تصويت الاشراف

تشير الانباء المتسربه من لجنة الانتخابات بان ابناء امبرمبيطة متساوون في الاصوات مع محمود منصور و ابوهريره و اقبال اي في سرج واحد و الحشاش يملا شبكتو ..

ياود عشمان .. ما كنا نريد تغطية البوست بمداخلات حتى يظل البوست في الوا جهة ليلفت نظر الاعضاء ليدخلو ويصوتوا لكن انت خربت الرصة..

انا ياود عشمان معتمد على الله ثم على الجالية السودانية في مكة وجدة ولا اعول في الفوز على اعضاء الداخل وصناديق الاقتراع هي الفيصل في حسم المعركة...

ولايوجد اي مرشح من ابناء امبرمبيطة لان اللجان المشرفة على الانتخاب استبعدت اي مرشح من خارج مدينة ابوجبيهة العريقة العملاقة..

وانا حتى الان فائز بنسبة 85% علما بان هناك دوائر حصل فيها تزوير كالدائرة التي ترشح من خلالها فيصل خليل ولازال الفرز مستمر

تحياتي

شكر ا اخوتى الكرام ارجو من الجميع عدم التصويت ل جابر عبدالساتر وذلك لعدم رغبتي في ذلك لاني مشغول جداً ولااستطع فيرجى الاستجابة لطلبي . وحصل منذ بداية الاقتراح تقدمت باعدم الرغبة .

يا جماعه الواطه رمضان مش صاح وحات الله الخلقنى وبكل صراحه ما بقدر اشرف على الاطلاق فارجو منكم شاكره عدم التصويت اتفقنا

ولكم فائق شكرى

عندي سؤال للجنة العليا ؟؟

هل ممكن ان اصوت مرتين لان القائمة بتاعت المرشحين طويله و الناس دي كلها اصحابي و داير اديهم صوتي و ما اظلم احد ...؟؟

حسي الناس دي لو خلت الناس صوتت زي ما دايره مالو ..

يا استاذ فيصل

دائما رئيس الدولة بغير الحكومة ويظل هو الرئيس دائما وابدا
وحسب فهمي المتواضع ان الاستاذ ياسر السر سيظل الرئيس لان التغير يمكن ان يطال المشرفين فقط..

وحتى المشرفين نحن اعترضنا على تغيرهم وليس هناك اي سبب يدعو للتغيير على الاقل في الوقت الحالي..

اقرا ردي على مداخلتك السابقة لتفهم وجهة النظر التي اتابطها وهي وجهة نظر تحمل في طياتها الكثير من الافكار التي يمكن ان تساعد في تطوير المنتدى وتعمل على توسيع ماعونه ليسع كل المبدعين والمتالقين.. لكن للاسف الشديد لم تجد هذه المقترحات اي اعتبار ولا تقدير ولم يعلق عليها اي احد بالرفض او القبول...

تحياتي

الثورات في الدول العربية قامت من اجل التغيير .. هنالك بوست منفرد قدم من احد اعضاء المنتدي ناقش كيفية اجراء بعض التعديلات في المنتديات و كيفية اختيار اخوه و اخوات جدد لادارة المنتدي و بكل ديمقراطية تم الاتفاق للوصول لذلك .. و هنالك ايميلات و رسائل خاصة ارسلت للمشرفين مطالبين ببقاءهم لكن المشرفين انفسهم طالبوا باجراء تغير و القيام بانتخابات و اعداد مشرفي جدد للقيام بفهم جديد لادارة المنتدي و يجب ان نأخذ بعين الاعتبار ان هنالك مشرفين في هذا المنتدي مسجلين غياب لاكثر من ستة اشهر .. اي اشراف هذا ؟؟ ليس هنالك احد في هذه البسيطة ولد متعلم ,, العلم بالتعلم و هذا ما ردده المشرفين انفسهم في احدي تداخلات الاعضاء حيث طلب العضو باعفاءه بحكم ليس له دراية علي الاشراف .. لذا لا توجد اي ضقوط غير ناضجه بل ما يجري الان في هذا البوست مفهوم و خطوه في الاتجاه الصحيح ..

