سر تسمية الويـــــــكة

شكرا خالد

التسميه معقوله جدا

معليش ياخالد اخوى خلينى ارد ليك على سوال عمنا الفاتح محمد توم
قال ليك يامدير ان احدهم حل ضيفا على احد هم بمنطقه بغرب السودان..
وبطبيعه الحال الكرم والجود ما ليهو حد.. اها الراجل مشى صحى المرتو من ساااابع نومه عشان تدبر ليهو حاجه تتأكل للزول الجاج نص الليل دا ..
المره صحت اختها لمساعدتها .. عساهن يجدن ما ينسترن به امام ضيفهم..
فتشن التكل حته .. حته ما لقن حاجه..اللهم الا حاجه كدا ما عرفنها شنو ؟ كن باقى ودك .. ولا دكوه قدييييييمه ولا .ز
على احال سخنن مويه كبن فيها الشيء اللقنو واضافو اليه ـ ربما ـ قليلا من الويكه (لزوم الملايقه) وبينما هذه تفرك والاخرى بتضرضر فى الويكه ،، وبضوق يمكن تلقى ليه طعم قريب ،، فكان ما يشغلهن اسم ما يعدن من طعام
وكل ما فركت الاولى طبجت بالمفراكه على كف اختها لتضوق ،، فتقول لها من فر بشاعته (واااى كاااب) يعنى (وااى كعب) وتكررت العباره كثيرا(وااى كأأأب) ..ساعتها حضر الزوج متسائلا عن ما قمنه باعداده من شيئ فقالتا وبصوت واحد (وآآآى كأأأب) ومن حنها خرج هذا الملاح الى العامه وتداوته الالسن بشيى من التحريف ليصبح (ويكااب)!
والله اعلم