ابوجبيهه

((( المدفع الرزام وادب الحماسة))))

استعرض الموضوع السابق استعرض الموضوع التالي اذهب الى الأسفل

((( المدفع الرزام وادب الحماسة))))

مُساهمة من طرف محمود منصور محمد علي في 29th يوليو 2011, 20:30

المدفع الرزام
كلمات الشاعر / عمر البنا
غناء / الفنان احمد يوسف والفنان بادي محمد الطيب


المدفع الرزام طلقاتو من صدرك
يا جبل الضرا المافى سيل حدرك
النار ولعا واتوطا فوق جمرك
**********
ألف بجيب شكرك
يا حاتم زمانك يا السديد فكرك
يا التلب اللزوم الشلت فوق دبرك
يا أب دربا زلق كضب البشق وكرك
*******
لزام التقيله والعاطله دراجه
وروني العدو واقعدوا فراجه
كان ما اشت شملهم واديهم الحاجه
ما برجع تانى للزندو عاجه
********
الأسد المربعن حارس جبال برى
نتراتو الفى بارا مسموعه في برى
ما بعرف كلام الهشكى والهبرى
وقت الصح يبين يا أم خد بجيك خبري
********
من عصرا كبير حس النحاس قحّ
الفارس برز والخايف اتنح
وقت الشوف بشوف اخوكى يا السمحه
فرتاك الصفوف أقلّ من لمحه
*******
يا فارس اللقا وعصار ضهور الخيل
يا الحقيت كلام أم سر وست الجيل
في يوم القتال سموك فشق الفيل
لميت في الفرسان بهدلتهم بهديل
********
غربلت الفراسه وأخدت صافيها
وان جاتنى الألوف غير شك بكفيها
تعرفني أم خدود وأنا بعرف الفيها
النار ولعت بى كفى بطفيه
*********
وهذه دعوة للاخوة والاخوات للمساهمة في عمل توثيقي يشمل اغاني التراث والحقيبة والغناء الشعبي وندعو الاستاذ ياسر السر والدكتور ازهري لتخصيص منتدى للاغاني والاناشيد الوطنية واغاني التراث بمعزل عن منتدى الصوتيات والبرامج .. حتى نرتقي لمصاف المنتديات الاخرى التي سبقتنا في هذا المضمار,, وتاكدوا من انه سيكون عمل ناجح جدا ومفيد للباحثين والمنقبين عن التراث ... الف شكر


محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف ابوهريرة عثمان عبدالسلام في 29th يوليو 2011, 22:48

انت يا محمود اليومين دى شنو البتحمس فينا كدة داير تطير لينا شكله ولا شنو نحن اليومين دى ما ناقصين مشاكل.

واحد زميلنا فى الجامعة وهو عسكرى من اولاد الجنينة سمع اغنية النار ولعت وكانت حينها منتشره يغنوها لعمك فى زياراتو وهو يعرض
وقت قال

وقت الشوف بشوف اخوكى يا السمحه
فرتاك الصفوف أقلّ من لمحه

صاحبى قالى ليه عندو قرنيت ولاشنو

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف فيصل خليل حتيلة في 30th يوليو 2011, 09:44


محمود يا جميل سلامات

نحتاج بالفعل ان نبحث فى تراث الغناء الشعبى و ان نعرف االكثير

مبادرة جدا ذات قيمة كبيرة يا محمود

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف محمود منصور محمد علي في 30th يوليو 2011, 11:30

الاستاذ فيصل مشكور على المرور وكذا التعليق
ولابد من ان يخصص رواق من ضمن الاروقة لاغاني التراث والحقيبة والشعبي والدوبيت والحماسة والسيرة حتى يكون في متناول الجميع ونكون قد اسهمنا في الحفاظ والتوثيق لهذا الارث الكبير.. ولو لاحظت ان كل المنتديات اهتمت بهذا الشان فمنتدى الشعر يكون مخصص للشعر والادب ومنتدى الصوتيات يكون للاستماع من الروابط التي يقوم الاعضاء بتنزيلها بين الفنية والاخرى وهذه المبادرة ارجو ان تجد حظها من الاهتمام
الف شكر

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف محمود منصور محمد علي في 30th يوليو 2011, 11:36

الاستاذ والمحامي متلقي الحجج الوهمية
الف شكر ومرورك بطعم تفاح امبرمبيطة جارة الوادي
طبعا الحماسة اليومين ديل عشان ودعشمان ما يتراجع و هو محتاج للمزيد من الدفع المعنوي!!!! عشان ما يتغدر ويؤخذ على حين غرة ولا يتنازل عن مطالبه الشرعية,,,
الف شكر