علي كل حال نأمن علي المضي قدما في التصويت و كمبيوتر الباش مهندس ياسر ( المكعكع ) دا هو الفيصل في تحديد نتيجة التصويت لابراز الوجوه الجديده و الدماء الحاره ..

الي الامام .. الي الامام .. ثوره حتي النصر

محمود منصور محمد علي كتب:ياود عشمان

مالك عاوز تفضحنا زي العداء السوداني طالب اللجوء السياسي

التصويت لمرة واحدة فقط... وعندنا الحبر السري... بعدين الواحد بصوت للكفاءة والمقدرة والالتزام وليس للصحبة والصداقة..

وانا عارف ماعندك غير ابوهريرة واحمد كوكو وصوتك ده الا تقسمو نصين

تحياتي

يا استاذ محمود ..

يا زول مالك فاضحنا امام العالم .. طيب انتخابات المجلس التشرعي للممنتدي بتين ؟؟ عشان الشقلانيه تكون فيها ديمقراطية .. تحياتي و دعواتك و لا سيما انت بالاراضي المقدسة ..

التصويت ده مدتو كم يوم ولا مفتوح

بعدين يمتع التزوير

وفترة الطعون كم يوم كده حددوها لينا

غريق كمبال كتب:التصويت ده مدتو كم يوم ولا مفتوح

بعدين يمتع التزوير

وفترة الطعون كم يوم كده حددوها لينا

الى 29 رمضان

الباش مهندس ياسر ..

قرمان ليك حار والله يعرس ليك مره هديه و رضيه و كمان محمد نويه ..

ياخ ما تخلي الشقلانية بتاعت التصويت دي حتي الاسبوع الاول من العيد عشان الناس بتكون عيدت و رجعت ..

و بعدين تعال مالك حاشر اسمي في نص القائمه و الاخ احمد كوكو في المؤخره و يسن في مكان ما بتشاف خالص .. و لا داير الناس ما تشوف اسماءنا عشان تصوت لينا .. هوي انقرع ..

تحياتي ..

محمود منصور محمد علي كتب:ياود عشمان

نحن ومراعاة لحقوق الاقليات واحتراما للاجانب الموجودين في الحباك لم نسحب اونعترض على ترشيح بعض من ابناء جالية امبرمبيطة المتواجدين في ابوجبيهة لذا ارحو الا تثير المشاكل والمتاعب
وتبحث عن ذريعة اوشماعة اومشلعيب لتعليق فشلك في الانتخابات..

وبعدين الفشل والنجاح وجهين لعملة واحدة.. وخذ مثال الصادق المهدي والترابي وكيف فشلوا في انتخابات سابقة

تحياتي

العزيز محمود

ههههههههههههههههههههه .. اسمع كمبيوتر ياسر دا نصيح .. لان احيانا بجد عدد اصواتك 4 و احيانا بجدها صوتين الكلام دا من شنو ..

تحايا رمضانية طيبه ..

السلام عليكم ورحمة الله
والله ما قايله البوست تاني نزلتو فيه اسمي في القائمة والله حرام عليكم
وعليك الله يا باشمهندس ياسر ارجوك اكتب اسم الاستاذ عوض السيد في مكاني واحذفني من القائمة وكمان استميح الناس الادتني اصوات انه تمشي ليه لانه بالجد هو اجدر مني خاصة في الرياضي ووالله العظيم انا ما عندي وقت نهائيا تاني احتمال ما القي طريقة اسرح بيها صويفاتي خلي اغشاكم هنا عشان كده طلبت العفو والعافية وطلبت تغيير الاشراف فارجوكم تسامحوني وكمان تدوني خاطركم
ولكم جميعا خالص الود والتقدير
وللضمان من اسع دي كل عام وانتم بخير
اخيتكم
احسان عبدالرازق

