قيادة الحركة الشعبية واجتماع جنوب كردفان

الزبيرمحمدأحمد كتب: بسم الله الرحمن الرحيم
الاُستاذ / ادم عيس والاعزاءاصحاب الرأي / حفظهم الله
=========
السلام عليكم ورحمة الله وبركاته وبعد
كل عام والجميع بخير ‘
اولا - اِختلاف الراي لايفسد للود قضيه ‘ نحن جميعا نختلف ونتحد من أجل تراب الوطن ونؤكد للجميع وفي الوقت الحالي وقت العولمه اصبحت الكتوف سوه سوه كما قال الاستاذ / محمود منصور ‘
ثانيا ‘ نرجو ان لايربط البعض مشكلة جنوب كردفان بالجنوب ‘ جنوب كردفان ذات الحضارة والتاريخ وهي في قلب السودان ولانسانه دور فاعل في الحياه الاجتماعية وبين الجميع عوامل الانصهار واللغة والدين والعادات والتقاليد التي لم تكن متوفره في يوم من الايام في اِنسان الجنوب الذي ذهب غير مأسوف عليه
الاعزاء الكرام الدواس شي غير مرغوب وهو سبب مباشر في هلاك الامم وتاخرها تعالو ا جميع الي كلمة سواه ‘ تعالوا جميعا نجلس في الواطه ونشوف الطريقه التي توصلنا لخير البلاد والعباد 00
وبالله التوفيق / تحيا تي
===========

الاخ العزيز الزبير لك الاحترام والتقدير.
والله انا من المتأسفين اشد الاسف لذهاب الجنوب لاننا مرتبطين ارتباط وثيق بالجنوب بالذات نحن فى مناطق التماس ونحن رعاة ومزارعين لنا مصلحة حقيقية فى الجنوب وذهاب الجنوب وعدم استقراره يعنى عدم استقرارنا نحن فى كردفان .مافى لينا اى مفر من الجنوب اذا كان دولة او غيرها.
وبالنسبة للحضارة اكتفى بما قاله الاخ الطيب .
ومعك بان الحوار هو المخرج.
مع احترمى

فيصل خليل حتيلة كتب:

معلوم للجميع هنالك اشخاص لهم اراء مخالفة ولكن يصعب عليهم الادلاء بها وخاصة بالداخل لان جلابية الطابور الخامس جاهزة للتلبيس .

اخى ادم لك منى التحية

لا نخاف فى كلمة الحق من اى جهة كانت حكومة ولا معارضة او غيره

فى نهاية المطاف تهمنا الحباك الوطن الصغير و سوداننا فوق الكل

تحياتى

العزيز فيصل لك التحية والتقدير.
الكل يعرف من هو فيصل خليل وانا شخصيا ما محتاج لشخص يزكيك لى . وانا قلت هنالك بعض الاشخاص (عدل ومساواة مثلا) فقط لان هناك حساسية مفرطة تجاههم من قبل الحكومة واظنك فهمت قصدى بدون ما اشرح كتير....

لك منى الود والتقدير

كل سنة وانتو طيبين..
المقدر آدم مامعني ان نعلنها حرب اذا الملك(بفتح الميم) ماقسم الملك(بضم الميم)..ونقضي علي اللين واليابس وتوقف وتدمر مشاريع التنمية قدر الفي وتجهجه العام الدراسي والزراعي؟

اقبال عبداللطيف كتب:كل سنة وانتو طيبين..
المقدر آدم مامعني ان نعلنها حرب اذا الملك(بفتح الميم) ماقسم الملك(بضم الميم)..ونقضي علي اللين واليابس وتوقف وتدمر مشاريع التنمية قدر الفي وتجهجه العام الدراسي والزراعي؟

العزيزة اقبال وانت طيبة.
انا سألتك سؤال محدد ومنتظر عليه اجابة وليس سؤال رغم انو سؤالك دا برضو عندى فوقو رأى كبير وانا منتظر ردك على سؤالى.
مع تقديرى لك

آدم عيسى كل سنة وانت طيب مالك حاكيها كدا ياخ..
اجابة سؤالي وسؤالك من يفعل ذلك لا تهمه مصلحة وطن او مواطن..ويطفح السباق السلطوي وحتى الحكومة لاتسلم من ذلك.

