الشيخ جقر الى القفص الذهبى

الشيخ جقر رحمه واحد من حبايبنا من ابناء كالوقى درس بالحباك (دفعه) هو هاجر الى بلاد العم سام واصبح برتش بالتجنس وعاد فى هذه الايام الى الوطن وقد قرر اكمال نصف دينه وقد ساقه القدر الى ابونواره واختار ست الحسان كريمة اخونا محمد حامد وقد تم عقد قرانه على الدكتوره وسوف يكمل المراسم فى مايو القادم ويطير من جديد وعروسته الى لندن

يلا يا ول عشمان ده واحد بريطانى زيك كده جاء من لندن وتزوج من ابونواره يلا نشوفك قريب يا ولد ابوى

الف مبروك للعروسين وبيت مال وعيال ونتمنى لهما حياه زوجية سعيدة هانئة وهادئة ومترفةو بالرفاه والبنين..
والعاقبة لاحباب المنتدى المتزوجين ليضاهي بنا النبي الكريم الامم..والغير متزوجين ليكملو نصف دينهم وعلى راسهم ود عشمان وياسر السر ومحمود هنوة وود نوية والجبالي وود المحلج وفلس وجبل اللقمة00
الف مبروك والشكر للحاج غريق

انتو ول عشمان ده مشا وين

ما تدوروه لينا

نبارك ليهم السم والزين وعقبال البنين والبنات والمال مع التهاني العطره

والله فرحتنا يا غريق بهذا الخبر السار ...
وعقبال لود عشمان ....
تعرفوا ود عشمان دا إلا نعقد ليه غيابياً ...
وما بتمسك ...تسأل منو هنا يقول ليك الصورة دي جمب برج إيفل ... والجليد دا في الشمال ...وكنت نايم في الفندق في المغرب ...!!؟؟؟ وليه تمشي المغرب !!!؟؟
يا جماعه الزول دا نسوي ليه شنو ... بس نقبضوا كيف ؟؟؟!

أبو نواره بلد بالجد حلوة ناسها بالجد طيبين ...أذكر حينما كنا بقرية السهل ...كان بعض الشباب والشابات يأتين بالثيران لطاحونة السهل ( طاحونة العم عثمان حتيلة )...وبعد ما ينزلوا العيش ... يأخذوا الثيران يربطوها بعيد من بابور الطحين ... وبالعصر يشدون الرحااال بالعوده لأبو نواره الجميلة ...
وما أدري هل تغير الحال ...أم ما زالت الرحلات مستمرة ..وبالجد كان زمن جميل وياليته يعود ... محبتي

مبروك لجقر

لكن يازعيم ول عشمان دا بشروطو البسويها دى

الا نعقد لهو غيابا زى ما قال عثمان جاوش ليصبح فى الامر الواقع

انا بكره بعمل توكيل من ود عشمان لفيصل

وخلى يجى يقول دا توقيعى

يعني يا عمو عباسي مافي طريقه تاني لا انت ولا ود المحلج؟ هههههههههههههه
تحياتي لعائشه وامها

والله يا أبو هريرة المحامين ديل خطيرين ....
وبالجد ضحكتني بقصة عمل توكيل للغالي فيصل ...

لكين خطيرين بالمحامية .... تسلم ...
يا ود عشمان إتحرك بسرعة وأخطب عشان تتزوج ... بالجد شوقتنا لعرسك ...ولازم لو ربنا تم تدعي كل ناس المنتدي ...
وربنا يسعدك يا طيب يا أبو دم خفيف إنت .... محبتي

مبروك لاخونا الجقر وربنا يتم ليهو على خير وانشاء يغلبه بالمال وتغلبو بالعيال قول آمين حاج غريق تشكر على الخبر يا عزيز.
بعدين الاخ الكريم ول اب عشمان خبرو عندى يا ناس ابوجبيهة وبعيدين الزول ده قدريشنه للجيزى ارخو ليى شويه خلى عوده يشد ويخبر البلدان دى زين بعدين الجواز ملحوق (هوى براهيم الحرية زيها ما فى مالك ومال السعالات اتاخرت مالك الليلة وقيامات كتيرة انسى بس ).

يا ناس الفريق السلام عليكو ..

بالنسبة لدعواتكم نقول : اميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين ..

يا اخوانا المنتدي دا مليان عذابه امثال محمد نويه و الجبالي وووووووو عيرهم من العذابه الناس دي كلها ود عشما عرس .. ود عشمان عرس .. ود عشمان العمر مشي ود عشمان اتا جاي السودان بتين ياخ انا ما عارف الناس دي الكجرها فوقي شنو ..

الزعيم غريق كنت داير اقول ليك خلاص شوفو لي مره من بناتكو بنات الحباك لكن قطعت جهيزه قول كل خطيب .. الان احمد كوكو قال كلام و كلامها انا ما برمي في التراب شوفو ليك شقله غيري ..

اتصل علي واحد قبل يومين من الاصدقاء اسمو سيف دوتم و قال لي ياخ الاخ محمد جادالله بسال عنك و بقول اتزوجته و لا لسع و سيف ردا عليه قال له الرجل ما زال قاعد عذابي قال له عليك الله كلم ود عشمان خلي يرسم لينا المره الدايرها دي عشان نفتشو معها ..

انا اتقول قاعد في راس زول ..

لكم التقدير

مبروك إن شاء بيت مال وعيال

الف الف مبروك لول عمي الشيخ جقر وانشاءالله بيت مال وعيال

الاخوه الاعزاء احباب الحباك
لكم التحايا العطرات بعد غيبه طويله . والف الف مبروك لحبيبنا الشيخ الجقروانشاء الله بيت مال وعيال
الجقر انقطعت اخباره عنا وهو والعزيز خالد يوسف ابراهيم ( الحاحو) زمن طويل
اتمني ان نسمع اخبار خالد ايضا وهو عريس 000 شكرا اخونا غريق
تحياتي لك احباب ابوجبيهه .

مبروووووووووووووووووووووووووووووووووووووووووووووووووووك