يا جماعة انا برضو برشح الاخ الشافو خلو
واسجل صوت اعجاب وصوت انتخابات هههههههههههههههه
يعني اذا تكرم الاخ الباشمهندس باضافته طوالي يخت قدامه صوتين هههههههههه
تحياتي

التصويت مالو تعبان كده

يا جماعه ما تمارسو الديمقراطيه

نعم يا غسان .. جاء محمود متأخرا وبزّ الجميع بالرغم من ذلك بحضوره المتميز والأناءة وسعة الصدر والروح العالية.. وأشير إلى تنويه فيصل خليل بمراعاة نشاط الأعضاء المرشحين وأقترح إعمال (بكسر العين وفتح الميم) النشاط كمعامل ترجيح.

شكرا يا باشمهندس غسان

شكرا يادكتور ازهري

اتمنى ان اكون عند حسن الظن دائما


تحياتي

غريق كمبال كتب:التصويت مالو تعبان كده

يا جماعه ما تمارسو الديمقراطيه

الزعيم غريق ..

تحايا رمضانية خالصة ..

ياخ انا اقرحت اقتراح عشان نصوت اكثر من مره عشان نمارس الديمقراطيه بحق و حقيقه و نرضي المعارف و الاصحاب يعني التصويت يكون ( كيري ) لكن صحبك محمود منصور ابو لواري رفض الفكره ..

تحياتي ..

ود عشمان كتب:

غريق كمبال كتب:التصويت مالو تعبان كده

يا جماعه ما تمارسو الديمقراطيه

الزعيم غريق ..

تحايا رمضانية خالصة ..

ياخ انا اقرحت اقتراح عشان نصوت اكثر من مره عشان نمارس الديمقراطيه بحق و حقيقه و نرضي المعارف و الاصحاب يعني التصويت يكون ( كيري ) لكن صحبك محمود منصور ابو لواري رفض الفكره ..

تحياتي ..

كده يا حبيبى

بنفتح باب للتزوير

احسن كده ديمقراطيه سليمه

يازعيم!!!!! صلي على النبي

وانا اعلن ومن الان بانه في حالة فوز ود عشمان انا سانسحب فورا وسوف اقوم بتاسيس وتكوين معارضة قوية تستطيع اسقاطه وبالضربة القاضية وسيكون المحامي الالمعي الذكي النابغة ابوهريرة هو زعيم للمعارضة...

[والله يا اهلى اهل الخير انا من زمان عندى رأى داير اطرحه على الجميع قد يوافقنى البعض فيه وقد يعارضنى البعض وفى النهايه هو رأى (رأيى صواب يحتمل الخطأ ورأى غيرى خطأ يحتمل الصواب ) هذا المنتدى جمع اهل ابوجبيهة واصدقائهم يعنى اجتماعى بالدرجة الاولى وثقافى واشياء اخرى ولكن فى رأيى المتواضع ما يعكر صفو هذا المنتدى ما يسمى ب( المنتدى السياسى) واهل السودان ديل كلهم سياسيين لو ما كانو متحزبين . وانا اعرف ان كثييرن فى هذا المنتدى تجرى السياسة فيهم مجرى الدم . لكن كثيرين تركوا هذا المنتدى او بالاصح عدم التواصل اليومى بسبب هذا (السياسى) لان السياسه تفرق اكثر من ان تجمع وقد تجد اخويين تخاصما بسبب السياسه . هذه ليست دعوه لترك السياسه ولكن ان تكون خارج هذا المنتدى . لان هذا المنتدى عندما تدخله تتزكر ابوجبيهة وايامها وناسها .قد اكون لدى فكرة اريد ان اوصلها لكن قد تخوننى الكلمات ارجو ان اكون وصلت ما اربو اليه .

السادة الهيئة العامة للانتخابات ..

ارجوا ان تفكو لينا الشفره علي الاقل نعرف النتائج الاوليه لعملية الفرز و خلو الشقلانيه تكون زي الانتخابات الامريكيه .. النتيجه اول باول الصبر زاتو غلبنا ..

