلاتا حلاه **تضحك لي
السمحة بتي تعالي جاي وفي جواي**بناجي الكريم عطَاي
امشي المسجد أتوسل أتهجد بدور الوليد يشيل اسمي
ضراعي اليمين سندي وقفاي **افرح بيه زي ضوَا
وأضبح الكبش الكبير .فداك عمري فداك دخري
انت معاي في دنياي حياتي تمام ماندمان ماعطشان ماعريان
هذه القصة رواها الخاطر . ارجو من الاخوة في جمعية الرفق بالقوارير وعلى رأسهم الاستاذ محمود منصور والمشرفة اقبال عبد اللطيف مناشدة الآباء أن لا يقفوا حجر عثرة أمام زواج المتحابين.
لأن الحب بجي صدفة والزول عايش معاك بين ضلوعك ولايام.
وضحكتو تشرح صدرك وتوريك قدرك ومقامك عندو.
والريدة في العيون لو ما خابت الظنون***متلتلة**مولعة نار*خلوهم لبعض
دمتم

علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: معاناة مغترب

مُساهمة من طرف اقبال عبداللطيف في 27th مايو 2011, 16:12

العزيز تيمي اخبارك والعيال؟
زولك ام سويقات ماخلا ليها صفحة ترقد علا...استاذ محمود وانا شغالين تمام..لاكن ناس ول نوية العندك ديل بخربو السوق...
بمناسبة صاحبك ابو لسانا طويل ..واحد لاقى قريبو مع مرتو ..المره ماعجبتو سأل قريبو :دي مرتك؟
‏:آي.
‏:بعتها بقروشك ولا انطوك لاها اطان؟
احترامي


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: معاناة مغترب

مُساهمة من طرف محمود منصور محمد علي في 27th مايو 2011, 17:03

الاستاذ تيمي ابو علاء
اولا مبروك الصورة الجديدة ولم تعرفنا على هذا الشبل وعلى العموم ربنا يحفظو ويغطيه ما شاء الله..
ثانيا الكلام البخوف دة قاعد تجيبو من وين ؟؟
المهم ولا يهمك الجمعية بتعمل ايضا في توعية ارباب الاسر لمحاربة هذه الظواهر السالبة والدخيلة والاستاذة اقبال ومعها فريق العمل لم يقصرو في هذا الشان فلهم الشكر والتقدير
-----------------------------
يازينة الشباب يا السمحة انا جاييك عريس
بكتب الكتاب يالغالية مهرك ما رخيص

عارفك جميلة وزايدة في البنوت حلا
المال عليك يا راقية ابدا ما غلا
لكن ظروفنا القاسية كيف بنبدلا
حالف يمين بس نفوسنا نزللا

بت المدن يالواعية يالدارسة اقتصاد
غلى المهور حاربيه ما تخليلو باب
اتمنى خت الحنة واعرض في السحاب
وفوق بنات حلتنا نايرات بالشباب

من قلبي دايرك لي شريكة ام عيال
لكنو قربك لي بعيد صعب المنال
يعجبني فيك لو قلتي انا مادايرة مال
اصلو العرس بالفاتحة يا ناس كان حلال
---------------------------------------
الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: معاناة مغترب

مُساهمة من طرف محمد قادم نوية في 30th مايو 2011, 14:22

علاءالدين عبدالرحمن تيمي كتب:
**ست الحلا**

بدت الامور مبرطة ملخبطة مشخبطة
ام سويقات المطرطشة
من الشنا عاملة فيها محجبة
ومبرقعة شرَاباتا زاتا مقددة
في الضلمة شالت الكلام.حبكتو
للدعاية والشمارات فلفلتو جدعتو
زواجي ..حلحلتو فرتقتو قطعتو طرشقتو
ام سويقات حاكي حاكي زي الدجاجة تكاكي
عاملة فيها محجبة
******
شكرا تيمي ضحكتيني شديد والله ؛لكن (أم سويقات) دي ما ماخليت (شنية ) ماقلتها فيها ؛؛سلامات يا أخت إقبال نحنا ماكنا كويسين وكنا بنحارب معاكم ناس العصابات (فيصل خليل) وفصيله... شنو رامية علينا الصاجه كده؟ بالطريقة دي حتخلينا ننضم للثوار
تحياتي للجميع
































































































































محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: معاناة مغترب

مُساهمة من طرف اقبال عبداللطيف في 30th مايو 2011, 14:45

ول نوية نسيت خاف؟كت سباري زي صاحبك بلباص..الشبيحة ذاتم..
اخبارك والوراك ان شاءالله طيبين..


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: معاناة مغترب

مُساهمة من طرف عثمان موسى آدم في 11th يونيو 2011, 14:52

اخى تيماء ..عبدالرحمن ..لنا طولة..اعلم انك من كنا يفاع ..يدغدغ قريحتك المسكونة بالتراثيات ..تفيض احيانا فتأتى قفشاتك المضحكة القاتلة للضجر..انت مشروع مؤلف تنافس د.قريب محمد..ولكن المهاجر والهواجر ..مصرة تمسك بأناملنا ان نكتب ولو ..كيف قيلتو..ولكن اقول اخى ودفعتى ورفيق الصبا ..شكرا لقد انتزعت البسمة من بين ركامات الغربة ..لان كلماتك تعنى لى بعدا اخرا يذكرنى بنكاتك الممتدة مع ظلال الماضى نستوحيه لنفتات من باقايا الفرح..لك ولكم جميعا مودتى..
تخريمة:ـ
بالامس هاتفت اخى ابو الزهور بعد سياحة روحية..احسستها..وتبادلنا الحديث عن الوضع فى عاصمة جنوب كردفان فى عجالة..
انتهز الفرصة ازجى تحياتى لكل الاخوة..فردا فردا..((ورغم الوضع زنقة زنقة))ونسأل الله ان يفك كرب اهلنا وتستقر البلد..

عثمان موسى آدم
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى