ياناس اسرتنا ما تنسو يوم السبت الجلسه الاسريه

انتن حضور بيناتنا والله يادكتورة..ربي يرد غربتكن ونبل شوقنا بي شوفتكم...وناس بلاد برة الاسرهم في الخرتوم ..كلمو اسركم عليكم الله.

كدي شوف جون اول ياعمو..

تامين ولامين إن شاء الله ... معكم بقلوبنا وعواطفنا

سلاماااااات

ان شاء اللمه الجايه فى الحرم يا رب قولوا اميييين

وان شاءالله دائما تامين ولامين ومتحابين ومتعاونين يا اهلنا ناس ابوجبيهه .

تمت الجلسه الاسريه بحمد الله كنا نتوقع حضور اكبر ولكن لظروف الحياه نقول الجايات اكتر من الريحات
الشكر كل الشكر لجميع الاسر التى شكلت حضور جميل سلام مرحب السلام وونسات واكل لقيمات ولعب الوليدات ولقيه بعد غيبات .

نشكر الذين ارادوا الحضور ولم يستطيعوا لظروف ما . كما نشكر الذين اعتزرو .

وايضا لا يفوتنا ان نشكر الجماعه الما جوا وكمان ما اعتزوا

الحبيبات احسان - سهاد - صباح اكيد انتن حضور بيننا ربى يردكم الى البلد سالمين يا رب

الاعزاء | ازهرى - الفاتح

عند رجوعكم بالسلامه تكون لنا لمه بطعم الوفاء والصدق اكيد والله قلوبكم وعواطفكم مع اسرتنا

وللجميع منى شكر وتقدير واحترام

واقعدوا عافيه

Suhad Abduelgfaar كتب:

اها يا ناس اسرتنا
والله قلبنا معاكم
وكيف لمتكم
منتظرين الصور
تحياتى

بت خالى اذيك واذى العيال وابوهم والله نحنا عارفين قلبك معانا الله يسلمه من كل بلاء

للاسف يا سهاد المصوراتيه والفنانين والعندهم الدهيه البصورا بيها ما جوا جينا نحنا جرمنديه ساااااااكت وناس قرعتى رااااحت . لكن المره الجايه نحاول باذن الله نشترى تلفون فوقا كاميرا ان شاءالله قال ليكى نسوى لينا صندوق مع اقبال

لكى تحياتى سهاد واقعدى عافيه