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف فيصل خليل حتيلة في 30th يوليو 2011, 21:45


محمود ندعم المقترح بكل قوة و نرجو من الاستاذ ازهرى و الباشمهندس ياسر دراسة

المقترح

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف ابوهريرة عثمان عبدالسلام في 30th يوليو 2011, 23:28

يامحمود اخوى انت قاصد تفاح امبرمبيطة ولا للاولوب امبرمبيطة
انت شنو دايما مركب لينا ود عشمان
فى راسنا
بعدين كدة خلى الزعيم غريق يكلمنا عن حماس البلد واشعاره

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف محمود منصور محمد علي في 30th يوليو 2011, 23:56

يا ابوهريرة
انا عارفك زعلان عشان سحبو منك اوراق القضية!!!
وبعدين انت اخر مرة شفت فيها امبرمبيطة قبل كم سنة؟؟
امبرمبيطة يا استاذ فيها حدائق معلقة زي حدائق بابل وفيها التفاح والرمان والكيوي والعنب الاحمر والاخضر والاسود والكميثرا ((وفيها القطا والبوم وابن حبوكل وطير القطاء والعلندد والاسل)) كما قال قيس ابن الملوح عندما زار امبرمبيطة في العصر الجاهلي
الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف ابوهريرة عثمان عبدالسلام في 31st يوليو 2011, 00:19

ياخى انا شفت امبرامبيطة شهر مايو النصرم

ما فيها غير النبق واللاوب والتبش والعرديب والكالتو والجوغان والحميض والقضيم وام تقلقل والقنقليس

وف الطيور ما فيها غير ابلو والبرام وقرين حشاش وودابرق وابو رقيع



والشاعر عثمان دياب ذكر ذلك وعثمان دياب ده بعرفو ود عشمان كويس

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف محمد قادم نوية في 31st يوليو 2011, 16:47

بوست راقي جداً يستاهل التفاعل معه
اغانى الحماسة ضرب من ضروب الشعر الغنائي الشعبي القديم ارتبط بأشخاص أو جماعات قبلية وفى معظم الأحيان بمواقف بطولية حدثت أثناء النزاعات والحروب التي كانت سائدة في القرون الماضية وهى أشعار تمجد الأخلاق الفاضلة والقيم الحميدة والشيم السمحة من كرم وشهامة وشجاعة وتضحية وإيثار ، ولهذه الأشعار تأثير كبير في إزكاء الروح القتالية وإلهابها وشحذ الهمم وحث الرجال على الثبات في المعارك ومقاتلة الأعداء وإدخال الحماسة إلى قلوبهم في وقت الحروب والشدائد ، وهي تطرد الجبن من القلوب الوجلة وتزيل عنها الخوف وتبث فيها الحماس والنخوة والشجاعة

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف ابوهريرة عثمان عبدالسلام في 31st يوليو 2011, 23:23

يا التلب اللزوم الشلت فوق دبرك
يا أب دربا زلق كضب البشق وكرك



كلام عجيب يامحمود



ياخى ما تشوف لينا تمساح جزاير الكرد بتاعت البعيو

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ((( المدفع الرزام وادب الحماسة))))

مُساهمة من طرف ابوهريرة عثمان عبدالسلام في 1st أغسطس 2011, 01:35

كلمات بت مسيمس
رواية الفنان / بادي محمد الطيب

الواعي ما بوصو
من أمس الضحى
تورى أب زنود ساقو
يا مقنع ولياتو
********
تور بقر الجواميس العليك الرك
يا عقد الحديد للحلبي ما بتنفك
تورك يا أم رشوم في الحلق عشرق
دقيت الجسر وحاجر مشارع الحق
*********
غنيت وجبت مسدار
المكنه بتكاكى وجنن مدافع النار
لفوك يا رحل الكحل دلوك ما بتندار
أمانة يا صقر ما تفرشت ليك برجال
********
غنيت وجبت نمك
بجر القول عليك يا مقنع الكاشفات
أسد الخلا الحجر اليويات
ساقوك لي الشنق
يا أبو أمنه حوبتك جات
*******
غنى وشكري يا خضرة الجٌم
طلع لي عشارى الليله مسكو يفوح
ما خطف البدينقه وما جفل مجروح
سيفو بياخد الخوده ومعاها الروح
********
أمك ولدتك ما ولدتم أتنين
تسلم لي يا تلبى البكيل العين
حالف يمين ما بكون بين البين
دقيت الجسر لي متعة الحيين
*********
غنيلو يا بنيه
من قومة الجهل ما قاملو بى نيه
وكت الشوف أشوف وقفولو سلطيه
تعدى وركز قال اخوكى يا رقيه

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى