السادة أعضاء منتدى ابوجبيهه

المقترحميل جدا

وانا اضيف

احمد مرحوم

ادم عيسى

اقبال عبداللطيف

وبالنسبة لمراسل الداخل يجب ان يكون متواجد بابوجبيهة وانا طبعا زول خرطومى ساى

أزهرى الحاج البشير كتب:

أرشح السادة الآتية أسماءهم للإشراف على المنتديات المتاحة .. ولقد بنيت ترشيحي على فعالية هؤلاء الأخوة والأخوات

من واقع نشاطهم ومساهماتهم في الفترة السابقة وأترك لهم إختيار المنتديات التي تروق وأحساسهم بالعطاء من خلالها :

1/ محمود منصور محمد علي

2/ ناهد عبيد

3/ علي أحمد علي شرف الدين

4/ مرتضى عبدالعظيم عبدالماجد

5/ سومة بت العمدة

6/ صباح حسن عبدالرحيم

7/ سهاد عبدالغفار آدم

8/ الفاتح حسن أبو سارة

9/ كرم هجانة

10/ الطيب الشيخ كندة

11/ جابر عبد الساتر

كما أرشح مولانا أبوهريرة عبدالسلام مراسلا للمنتدى من أهل الداخل

عييييييك .. كع .. ما عندي كلام اقولو .. ما دايرين ليكم مستشارين و حتي لو لا يستشيرون ..

الشاف عيال جارة الوادي سو لهم منتدي ما كضب .. الزعيم غريق قول ( فه)

ود عشمان انتو عندوكو منتدى الصراع دا حقكو باااااااااارد وانت المشرف

بتانى دايرشنو

بعدين يا جماعة المراسل لازم يكون فى منطقة الحدث

او على الاقل الناس المتواجدة

ولو نص نص فى ابوجبيهة عشان كدة يا جماعة انا شايف الطيب كندة افضل لذلك ويكون معاهو د الجنيد

السلام عليكم ورحمة الله تعالي وبركات
مبسوطة " بالديموقراطية "
واقترح نسبة 25% للمرأة ولا حنعمل منتدي مع عيال جارة الوادي
واثني قائمة ابوالزهور + ا قائمة ابو هريرة

يا اخوانا ..

في زول عندو رقم تلفون عبدالعزيز الحلو .. او مالك عقار ؟؟

الاستاز ابوهريره ..

منتدي الصراع دا مضمون .. لكن البحر ما بيابا الزياده ..

الاستاز ازهري .. شكرا للترشيح .. لا استطيع ان اشرف او اكون نائبا لاي مشرف لاي منتدي ..

الدكتوره ناشي ..

اضم صوتي علي صوتك و يجب ان تكون نسبة المشاركة لجميعة الرفق بالقوارير ( اقصد جمعية اقبال عبداللطيف ) بنسبة 43%

احترامي ..

نشكر الاخوة الذين رشحوني على تلك الثقة التى اولونى اياه ، ولكن اقول لكم شكراً ليس لدي المقدره على الاشراف .
والجايات اكثر من الرايحات

وانا اعترض على ترشيح السباري ود عشمان :لانه يحمل جنسية بريطانية.. ونحن في حوجة لاناس وطنيين وغيورين ومخلصين لاينتمون الى اي دولة اجنبيه ولا يعترفون بازدواج الجنسية...

علما بانني قد تقدمت بورقة اعتراض وذلك عن طريق المحامي البطل المناضل السوداني الاصيل ابوهريرة عثمان وهي في الطريق لادارة المنتدى..

ايوه يا محمود انا مفروض امشى فى الشكوى لكن ود عشمان قال حيتنازل من الجنسية البريطانية وكتب تنازل وارسله لى لكن انا رفضنو الا بعد ان يتم اعتمادة من الملكة شخصيا

اها يا اخوان واخواتي ابدأوا التصويت

محمود منصور محمد علي كتب: وانا اعترض على ترشيح السباري ود عشمان :لانه يحمل جنسية بريطانية.. ونحن في حوجة لاناس وطنيين وغيورين ومخلصين لاينتمون الى اي دولة اجنبيه ولا يعترفون بازدواج الجنسية...

علما بانني قد تقدمت بورقة اعتراض وذلك عن طريق المحامي البطل المناضل السوداني الاصيل ابوهريرة عثمان وهي في الطريق لادارة المنتدى..

والله يا محمود ضحكتني

و تعال انت قبل يومين ما قلت ابوهريره محامي فشنق حتي السياره البرادو ما قادر يرجعها للدكتور المسكين و انت عارف المشكلة تكمن بان ابوهريره بدلتو واحده ياها الغبشا دي عشان كده القاضي ما اظن يستمع لمرافعتو

أزهرى الحاج البشير كتب:كتب ول عشمان فقال:

الاستاذ ازهري .. شكرا للترشيح .. لا استطيع ان اشرف او اكون نائبا لاي مشرف لاي منتدي ..

يا ود عشمان نحن ما طلبناك مشرف أو مساعد مشرف وإنما رشحناك مديرا .. بس تحكم بما يرضي الله

لا بما يرضي جارة الوادي يعني مرسي رئيسا لمصر لا للجماعة

الاستاز ازهري

المناصب الكبيره دي خليناها لعيال قرية ابوجبيهه و نحن خلونا فراجا

nashi كتب:اها يا اخوان واخواتي ابدأوا التصويت

طيب يا اخوانا خلونا نكون جادين و نبدأ التصويت استجابة لطلب الدكتوره ناشي



و عليه اشرح الاتيه اسماءهم للمناصب التالية بالمنتدي



اولا

ارشح الاستاذ الكبير يسن محمد يسن للاشراف علي المنتديات التالية بمنتدي ابوجبيهه العريق

و المناصب هي :

المدير العام .. مشرف المنتدي العام ,, مشرف المنتدي الاجتماعي ,, مشرف المنتدي الاقتصادي و مشرف المنتدي العلمي



ثانيا

ارشح الاستاذ الكبير احمد كوكو

علي الاشراف علي المنتديات التالية بمنتدي ابوجبيهه العريق

و المناصب هي

مشرف المنتدي الاسلامي ,, مشرف منتدي الصوتيات ,, مشرف المنتدي السياسي و مشرف منتدي ركن الاسره

و ارشح الاتيه اسماءهم للمنافسة علي منتدي الشعر و هم

الاستاذ ازهري الحاج البشير

الاستاذ خدورة ام بشق

الاستاذ الفاتح محمد توم

و سوف نترك الباب مفتوحا للترشيح و المنافسة علي الاشراف علي المنتديات التالية

تعريف المنتدي

منتدي تاريخ ابوجبيهه

منتدي شخصيات من ابوجبيهه

و اقترح و ارشح الاخ عود الصندل علي الاشراف علي منتدي تعريف المنتدي

مع التقدير

تحيا روح التبادل السلمى للمناصب ...
شكرا بلا حدود على وجود إسمى فى قائمة إدارة المنتدى ..
لكن صدفونى .. أنا ما عندى فكرة كبيرة .. المنتديات دى بديروها كيف ..
لأول مرة قبل فترة عرفت إنو فى مراقب .. و فى زول بيقدر يحزف حاجة بعد ما سيدا ينزلها .. و و و و .. عشان كدا .. أعفونى خلونى أتعلم و بعدين نشوف ..

مع حبى الكبير جداً لهذا المنتدى .. لأنو فكرتو فيها خيال بديع ..فجأة كدا نتلم عبر الأثير .. و نلاقى ناس ياما فرقت بينا الأيام ..
ما زلت مندهشاً .. خلونى أفيق من الدهشة .. سنة سنتين تلاتا .. و بعدين .. نترشح .. كان ربنا يحبب فينا خلقوا و يدونا أصواتهم ..
لكن أعتقد أن هناك فكرة ما فى تطوير العرض .. و الإخراج العام .. مع روعة الحاصل الآن ..
لكن أثنى ترشيح المجموعة .. و أرشح أزهرى و الفاتح للإشراف العام ..
و ح أكون مع فريق أخبار أبوجبيهة و الشرقية بشكل عام ...
نسال الله التوفيق و السداد ..
لو عندى وصية ....
1/ فلنحافظ على الروح الطيبة و الأخوة و روح التسامح.
2/ المنتدى .. هو زى قعر النيمة الكبيرة أو الراكوبة الكبيرة .. فى الحوش الكبير ..
3/ كلما إجتهدنا فى إنتقاء مفرداتنا فى حال الرأى الآخر بيكون المنتدى هو المنتصر و الفائز ..و هو الأقوى ..
4/ مستوى الحرية فى المنتدى رائع جداً .. خلا كثير مننا .. على أقل تقدير بدل ما تهاتر .. تسكت .. ليس للهزيمة لكن .. لإفساح المجال للحياة كى تستمر ..
5/ فى المنتدى الرياضى فى إهمال كبير جداً لأخبار أبوجبيهة ..
6/ حاولوا معى تحويل المنتدى إلى أرض الواقع .. تدعيماً لمبادرة إحتفالية أبو السارة و ود عشمان ..
آآآآآآآههه
كيف ح نملا الحتة الواقعة بين الواقع وبين الفكرة ..
إنت أدينى موانع الصاقعة و أنا بديك الموت السترة ..
...............
أحبكم بكل دموع الشجى ..

ياسر السر.. ازهري ... غريق.. شاويش.. الفاتح التوم..فضل الحاج.. ود نوية..احسان..فيصل.. هذه الاسماء هم اساس المنتدى وعنوانه وقلبه النابض.. وانا لايمكن اسمح لنفسي مهما كانت الاسباب ان احل محل اي واحد منهم احتراما وتقديرا وعرفانا لما قدموه لهذا الصرح الشامخ..

واقترح بان تقوم الادارة بفتح اروقة جديدة لاستيعاب الافكار وللاستفادة من العناصر التي ترى انه يمكن الاستفادة منهم ..وفي هذه الحالة يمكن لي ان اقبل التكليف للاشراف على اي رواق جديد من الاروقة المستحدثة..

الادارة الحالية ناجحة بكل المقاييس ولا نريد ان يحدث اي خلل في هذه المنظومة المتجانسة ولن نقبل الا بدخول اسماء جديدة من خلال اروقة جديدة..

تحياتي

حبيبنا كرم .. كلنا جينا طُرش والبركة في عمنا ياسر أورتشي والذي كنت أصر على بقائه مديرا للمنتدى لفكره وعلمه وفكرته ونكران ذاته وعمله في صمت .. إننا بحاجة لكم جميعا وسنكون معكم على الدوام نريد أن يشارك الجميع في تسيير دفة المنتدى وكل ما تحتاجه في الإدارة موجودة في لوحة الإدارة ..

عمو محمود

ما شايف زولك ول عشمان متحكر كيف فى التربيزه وانت يى لواريك دى تنافسو كيف

المقترح جميل وانقترح احمد كوكو مساعد للمدير

بسم الله الرحمن الرحيم
سلامات الساده منتدى ابوجبيهه لكم منى كل التقدير .


الديمقراطيه ..الفرصه لغيرنا .. نضخ دماء جديده ..التبادل السلمى للمناصب .. ربيع المنتدى ..اصبح المنتدى يدير نفسه ..محمود منصور بالتزكيه للمنتدى العام وسوف اقوم بتسير الامور لحين .... الخ

**** يا ناس كلامكم كباااار وعاوزين تاخدونا كلفته ساااى كده والسلام وكمان عاوزين تتوهونا فى وسط الكلمات البراقه دى وتكبو الزوغه هوى يا ناس بصراحه الظاهر عليكم دايرين تتخارجوا ودى تلقوها عند الغافل وانا شيفاكم وبراعى ليكم ساى هوى انقرعو والله ما يهمنا هو تطوير المنتدى ويصبح من اميز المنتديات ونحن لا ننسى فضل ومجهودات الاخوه الزين فكروا , ساهروا ,تعبوا ,صبروا , وارثوه بكل ماهو جميل ورائع ومفيد
حتى اصبح المنتدى مناره معلوماتيه ثره وظل ظليل ساعة الهجير وبفضل الله سبحانه وتعالى وبفضلكم اصبحنا اسره واحده ( البيت الكبير ). فعليكم الله المسأله ما حماس وبس ووجوه جديده الموضوع خبرات ووجود مستمر وهى مسؤليه كبيره تتطلب تمرحل كخطوات تدربيه للتاهيل بحيث نستطيع تحمل الاعباء كامله وبمهنيه واحترافيه .

*** عليه نؤكد ان المنتدى محتاج لشويه ترتيب داخلى لسد الثغرات والنواقص ان وجدت .

*** فى ناس لهم بصمتهم الواضحه واسهماتهم وخبرتهم لابد من وجودهم فى المنتدى والانسحاب ممنوع اتفقنا .

اقترح ان يكون لكل منتدى (اركان المنتدى ) مشرف ونائب .


واقعدوا عافيه بجيكم تانى مقبله

**ناهد عبيد كتبت : فى ناس لهم بصمتهم الواضحه واسهماتهم وخبرتهم لابد من وجودهم فى المنتدى والانسحاب ممنوع اتفقنا .

اقترح ان يكون لكل منتدى (اركان المنتدى ) مشرف ونائب .

سلام اهل الدار واسمحوا لي أرد علي بت عمي عبيد
والله يا ناهد محتاجين تغيير والناس الخبرات ديل لازم ينقلوا خبرتهم للجدد عشان الحياة تمش والناس لازم تتاح ليها فرص عشان تتعلم والا حنحتاج علي طول نرجع لناس الخبرة كما هو حادث في الاحزاب السياسية والشباب ضايعين.
المهم لازم ندعم التغيير وبشده ورجاء ساعدونا في ترسيخ الفهم ده عشان الاحتكار في الاسلام حرام ولا شنو القول؟
وممكن الادارة الحالية تعمل لينا تصويت الكتروني يشارك فيه حتي الزوار واعضاء المنتدي والبفوز حبابه وبالله ما عايزين خج يعني اعملوا كنترول انه اي انسان يصوت مرة واحده ان شاء الله تعملوا لينا صبغه للكيبورد ههههههههههههههه
هذا مع تحياتي واحترامي للجميع

انتو مالكم ساكتين كده ان شاء الله خير اهااا نكسر ليكم حاجز السكوت ده . اتوكل وامرى لله
احمم ابدأ ليكم غايتو جنس غايتو بس عشان تقولو بقم ولا اى حاجه .



ارشح الساده اسماءهم مشرفين ونواب اشراف على المنتديات الاتيه .

المشرف العام :- ازهرى الحاج

مدير المنتدى :- ياسر سر الختم

الاسلامى :- احمد مرحوم .. احمد كوكو
العام :- الفاتح محمد التوم .. محمود منصور
التعريف :- ياسين محمد ياسين ...ايمان عبدالرازق
العلمى :- د مرتضى .. الطيب كنده
الرياضى :- محمد نويه ... د احسان
الاجتماعى :- طارق كمبال ... فيصل خليل
الاسره :- اقبال ... ابوهريره
تراث المدينه:- قمر الدين .. محمد النو
حكاوى المجهر :- صباح حسن .. احمد كوكو .
الشعر :- فضل الحاج ...سهاد عبدالغفار
السياسى : غريق ... الفاتح ابو ساره



واقعدوا عافيه

تانى جيتكم شايفه الداره فاضيه الا العبد لله هوى انا جاده دى ما هترشات .

شخصيات من ابوجبيهه :- الحبــــــاكى

تاريخ ابوجبيهه :- عثمان شاويش

ناهد عبيد

مالك بتخطي الاخ احمد كوكو .. نائيب لاحمد مرحوم ..

و بعدين تعالي غير تعريف المنتدي دا ما لقيتي ليك حاجه تانية تديها للاستاذ يسن محمد يسن ..

و شايفك جبتا لينا ياسر سر الختم .. تاني لا احسن المصريين يرجو حسني مبارك تاني للسلطه ..

هوي ناهد انقرعي .. دايره ترشحي رشحي ترشيح فيه نوع من الديمقراطية و الا كمان النجمه او الهجمة ..

تقديري

استاذه سهاد
كل عام وانتم بخير

انا معاك... ننتظر ود عشمان ينتهي من كورس اللغة العربية

ومن ثم نفكر ان نقبل اوراق ترشيحه او نرفضها..

شد حيلك يا ود عشمان ولازم تنجح في الكورس عشان تدخل المنافسة مع فطاحلة لغة الضاد من امثال توحة وازهري وفضل وكرم وابوهريرة والعبد لله ابومنصور وعلي شرف الدين الشاعر المطبوع والجنيد الشاعر المرهف.. واذا مافهمت مطبوع ومرهف دي ادخل في القوقل وابحث عن المعنى او اتصل بابوهريرةالمحامي القدير..

تحياتي

سهاد بت عد الغفار

انا دا خلوني زول بقر و فريق و سرحه و صراع و عربي ما بعرفو .. طيب يا سهاد ليش تعملي لي تلفون و تقولي لي كلام الاستاذ ازهري ما بنفهم ؟؟

الاخ محمود منصزر ..

الفطاحله الذكرتهم ديل بتاعين لغة الضاد ما عندي فيهم كلام بس ابوهريره دا طلعوا لي بره منهم ..

و يا ناس ابوجبيهه اذا انتم مالين ايدكم بالمحامي ابوهريره اكون صريح معاكم انتم منتكلين علي حيطه مايله ..

يا اخونا ابوهريره سنه كامله ما قادر يرجع السياره البرادو للدكتور المسكين .. دا محامي شنو ..

مع التقدير

الفطاحله الذكرتهم ديل بتاعين لغة الضاد ما عندي فيهم كلام بس ابوهريره دا طلعوا لي بره منهم ..

ياود عشمان ابوهريرة الانت بتستهون بيهو ده عندو كتب ومؤلفات وبحوث بالاضافة الى انه شاعر متمكن وماتنسى انو هو مؤلف اغنية العولمة جات التي تتغنى بها مجموعة تيراب الكوميديا.

اما موضوع البرادو انتهى من زمان بس ابوهريرة ما عاوز فيصل خليل يعرف لاسباب في نفس يعقوب..

بسم الله الرحمن الرحيم
الاستاذ \ ياسر
لك التحية والاحترام والشكر لقيادتك الحكيمة خلال الفترة الماضية والحالية ‘ والعمل العام تكليف قبال ان يكون تشريفا فعلا التجديد والتغيير مهم للغاية والحمد لله معظم المتداخلين كانت ترشيحتهم للصالح العام وخاص المرشحين من قبل الاستاذ الدكتور ‘ ان كانت لدي اضافه اضيف الاستاذ \ غريق كمبال والاستاذ ابو هريره والحازمي والحمد لله الشباب في خير وعلي خير .
مع تحيا تي وكل عام والجميع في خير وعلي خير
====================