اقبال عبداللطيف كتب:آدم عيسى كل سنة وانت طيب مالك حاكيها كدا ياخ..
اجابة سؤالي وسؤالك من يفعل ذلك لا تهمه مصلحة وطن او مواطن..ويطفح السباق السلطوي وحتى الحكومة لاتسلم من ذلك.

اختى اقبال سلام
فى ناس اليوم عندهم احساس انو السودان حق فئة معينة ودا بفضل الممارسات الخاطئة منذ الاستقلال والى يومنا هذا وصبروا طويلا منتظرين الاوصياء لكى ينصفوهم فلم يحدث ذلك وخاطبوا تلك القضايا سلميا لكن ما من مجييب فحملو السلاح بحثا عن كينونتهم حتى يلتفت لهم (ولاة امورهم) الذين حثوهم وهمسوا لهم بحمل السلاح اذا ارادو حقوقا...
وعلية تشبث المركز بالسلطة غير المستحقة وقتالها لابناء السودان بأبناء السودان منذ الاستقلال الى يومنا هذا يثبت جليا ان حكومة المركز يهما مصالحها الشخصية فقط وليس مصالح مواطنيها الذين يبحثون عن حق هو بأمكان الحكومة فعله وليس بمستحيل ..
والسباق السلطوى امر مشروع اذا كان هناك تنافس شريف من اجل العباد ولصالح العباد الى هم الشعب السودانى بمختلف (اثنياته)و(دياناته)وتوجهاته (السياسية)احتراما لتعدده بأعتباره مصدر فخره .
االسودان الان اصبح شعوب وليس شعب واحد وما اظنك محتاجة لشرح فى ذلك وذلك بفضل تلك السياسة التفضيلية من قبل فئة قليلة تبحث عن مصالحها...
مع تقديرى

تسلم يا اخوي

الفاتح محمد التوم كتب:

ادم عيســــــى ابراهيم
دعني أكون معك شفافاً ............. السودان ليس شعوباً كما تتصور أخي .... ولكن الحق يقال بأن لكل قبيلة بلطجية و أرزقية تحاول تلعب لصـــالحهاهذا ماجعل النسيج اإجتماعي هشــاً وسطحياً وهلامياً ........ تاهت فيه الرؤي الحقيقية لمصلحة الوطن و علت فيه المصلحة الشخصية لذا مافي سيد حارة وبالمناسبة للجهل وعدم النضوج السياسي سبب في كل ما يحدث .............الأحادية وإلغاءلاخر سبب ثاني لما يحدث
لكن صدقني عودة الإدارة الأهلية لجنوب كردفان وإعطاءها صـــلاحيات وآسعة ستسد الفجوة
هناك وطنيون كثر .... أرجو يا آدم أن لاترى الظلام فقط ....في ناس فيهم خير .... إذا استغلت مرحلة الجمهمورية الثانية وتمت إصلاحات جذرية بتخلي الرئة واسعة شوية .......... وليس من رأى كمن سمع

hgu.d.

العزيز الفاتح محمد توم كل سنة وانت طيب .

نعم اخى العزيز السودان اصبح شعوب ودا حسب وجهة نظرى وبأمر السلطة الحاكمة على اعلى مستوياتها واديك دليل واحد فقط على ذلك فى مؤتمر للادارة الاهلية بجنوب كردفان خاطب الدكتور نافع المؤتمرين وقال لهم عليكم بعزل الحلو لانو اصلا ما من الولاية ويقصد انه مسلاتى من غرب دارفور اى جزوره من دارفور ولم يعترض احد فى الجلسة على حديث نافع هذا وبطريقة او اخرى يا اما فعلا الحلو ينتمى لشعب اسمه المساليت والناس راضون بذلك او تسرى فيهم النبره العنصرية تلك .

