عطاءات جمهورية السودان

عمو فيصل سلام

حقو اشيل الكاميرا واصور ليكم الهنا دي ومجانا في كل محطه بص - ترام - او قطر
وعمال النظافه تدفع لهم الدولة وبنظام الورديات حتي تكون نظيفه علي مدار الساعه

وعندنا استثمار هههههههههههه
الله غالب

دى يا فيصل بدعه ما موجوده الا عندنا

تحياتى

الموضوع حرقنى

قمت بالاتصال بالصحفى عثمان ميرغنى

وشرحت له ماجاء فى الاعلان عاليه

قال هذه اشياء يجب ان يطلع بها القطاع الخاص 00اعنى استثمار

طيب ده راى واحد من الصحفين الذين يوجهون الراى العام ويسهم فى تصحيح السياسات العامه

رايه ان الحاصل سليم والهناى

ده يمكن يدخل دائرة الاستثمار ويكون واحد من موارد الدوله

عجب بلد غريب

انتو الناس البمشو بره ديل من المسعولين قاعدين يقمضوا ولا ايه 00مالهم ما دايرين ينقلوا البشوفو بره ده

عجب

ياجماعة الخير الحكومة تعمل شنو ول شنو؟؟؟

وبعدين دي فكرة جيدة لانو الحكومة بمحلياتها المختلفة كانت فاشلة في ادارة هذه الاماكن والمرافق العامة فاصبحت بؤرة ومستوطنة للامراض الخطيرة وفقدت كل الامكانيات التي تؤهلها للقيام بمهامها الصحية..
وبهذه الطريقة يمكن ان تدار بوعي ومسؤلية واكيد ستكون هناك صيانة دورية من المستثمر ونضمن وصول المياة لها بطريقة مستمرة ودون انقطاع..