طبعا الاخبار المتسربه حسب ما ورد في بعض الصحف المعترف بها و لها مكانتها في الوسط السوداني بتقول السيد محمود منصور علي علي ذيل قائمة المترشحين و من المتوقع ان ينسحب السيد منصور من المنافسة في خلال اليومين القادمات نسبة لتدهور الميزانية التي وضعها للانتخابات و نحن ابناء امبرمبيطة ننتهز هذه السانحة و نقول ليك يا محمود الجايات اكثر من الرايحات و نتمني لك مستقبل مشرقا و ننصحك بترك العمل السياسي و عدم التهور في خوض مثل هذه الانتخابات التي ربما تسبب لك سكري او حيرقان ..

مع خالص احترامي

ول عشمان خلى البلبصه

عمومحمود ضمن الطاقم الوزارى المنتخب

انا اخشى ان ابناء جارت الوادى لم ينجح احد

تحياتى

شايف مونج فى الصداره

غريق كمبال كتب:ول عشمان خلى البلبصه

عمومحمود ضمن الطاقم الوزارى المنتخب

انا اخشى ان ابناء جارت الوادى لم ينجح احد

تحياتى

شايف مونج فى الصداره

العزيز غريق ..

انا دا خلوني ما داير منصب و اذا ما شفت اسم احمد كوكو و اسم يسن محمد يسن ( ابناء جارة الوادي ) في قائمة الفائزين ,, اقولها لكم بصريح العباره التاريح ح يعيد نفسو و حرب البسوس حتكون في هذا المنتدي .. و نحذر ادارة الانتخابات من مغبة الموقف .. و لا عذر لمن انذر ..
احمد كوكو .. يسن محمد طرقو حرابكو ..

مع فائق التقدير و الاحترام

يا ول عشمان

دى انتخابات مش بلطجه

الدواس فيها بالصوت وليس الحراب

كل سنه وانت طيب

الفرز متين يا مدير
نخاف الجيتن

عشان ناس جارت الوادى يطمئنو

فيصل خليل حتيلة كتب:

ههههههههههههههههههههههههههههههههههههههههههههههها

دا اسمو كلام يا زعيم

اليوم انشاءالله تشكل الحكومة التى اختارها الشعب و لقد برزت بعض الترشيحات للجنة الاولمبية للصراع و هناك بعض التكاليف

لابناء جارت الوادى بخصوص الادارات الاهلية مثلا و آليات فض النزاع بالشرقية و شوية مستشارين

ههههههههههههههههههههههههههههههها

تحايا و يا ول عشما ما تلغبن تب انا كن بقيت رئيس بعينك مدير كبير ( محل الكجم الصحى صحى ) كدا كيف معاك؟

كل عام و الجميع بألف خير و عيد سعيد

color=red]فيصل ول حتيله ..

دا الكلام ابوطعم .. انت بس شيف مكان الكجم وين و خليني فيه .. و الرهيفه تنقد .. خربانه البنايه ام قش .. المره دي خلي يدونا الفرصه نرضع شويه مع الجماعه دي ..[/color]

هذا القرار يا عمو فيصل بلو واشرب مويتو واسقي معاك ود عشمان وهو في النهاية لا يساوي عندنا ثمن الحبر الذي كتب به

وهو اشبه بقرار تفعيل الية مكافحة الفساد.. الذي لم يتم تفعيله حتى الان ...

ود عشمان شخص اجنبي ويمشي الهويناء وهو يتابط الجواز البريطاني
والاجندة الغربية
وهو الان وبكل اسف افتقد للوطنية والاخلاص والمصداقية في الانتماء الروحي للوطن ولا يمت للوطن باي صلة من الصلات المقدسة في الوقت الحاضر...

والدستور السوداني لسنة 1956 يمنع منعا باتا اي شخص يحمل جنسية غير سودانية من القيام باي نشاط او اي عمل سياسي ويحرم بموجب الدستور من تقلد اي منصب دستوري باجر او بدون اجر ..

