لطاقية ابناء جبال النوبة

: بريمة يتنكر لطاقية ابناء جبال النوبة

ول أبا أمين

نحن البقارة لدينا تراث فى مدح والتقرب من المرأة .. أنظر الأتى:

تلل تلل تلل تلل
جمال فاطمة السلامية ما معقول
حير الناس وشغل الطيور ..

فاطمة سوت الشاى ودفقت "التفل"
جات القماري أكلت "التفل" وطلعت الشجرة كل واحدة تناجى أختها ..
ماهى فاطمة السلامية ..
ماهى فاطمة السلامية ..
ماهى فاطمة السلامية ..

أنا جيت ماشى قلت ليها مالك يا قمرية
طارت القمرية طططططت وعنت الجهة الغربية
تبعتها ومشيت شوية شوية بكل عفوية وحسن نية ..
ركت القمرية جوار بيت فاطمة السلامية
عنيت البيت شافتنى فاطمة السلامية
قلت السلام عليكم
قالت فاطمة البسلم يتفضل قدام
مرقت فاطمة شايله برش فى أيدها الشمال وكورية موية فى أيديها اليُمنية
شربت الموية وقلت ليها تسمحى لى أنا قادم لى قدام ..
قالت لى فاطمة خليك حريف وأحفظ النظام!
البجى عندنا هنا لازم يضوق الطعام
والبمشى بلا طعام دا عندنا حرام
أهديتها تحية سلام وأديتها نقطة نظام
***
فاطمة عملت الشاى فى برادها الأبيض سخيل ..
والمعلقة فضية ..
والكبايات رونق وفيها خطوط ذهبية

فاطمة أنت أنتزعت الرشاقة والأناقة من العالم نهائيييييا

شاي فاطمة فيه: حبهان .. قرنجال .. وقرفة دم ..
وكن شربته يظبط كيفك ويزول عنك الهم.
***
شاي فاطمة فيه: حبهان .. قرنجال .. وقرفة دم ..
وكن شربته يظبط كيفك ويزول عنك الهم.
***
كلكم القاعدين يكون للمعلومية ومن هنا ورايحين ..
مرضى العيون لا تودهم مستشفى الوالدين ..
ولا مكة أو الرياض
ولا المغرب
ولا المنشية
شقوا بهنا غرب .. بيت فاطمة السلامية قريب من نيالا وغرب شوية
تشرب شاى فاطمة نظرك يبقى سته فى سته ونظرك يظبط مية فى المية
الطلبة كن شربوا شاى فاطمة ما بطلعوا من العشرة الأولية
***
فاطمة جمالك ما معقول حير الناس وشغل الطيور ...
أنت يا فاطمة الريل المثالية
أمك الناقة العشارية
أبوك تور الجاموس البلقب المية
أبوك من البقر سايق فى الألفين
ومن الجمال ألف وخمسماية
ومن الغنم فات التلتمية
ومن الضأن كتير ما شوية
لو جوه ألف ضيف بقول شوية
يضبح ليهم من الفجر للعشية
يا فاطمة أنتم الكرم والجود حقكم من زمان أنتزعتوه من العالم نهائيا
***
فاطمة جمالك ما معقول حير الناس وشغل الطيور ..
فاطمة أنا منك لا أزول ولا أحول وأنسب معاك نهائيا
***
فاطمة حرسك من الجيش أربعة ألاف وتلتميه
وحرسك من الجنجويد ألف وخمسمايه
وأنت يا فاطمة نص السودان يشتغل ليك بدون ماهية
***
يا فاطمة جمالك ما معقول حير الناس وشغل الطيور
عينك نجمة السحور
ووجناتك بضون نور
***
يا فاطمة قالوا يعينونى
وزير الداخلية أو مسؤول مرسوم السودان قلت ليهم ما بدور ..
عينونى مدير بنك السودان قلت ليهم ما بدور ..
عينونى وزير خارجية السودان قلت ليهم ما بدور ..
***
قالوا لى أنت أهبل ولا مغرور ..
قلت ليهم لا أهبل ولا مغرور ..
ألم تسمعوا ماذا تقول الطيور .. فاطمة السلامية .. فاطمة السلامية.
أنت يا فاطمة فرقتينا نهائياً ..
كن أنطوكم دية مليار جنية قولوا مادايرين!
كن أنطوكم ألف ناقة قولوا ما دايرين!
كن أنطوكم تلاته ألف بقرة قولوا مادايرن!
كن أنطوكم سبعمية ألف نعجه قولوا ما دايرن!
***
وقالوا ماهى القضية؟
قال القضية فاطمة السلامية
كن تنطونا فاطمة تنتهى القضية نهائييييييييا

***
ويعود السبب فى أشعارنا عن المرأة لأن البقارة فحول .. وكلمة فحول بمعاناها العربى الفصيح .. وبمعاناها المجازى فى الشعر الجاهلى ..
يقال أن بقارى إمرأته طمحته (رفضت البقاء معه كزوجة) .. وأشتكته إلى القاضى فى كادقلى فى أوائل الثمانينات .. حضر هو ووالده ووقف هو وهى أمام القاضى .. قالت المرأة أن زوجى مقصّر فى حقى كزوجه فى الفراش .. ففهم القاضى قصدها .. وطبعاً كلامها يظهر كأنه لا يأتيه الباطل من بين يديه .. فما كان من الرجل البقارى إلا أن أرخى سروايله أمام القاضى والحضور .. وقال للقاضى "شوف بعينك يا مولانا، دا زول فيهو شك فى نظرك". تسمّر القاضى، فقال له والده "ياولد دس السلاح".
فحولة الرعاة عموماً تغذيها المفردات البيئة والتراث الرعوى عموماً .. إذا علم الفرد أن شباب البقارية فى البادية يستحموا أستحمام جماعى .. ليس مع شلة واحدة بل مع أى إنسان يقابلونه فى المورد، يتأكد أن البقارة لا يتوانون فى عرض مظاهر فحولتهم .. ومع قبح هذا التراث والمآسى فى القتل فى الشرف التى أوقعنا فيها لكن أحسن بدرجات من الذين صاروا أنفسهم نساءاً فى مدن كثيرة .. ناس حمادة، لو جونا فى البادية (نرقعوهم) عصا (ام قرش) لما يقولوا بس .. لأن هذه الصفة صفة اللواط هى أكثر ما يكرهه البقارة ..

وسوف نأتى للشاى:

تلل تلل تلل ..
الشاى شاينا كسار كبابينا ..
كن أنطيته للبقارى يوريك عدد بقيراته
كن أنطيته للكردفانى يوريك عدد مخماسته
كن أنطيته للقاضى يسوى ليك النصيحة مدنقسة
كن أنطيته للفكى يقرا ليك البسملة
كن أنطيته للعجوز تقول ليك ولدى بيتنا فيهو تلاته عذبه مالك ما بتغشا