هنا فى هذا المنتدى مافى واحد قال سلبا ام ايجابا على حديث نافع غير الاستاذ فيصل خليل وادرك اهمية الموضوع.

وازيدا اخرى عندا فى ابيى ترك شعب المسيرية وجها لوجه مع دولة الجنوب لكى يحدد مصيره برجاله ولم تضع لهم الحكومة حساب عند المفاوضات فى نيفاشا وتركوا يواجهو سياسةالتجريب.اخى الفاتح نحن نرى ونسمع ونعمل كمان وانا ادق باب الظلام حتى يمتزج بفلق الصباح ولا شك ابدا بأن هناك وطنيون كثر لكن مكبلين ولن تسمح لهم الحكومة بفعل شئ الا اذا كانو يقومون بما يرضيها ويضمن بقائها.

اخى الفاتح الحكومة هذه لاتدعم الا بلطجية القبائل الذين يمسون ويصبحون يسبحون بحمدها.

لاحظ المبايعات التى تتم للحكومة بأسم القبائل .

اما تقوية الادارة لكى تقوم بدورها انا اؤيد هذا الطرح لكن ايضا لا ننسى استغلاليتها لكى تمثل فعلا ارادة شعوبها وليس ما تريده الحكومة



مع تقديرى

عقلية السيطرة على الناس والاممك انتهت هناك سيناريوهات كثيرة يجب مراعلتها ووتحليلها

العزيز ادم أنا اخالفك الراي انو الحلو ما من الولاية هذا بشاهد هل المن الولاية بضري اهلي زى ما فعل مايسمي الحلو وضرب التومات خير شاهد وكلكم علمتم بها وعلي مازكر الكلام دا كان قبل قيام ولاية جنوب كردفان أتي ما يسمي الحلو بجنود الحركة وضرب العزل قتل من قتل وجرح من جرح واسر من اسر وخرب الزراعة وروع العباد فى المره الاولى وايضا قبيل الانتخابات فعل ما فعل بأهل الفيض العجائب ولا واحد منكم استنكر هذا اى انتماء هذا آخى الكريم الذى يدعك تقتل اهلك وبنى جلدتك انها آخى السلطة وحب الذات كان الله فى عون شعب بلدي ولنا عودة ان عوتم السلام ختام

osama osman كتب:العزيز ادم أنا اخالفك الراي انو الحلو ما من الولاية هذا بشاهد هل المن الولاية بضري اهلي زى ما فعل مايسمي الحلو وضرب التومات خير شاهد وكلكم علمتم بها وعلي مازكر الكلام دا كان قبل قيام ولاية جنوب كردفان أتي ما يسمي الحلو بجنود الحركة وضرب العزل قتل من قتل وجرح من جرح واسر من اسر وخرب الزراعة وروع العباد فى المره الاولى وايضا قبيل الانتخابات فعل ما فعل بأهل الفيض العجائب ولا واحد منكم استنكر هذا اى انتماء هذا آخى الكريم الذى يدعك تقتل اهلك وبنى جلدتك انها آخى السلطة وحب الذات كان الله فى عون شعب بلدي ولنا عودة ان عوتم السلام ختام

العزيز اسامة اجل انك لاتتفق معى ولابد لك ان تعلم ان الحلو مسؤول من اخطائه ولن ادافع عن اخطاء الحركة الشعبية فى امردمى وامعدارة وغيرها لكن فى نفس الحال هذا لن يعفى الحكومة بانها كانت تقصف القرى عن طريق ابناء الولاية انفسهم ولانريد زكر اسماء واذا كان بنفس المنطق دا نجد ان هرون ما من الولاية لانه كوالى مفترض سمح لعبد الرحيم محمد حسين بان يدك مواطنيين عزل داخل ولايته بحجة ان اهلهم متمردين وموضوع التومات معروف لكل شخص ان الحكومة دكت التومات دكا بطائراتها بحجة ان بداخله متمرديين والمات هم الدفاع الشعبى الماشين يخمدو جيش الحلو الموجود فى التومات والطيارة لم ترمى براميلها من فوق ما قاعدة تفرز لكن برضو لما يحصل تمرد زى دا ودو الجيش النظامى لكن ماتجيشو المواطنيين حتى يتقاتلو اهلهم وصلت ارحامهم ولازم اذا الناس عايزة فعلا تعيش فى امان وسلام لابد انو الغلطان يقولو ليهو غلطان ونتجنب الانحياذ الاعمى والعصبية

