رحبو معى بجنابو محمد عيد منصور

نرحب بالاخ الملازم اول قوات مسلحة محمد عيد منصور

وهو من ابناء الترتر

نرحب بك اخى محمد عيد فى منتداك

والى الامام

الاخ سعادة الضابط الكبير جنابو محمد عيد منصور

حبابك عشره بدون كشره .. ابقي لي قدام علي ضل الشدره الكبيره .. يا بنات الشاي بسرع جانا ضيف عزيز .. و يا اخوانا لو ما اخاف الكضب جنابو محمد عيد منصور درس بمدرسة تلو الثانويه العريقه بكادقلي .. و بعدين يا جنابو اخوانك اولاد امبرمبيطه موجودين بالمنتدي بسلمو عليك حار .. ( العتوت ) المربوط دا جابا ليك اخوك احمد كوكو للكرامه ..
يا زول منتظرين مساهماتك و المنتدي منور بيك ..

اطيب المني ..

مرحب بالأخ محمد ... يا ود عشمان عتوتك ده ما سمعت كلام أبو هريرة فوقوا .. قول ياخي تور , كبشين تلاتة

شابكنا العتوت مربوط العتوت مربوط .. عتوتك ده أنا براي بقوم بيهو !!!!

تشرفنا كثير

ابقى لى قدام يا جنابو

مرحب بالعزيز : محمد عيد منصور . ونحن سعداء بإنضمامك للركب ... (( بس في زول ما تسمع كلامو إسمو ود عشمان ... ودي نصحية مني وبعدين هو ما سوداني هو بريطاني ...))
ومرحب بنسابتنا وأهلنا ناس الترتر ...وسعد أخي معاكم بالمستشفي ..إن كنت هناك تحياتي له ...وسلامي لكل أهلي بالترتر ...
وتصدقوا مشروع المقينص ناس باقان أموم قالوا تابع للجنوب ؟؟؟!!
وكل مشاريع أهلنا ناس الترتر في بالمقينص ...وشوفوا السلبطه والحقارة ...
معليش عزيزي عيد أخليك مع شاي ود عشمان وفي ضيافته الكريمة .... إحتراماتي ،،،

أزهرى الحاج البشير كتب:مرحب بالأخ محمد ... يا ود عشمان عتوتك ده ما سمعت كلام أبو هريرة فوقوا .. قول ياخي تور , كبشين تلاتة

شابكنا العتوت مربوط العتوت مربوط .. عتوتك ده أنا براي بقوم بيهو !!!!

عندنا مثل بقول ( الزول بمد ارجلو علي قدر لحافو ) نحن رابطه صغيره بالمنتدي و دي قدرتنا .. طيب انتم ناس ابوجبيهه يوم واحد ما شفناكم ضحتو ( ديك ) لضيف ..

تحايا طيبه ..

مرحبا بك

ابوهريره ..

ادي جنابو محمد عيد .. لكزه خفيفه بتلفون و قل له الجماعه واقفين طابور رفع التمام ..