عن القلم وما ينتجه من الم

وجع الحرف رائعُ
أو تشكو للبساتين وردة حمراء ؟؟

شكرا ياسر للخاطرة المؤجلة

العم ازهري ..

معليش .. كده حاول اشرح لينا كلام الاستاذ ياسر ابورفاس .. بقصد شنو بالضبط من الكلام دا .. و بعدين الجاب البساتين و الورود الحمراء للخاطره المؤجله دي شنو ..

يا اخونا بشيشكو علينا ..

ود عشمان!!!!!

الكلام ده واضح وعربي!!!

كان تتصل علي او تتصل بابوهريرة اذا غلبك تفهمو بدل ماتعمل ازعاج للدكتور ازهري..الله يعين الملكة والامير



تحياتي

محمود منصور محمد علي كتب: ود عشمان!!!!!

الكلام ده واضح وعربي!!!

كان تتصل علي او تتصل بابوهريرة اذا غلبك تفهمو بدل ماتعمل ازعاج للدكتور ازهري..الله يعين الملكة والامير



تحياتي

الاستاذ محمود ..

هههههههههههههههههه ههههههههههه يا زول عوجه مافي .. خلو لي ارقام تلفوانتكم الخاصه عشان وقت الواحد يتصل يلقاكم علي طول ..

لكن يا استاذ محمود كلام الشاعر ابورفاس يدابو وقع عليَ ..

تحية طيبه ..

الفاتح محمد التوم كتب:

أولاً قيام ,,,,,, للرؤى الناطقة وللكتــــــابة على لوح الثلج في الليلة البدر ....شكراً أخي ياسر لللوحة التي توقف فيها الزمان وفك
طلا سمها ,,,, ومااختلت الأوزان .....

ودعشـــــــــــــــــــــــــــمان

ولطالما تساءل أستاذنا أزهري ,,,, لاتقل لي إنك هاوٍ ولكنك مذبوح على أوراق تلك الوردة الحمراء المنزوية في البستان ,, ...أوراقك المضمحلة في غياهب النسيان تناديك,, فتصد النداء وتقول في نفسك ,,,,مجرد أصداء ,,,مجرد أصداء,,, ولكن يبدو بأن قصائدك المتدثرة في ليل الضباب المسافرة في سوادٍ عبر طيات السحاب ,,,,تأبى الخروج لتكسر حاجز الصمت وتفرغ كل الكلمات المنسية ,,, لتبث النبأ من مدينة الضباب إلى عالمنا ,,.....ولكن ماذا أقول ؟؟؟
لأوراقك القابعة تحت أكوام الغبار أرقدي بســـلام على جبين الماضي واتركينا نشرع أثواب الحزن ولنا العزاء لنـــا العزاء......
ويكفينـــا بانك النبيل الجميـــل ودعشمــــــان......


طاب لي الدخول ......لأرتل فحو الكلمات المنســية من صهيل الذكريات التي خطها محمود منصور

عيييييييييييك .. دا العربي و لا بلاش .. لك التحية ابن عمي الفاتح

الاخ محمود منصور ..

انا كنت عندي الرغبه الاكيده ازوركم في السعوديه قريبا لكن غيرت رأي قلت احسن امشي السودان و اقعد لي زي تلاته شهور في بيت الاستاذ المرحوم صاحب قلم لغة الضاد فراج الطيب ( الزول الكان بقدم برنامج لسان العرب في الراديو ) عشان احسن لغتي شويه مع اولادو .. بعد داك اجيكم في السعوديه عشان اقدر اتفاهم مظبوط مع ناس الفاتح و العم ازهري .. ( لان الجماعه ديل ما بصاقعوا كلو .. كلو في العربي )

و اول ما اقابلك يا محمود اقول ليك كانت العرب تقول .... )

لكن يا الفاتح محمد .. عجبني السطر الاخير من المداخله .. لان عزفت في الوتر الحساس ..

لأوراقك القابعة تحت أكوام الغبار أرقدي بســـلام على جبين الماضي واتركينا نشرع أثواب الحزن ولنا العزاء لنـــا العزاء......
ويكفينـــا بانك النبيل الجميـــل ودعشمــــــان......

مشاء الله تبارك الله .. الله يخليكم لينا .. و شكرا يا جميل يا الفاتح ..

تحياتي للعيال يا الفاتح ..

لكم مني اجمل المني

يا اخونا هوي ناس العربي ( انجدوني )

وصلتني رساله علي البريد الخاص من الاخ الشاعر الكبير ياسر ابورفاس .. و الرساله كتبها باللغة العربية المعقده ديك يعني زي لغة العصر الجاهلي ناس امرؤ القيس و عنتره بن شداد و عمرو بن كلثوم.. بالمناسبه اسم كلثوم دا للرجال و للسيدات و اذا كان للسيدات ليش اسمو عمر بن كلثوم ؟؟؟

طيب نرجع لي موضوعنا ,, الرساله نصها ما فهمتو لان كلها بلاغة مكنيه و استعاره و مضاف و مضاف اليه .. يا اخونا انجدونا ..

علي فكره توقعو قصيده عني من الشاعر ابورفاس .. و طبعا اسم ابورفاس دا عندنا له كتير خلاص في امبرمبيطه احتمال الرجل يكون عندو عرق معانا ..

شكرا اخي ياسر علي الرساله و حاول اكتب لي بالعربي الدارجي الواحد دا .. ما تعب نفسك ..

لك مني اجمل المني ..

يعني يا ود عشمان انت قاعد بس تشوف اي واجد فاهم ومثقف و متعلم وكتاب تصلبط فيهو وتقول ده من امبرمبيطة؟؟؟؟

طيب ليه ما اتصلبط في ابوهريرة ومحمود منصور وعثمان شاويش؟؟

بعد شوية حتقول ازهري وخدورة والفاتح التوم وفيصل خليل من امبرمبيطة...
ياخي عشان ترتاح نحن حنغير الاسم بتاع المنتدى الى مندى امبرمبيطة بس تدفع حق التنازل

يا اخوانا ..

اين الشاعر الكبير ابو قلما ينتح .. ياسر ابورفاس ..