اخى اسامة عندك ادنى شك بان كل القرى التم قصفها بواسة الطيران هى تابعة للنوبة وقتل فيها اطفال ونساء وشيوخ فمهما كانت الحجة يا اخوى العالم اصبحت يراقب كل شئ رضينا ام ابينا وسوف يأتى يوم نعض على بنان الندم ونقول ياريت ما كن كذا وكذا



مع تقديرىا.

الاستاذ ادم عيسى
المحترم
ارجو مراجعة صندوق الرسائل الواردة ولك شكري

الاخ العزيز محمود منصور لك الود.



حزفت الرسالة لانى ما كان عندى فكرة عن صندوق المنتدى لكن الحمدلله وجدتها ولك الشكر والتقدير

راجع بريدك

ود النو بركة الجيت



والبوست مسخن جد



اخبرنى احد الاخوة بان اللواء دانيال كودى جاء الى مؤتمر الادارة الاهلية بكامل بزته العسكرية وبرتبة لواء



ده شنو ياجماعة



وينو جيشك ياخى



ونافع يقوا الحلو ما من الولاية



هو عارف امبير دى اسست عام كم



واحمد هارون ذاتو من وين



وهو ياجماعة البلد دى بى جاى عندها سيد



ولا لازم يرجعونا ورا دائما

طيب الزول الما من البلد والذى سبق ان ذهب الى امريكا

هو الان قائد الجيوش والعساكر تعمل بتعليماتة



وعامل ليك غلاقل تقعد معاهو ولا ما بتقعد

نتمنى ان يتم حل شامل وجاد لمشكلة جنوب كردفان وسئمنا الحلول الامنية والحلول بتاعت المؤامرات

لانها بترعنا تانى للمربع الاول

وشكرا

سلام للجميع

بالمناسبة يا اخى ادم عيسى الوالى هارون من مواليد الشرقية والقرية التى ولد فيها تبعد حوالى 15 كيلو من امبير مسقط رأس الحلو , ولا ما كده ابو هريرة .ولى عودة

السودان لأهل السودان والجهوية هي التي تقودنا نحو الهاوية

Ahmed kuku Ahmed كتب:سلام للجميع

بالمناسبة يا اخى ادم عيسى الوالى هارون من مواليد الشرقية والقرية التى ولد فيها تبعد حوالى 15 كيلو من امبير مسقط رأس الحلو , ولا ما كده ابو هريرة .ولى عودة

اجل اخى العزيز هرون من ابناء الولاية ومواليدها لذا انا استغربت من استحسان حديث نافع الذى طعن حتى هرون نفسه

مع شكرى وتقديرى

كيف ادافع عن اهلي وانا اقتل واشرد وازعزع الامن ..وكان سلطة انت علي رأسها..وبرضو نقول لا أجندة خارجية ولا عمالة..
لماذا يفعل عقار بأهله ذلك؟
وكيف تستولي ياعقار علي (باو) وانت ولي امرها؟
الحركة تستحق الردع محل قبلت..
اللهم احفظ ولايتنا من دناوة اهل الحركة واعوانها ..وانصرهم عليهم يارب.
صبرك لوطال ماباقي كتير يابلادي ..وجعتنا البيك تبقالنا نفير يابلادي..

احم احم نبدأ من وين من الموساد ولا السى اى ايه



البوست دا لازم يكون فوق



سلام يا حباكيين