مبروووووك الأمورة ...أحمد مرحووووم ...

بحمدالله رزق الأخ العزيز بأمورة أطلق عليها إسم : آرام ....أي بمعني الظبية الحلوة الجميلة ...
ونسأل الله أن تكون من بنات المستقبل والتي يشار لهن بالبنان ...
مبروك أخي أحمد ...وألف مبروك .....

تشكروا ايها الظرفاء ورثتم الطيبة والمحبة والتواصل يا ابناء الأصول ، أسأل المولي عزوجل ان يرزقكم حسن الختام ويدخلكم الجنة، أكررشكري لكم

بورك فى الموهوب وشكرت الواهب جعلها ال له من الصالحات

البنية مبروكة ومحجوزة يااحمد اخوي ربنا يجعلها من المستورات.

(محمود منصور الحنين+ زميل الدراسة والصديق الوفي ابوهريرة+ الأخت الفاضلة المقدرة إقبال عبد اللطيف حمد)تشكروا يا أصول أسأل الجبار من فوق سبع سماوات ان يمن عليكم بالذرية الصالحة وتكون طريقاً لكم إلي الجنة أميييييييييييييييييييييييييييييييييييييين. تخريمة الفاضل محمودالشهر الماضي أتيت معمراً لمكة شرفها الله ولم اتمكن من الوصول إليك، عارف إنك عاتب علي لك العتبي حتي ترضي، ابوعثمان (ابوهريرة) اين بابكر عريس بالله كلمو خليهو يظهر عليناولو بطلة ولا السلمة بلعتو،المحترمة إقبال كيف الزوج المحترم سلامي ليهو وكيف الهلالابي في الصورة وباقي الأولاد أسأل الله ان يجمعنا كلنا جماعة المنتدي في سودانا الحلو دة +

الصديق ول نوية تشكر انا وإنت قريبين يلا تعال خد رجلك وانا جنبك خلينا تكتحل برؤياك ولا شنو؟؟؟؟؟؟بالله عليك لو في هالوك من هالوك الكور الحلو داك جيب لي معاكوكمان العشريف القري قري ولا المستر تشكر وقدمك إلي الجنة بإذن الله

غمرتني يا حبيب، والله في شوق لكم مجرد ما تأجزوا علينا علي طول في أحّر من الجمر ، تخريمة بالله عليك لو في واحد من الحباك عندكم هناك وصل قريب من الحباك اسألو هل عندو دليب فنقول مشتاق ليهو شديد جيبو لي معاك،كمان ما تنسي شطة فجوج الحارة ديك جيبا معاك‘ تشكر يا اصلي سلامي إلي الأهل والأولاد

الف مبروك يا صديقي البنية و جعلها الله من الصالحات الغانتات و رزقكم خيرها.

مبرووووووك يا احمد

ربنا يجعلها من البارين بوالديها

مبروك المولودة اخى احمد وربنا يحفظ ويصونها
وان يجعلها من الحافظات لكتابه الكريم وسنة رسوله عليه
افضل الصلاة واتم التسليم . انطينا الوصف انشاء الله نصلك فى البيت ومعى جاويش.

مبروك الامورة اخي أحمد مرحوم ونسأل الله ان يجعلها من الذاكرات الحافظات لكتاب الله واقر بها عينيك وعيني والدتها ان شاء الله

الأخت الدكتورة الفاضلة إحسان( ناشي)ربنا يحفظك في غربتك ويردك سالمة غانمة مزيد من الرفعة والتقدم_ دكتور مرتضي كل الود والحب والإحترام يغشاك في بني ساس ويعطر قلبك الرقراق بالتوفيق_ المجاهد غريق بل الأخ المخلص أسأل الله ان يبرك أبناؤك ،كلكم علي منابر من نور في الجنة_بن جارة الوادي احمد كوكو تسلم اخي وتفضلوا كلكم علي الروضة مخرج 12 طريق الحسن بن علي مراحب في اي وقت والدار تنور بيكم، إلا عندي وصية بدورك توصلها لول عثمان قل ليّ ان تاني إلكلم وقل يس محمد يس من جارة الوادينقطع ليك لسانك ده رط ولو عاين كي علي ماليزيا ولا بروناي نقد ليك عينك،ههههههههههههههههههههههههههههههههههه -الرائع دوماً النشط يا ليتنا كنا معك حتي نسد بصحبتك ،امييين متعك الله بالصحة والعافية ورد الله غربتك- بن خالتي بل اخي البعزوا شديد وكمان كثييييير، أثلج الله صدرك وبيّض سنك ازال همك وكشف غمك كل الود لك، ارجو اخوتي اكون قد كفيتكم بهذه العبارات البسيطة لكم مني كل الود

عويد الصندل البضفرو للغباش ما بنطو بت عمه جيب ابو

هذه السيرة بمناسبة زفاف ابني للامورة انشاء الله تربي في عز وشرف

مبروك يا أحمد مرحوم .. تتربى فى غز الأهل .. حمودى ح يخش المنافسة مع الجماعة

والله انا زاتي غلب حيله مع الخُطاب الكتار ديل ربنا يحفظ الجميع، لكن شوف عيني كي إلا تدخلو صناديق الإختراع عشان تكون النتيجة عادلة

حلاتها البنوته ربنا يخليها ليكم ويديها الصحه والعافيه ويجعلها من المستورات الصالحات

اخوى احمد مرحوم الاموره مبروكه وتربى فى عزكم يارب