ونحن جاهزون للطعن في اي قرار يصدر متجاوزا نص القانون والدستور...
وسياسة التمكين لا تتماشى مع الديمقراطية يافيصل...

الاخ / العزيز / الصديق / المخلص / الكريم فيصل ول حتيله ..

انا اشكرك علي تبنيك للقرار الصادر رقم 111/5/2012 و مما لا شك فيه مثل هذه القرارت قويه و متينه و لا تتاثر بجعجعة البلطجيه المسببن للتظاهرات و الاخلال بالامن في البلاد .. امثال محمود منصور لان انا بعتبر كلامو دا حسد واضح و لان هو اكل و شبع مع الجماعه ديل و ما داير يعطي الناس الفرصه معه ..

علي كل حال انا استلمت ثلاثة سياره ( فقد ) من ضمنهم سيارة الشقل الشخصيه و لو تكرمتم نريد سيارتين واحده للخضار و الثانية للبت الشقاله معنا في البيت ..
الشئ الثاني و المهم لن نسمح للمراجع العام بدخول الوزاره في خلال الثلاثة سنوات القادمه لان انت عارف انا ح اكون مشقول جدا ببعض الترتيبات و ليس لدي الوقت لمقابلته ..

اما بالنسبة لقطعة الارض التي تقع في المنشيه سوف نستلم اوراقها الاسبوع القادم بمشئة الله ..

انا اتكلمت مع الرجل الكان معنا امبارح و قال ليك الباخره وصلت و ارجو التوجه الي بورت سودان للقيام باللازم ..

لو تمكنت تعال اشرب معنا شاي المغرب اليوم ..

لكم مني اجمل المني ..

ياجماعة أبوهريرة وين ؟
(بندور شورة القانون )

إليكم الأخبار من قناة(البليلة)
تفيد أخار الأبناء أن قوات قائد المعارضة ابراهيم ود عثمان المقيم في لندن تتقدم لاسقاط حكومة المنتدى وتكون حكومة جديدة وهذا وتفيد الأنباء أن قائد المعارضة مسنود بدعم خارجي قوي وجيوب بالداخل تعمل في الخفاء للإطاحة(بالنظام) ( يعني دايرين يخربوا النظام) ومن جهة أخرى أفاد شهود عيان برؤية حشود عسكرية قوامها 1000 لوري محملة بأحدث التقنيات يقودها اللواء محمود منصور قائد الجبهة الداخلية
كما تفيد الأنباء بأن الجهزة المنية قد احتفظت بالزعيم الأزهري والمبدع ياسر في مكان سري وأمين تحسبا لمجريات الأحداث
وقد حاول مراسلنا الاتصال بالسيد أبوهريرةالمحامي ولكنه لم يستطيع
وسنوافيكم باهم الحداث أولا باول
ملحوظة الأخطاء الإملائية مقصودة

كل سنة انتو طيبين يا جماعة
لقد اطلعنا على القرار الصادر يا استاذ نيوتن ووجدناه غير قانونى وغير مقبول شكلا ومضمونا لانه لا يحمل توقيع الرئيس وغير مختوم
وغير مسنود لاى مادة من موادالقانون او اى مرسوم دستورى مجاز
كما انه لم تتم اى مشاورات مع البرلمان فى ذلك
عشان كدة يا محمود كلم ود عشمان ما يستعجل ساى

يا ابوهريرة

ود عشمان بيغرد خارج السرب

ويصطاد السمك في صحراء الربع الخالي

والامور محسومة ونحن بصدد فرز الاصوات بعد ان قفلنا باب الطعون.... وبعد كدة الا ينتظر المشورة الشعبية لانو من خلالها يمكن ان تحدث بعض ترضيات والمساومات والتنازلات لبعض الاشخاص الذين يمكن ان يثيروا لنا المتاعب...

وباذن الله ود عشمان وزمرته الا ما يركبوا الطيارة الانتينوف المتوجهة الى ابوجبيهة لحضور النتائج....