عاجل الى ود عشمان وابوهريرة....ملكة بريطانيا تحتاج إلىسائق براتب 23 ألف جنيه سنوياً

08-17-2012 05:46 AM
اعلن قصر باكنغهام، المقر الرسمي لملكة بريطانيا اليزابيث الثانية، عن حاجته الى سائق لنقل الملكة خلال ممارسة واجباتها الملكية.

وقالت صحيفة «ديلي اكسبريس» اول من امس ان قصر باكنغهام نشر اعلانا في موقعه على الانترنت لتوظيف سائق متمرس في اللباقة والدبلوماسية لنقل الملكة، البالغة من العمر 86 عاما، وافراد عائلتها مقابل راتب سنوي مقداره 23 الف جنيه استرليني.

واضافت ان السائق الجديد ووفقا للاعلان سيحصل على سكن مجاني وسيعمل بشكل رئيسي في قصر باكنغهام مع احتمال السفر الى جميع انحاء المملكة المتحدة، وسيتولى نقل اعضاء الاسرة الملكية ومسؤولي قصر باكنغهام والضيوف والزوار الرسميين.

ويعمل في قصر باكنغهام اكثر من 250 موظفا، بما في ذلك الطهاة والخدم والسقاة، وكان اعلن اخيرا عن حاجته الى موظف يمارس دور التدبير المنزلي لادارة الحمام الملكي براتب سنوي مقداره 14 الفا و200 جنيه استرليني.

وكانت تقارير صحافية ذكرت ان ولي العهد الامير تشالز اثار غضب الجمهور البريطاني بعد الكشف عام 2003 عن انه وظف خادما مفضلا لضغط معجون الاسنان له قبل ان ينظف اسنانه.

وكالات

الاخ محمود منصور ..

تحياتي ..

اول حاجه الوطيفه دي انا مؤهل ليها و مائه بالمائه و ممكن المملكه تسلمني المهمه دي عاديه و شهاداتي الجامعيه اكبر دليل علي ذلك .. و الوظيفه دبي انا ممكن اتنازل للاخ ابوهريره منها عشان علي الاقل يكون في واحد من اولاد ابوجبيهه في لندن بالاضافه لسهاد .. بس وريني ابوهريره يتفاهم مع الملكه كيف ؟؟

تحياتي

كان العربية لاندكروزر انا من محلى دا ماشى

وود عشمان انت تسوق شنو والمعجون دا بعصرو ياتو

ومنو الفال ليك ما عندنا زول فى بريطانيا غير سهاد

هو نحنا عمدة مانشستر ممنا بكرة نديهو تلفون من هنا تانى ما باريت جنب قصر الملكة

ابوهريره ما تحرجنا مع الانجليز .. و انت منو القال ليك الملكة بتركب لاندكلوزر .. و حتي لو بتركب قال ليك زي اللاندكلوزر بتاعك المكعكع دا .. الواحد يركب مع محمود في لوري التيمس ما يركب معك .. عربيتك بتقوم بالدفره و كلها دخاخين ..

كل عام و انت بخير ..

[quote="ود عشمان"]
الاخ محمود منصور ..

تحياتي ..

اول حاجه الوطيفه دي انا مؤهل ليها و مائه بالمائه و ممكن المملكه تسلمني المهمه دي عاديه و شهاداتي الجامعيه اكبر دليل علي ذلك .. و الوظيفه دبي انا ممكن اتنازل للاخ ابوهريره منها عشان علي الاقل يكون في واحد من اولاد ابوجبيهه في لندن بالاضافه لسهاد ..

بس وريني ابوهريره يتفاهم مع الملكه كيف ؟؟

يا ودعشمان هذا الكلام منك غلط في حق المحامي ابوهريرة.. يعني قصدك انو ابوهريرة مابعرف انقليزي؟؟؟؟

عشان تشوف يا محمود
صاحبك عاوز يزحلقنى من الوظيفة ويكون قريب من الملكة عشان هو كان شغلو فى الباب والملكة ماشة وجاية وخشمها ما بتفتحو معاها وجمع شهاداتو وقدمها
لكن الحادث العملو دا طلع نتيجتو صفر وتم استبعادو من المنافسة تماما
لكن ما مشكلة انا حاتوسط ليهو يا محمود عشان يرقو شوية
بس يا ود عشمان ورينى داير يودوك وين وانا بفهم الملكة

وكانت تقارير صحافية ذكرت ان ولي العهد الامير تشالز اثار غضب الجمهور البريطاني بعد الكشف عام 2003 عن انه وظف خادما مفضلا لضغط معجون الاسنان له قبل ان ينظف اسنانه
؟؟؟
؟؟؟؟
؟؟؟؟؟
بالله عليك يا ابوهريرة شوف لي انا الوظيفة بتاعت المعجون دي وخلي ود عشمان في المطبخ...

شوف يا محمود انت حتكون مسؤل الامن والسلامة فى القصر لانك تحمل مؤهلات
لانو ود عشمان حاجز بتاعت المعجون دى