أعيشك من سكات !!!!!
+4
أزهرى الحاج البشير
خدورة أم بشق
محمود منصور محمد علي
الفاتح محمد التوم
8 مشترك
صفحة 1 من اصل 1
أعيشك من سكات !!!!!
من طرف الفاتح محمد التوم 13th ديسمبر 2012, 17:19
مابدخلك
وأنا في زقاقاتك حلم
مفطوم علي وعداً قضي
وقلباً سهي
وزمناً هوان
مابحلمك
وأنا في المنام
لسع بشطف خوفي من
طلعة بهاك
واخوفي
لو صحت الصباحات أفقدك
مابرسمك
وأنا أيدي في طين النوي
وعيوني من زحمة مخاوفك
تندهك
بقبل أعيشك من سكات
أفهم إجاباتك همس
أكسر دوايتي معاك عمد
وأقصد أحجيك بالغنا
ما الزيي لو خيل في رهان
مابتكسبك
........
بتوسلك
تدي المراكب ريح صلاح
تهديها كلما الليل دهم
ترمي الصباح قدام خطاي
تبريها في درب العشم
وأنا بنتظر غيمتك تصل
لو تنبهل في بور غناي
أنا ببقي في دنياك نغم
....
وأتحسسك
من تاني أبدا أحسسك
بالكان مدسدس في الفؤاد
بالكان محكر في القلب
من كم سنة
ريد ياحبيبة وكلو ليك
شوق للبريدة ومااكتفيت
غنا ياجميلة بيوصفك
ومن تاني ارجع أدخلك
وفي حلمي أقدر أرسمك
...
وإستأذنك
أدخل عليكي حلم جميل
أدخل عليك من ألف باب
من ألف شارع ضو جديد
...
بستأذنك
أبهل دوايتي عليك غنا
وأرسم ملامحك في الغيوم
ما إنتي لي أول سراب
وأنا ما إنجهرت من النهار
لكني بدفع ليك عمر
مافيهو غير الإنتظار
والحرقة والشوق الشديد
........
بستأذنك
أرويك فرح
وأشرق جداولك بالنشيد
وإتدفقك في كل صباح
وإتونسك كل يوم جديد
........
ياجاهلة مابي من حريق
ياصامتة والجوف بيك يقيد
سويني في بالك حلم
أو في خيالاتك مكان
تلقيني كلما الريح تنوح
مشرع بيديكي الأمان
.....
بستأذنك
ماتحزني
لا الغربة تسرق فرحتك
لو في بعادك كنت طيف
أشواقي ليك فرس الرهان
.....
يالجاية من ضو الشموس
وأنا في ظلامي عليك بكوس
لاكنتي زي نار المجوس
لابتشبهي الزيك كمان
.....
بتوسلك ماتسدي باب
أنا من دروب الريح بجيك
وإستأذنك
شان أدخلك
وأرسم ملامحك من جديد
عصفورة أو طفلاً سعيد
راكوبة أو ظلاً مديد
قمرية في غابة نخيل
طورية أو منجل في إيد
تمرة وشديرة برتكان
شادوف علي الجرف البعيد
خلوة وتسابيح في الآذان
إبريق وسبحة وكم مريد
وأستأذنك
شان أدخلك
وأبداكي من أول جديد
وأنا في زقاقاتك حلم
مفطوم علي وعداً قضي
وقلباً سهي
وزمناً هوان
مابحلمك
وأنا في المنام
لسع بشطف خوفي من
طلعة بهاك
واخوفي
لو صحت الصباحات أفقدك
مابرسمك
وأنا أيدي في طين النوي
وعيوني من زحمة مخاوفك
تندهك
بقبل أعيشك من سكات
أفهم إجاباتك همس
أكسر دوايتي معاك عمد
وأقصد أحجيك بالغنا
ما الزيي لو خيل في رهان
مابتكسبك
........
بتوسلك
تدي المراكب ريح صلاح
تهديها كلما الليل دهم
ترمي الصباح قدام خطاي
تبريها في درب العشم
وأنا بنتظر غيمتك تصل
لو تنبهل في بور غناي
أنا ببقي في دنياك نغم
....
وأتحسسك
من تاني أبدا أحسسك
بالكان مدسدس في الفؤاد
بالكان محكر في القلب
من كم سنة
ريد ياحبيبة وكلو ليك
شوق للبريدة ومااكتفيت
غنا ياجميلة بيوصفك
ومن تاني ارجع أدخلك
وفي حلمي أقدر أرسمك
...
وإستأذنك
أدخل عليكي حلم جميل
أدخل عليك من ألف باب
من ألف شارع ضو جديد
...
بستأذنك
أبهل دوايتي عليك غنا
وأرسم ملامحك في الغيوم
ما إنتي لي أول سراب
وأنا ما إنجهرت من النهار
لكني بدفع ليك عمر
مافيهو غير الإنتظار
والحرقة والشوق الشديد
........
بستأذنك
أرويك فرح
وأشرق جداولك بالنشيد
وإتدفقك في كل صباح
وإتونسك كل يوم جديد
........
ياجاهلة مابي من حريق
ياصامتة والجوف بيك يقيد
سويني في بالك حلم
أو في خيالاتك مكان
تلقيني كلما الريح تنوح
مشرع بيديكي الأمان
.....
بستأذنك
ماتحزني
لا الغربة تسرق فرحتك
لو في بعادك كنت طيف
أشواقي ليك فرس الرهان
.....
يالجاية من ضو الشموس
وأنا في ظلامي عليك بكوس
لاكنتي زي نار المجوس
لابتشبهي الزيك كمان
.....
بتوسلك ماتسدي باب
أنا من دروب الريح بجيك
وإستأذنك
شان أدخلك
وأرسم ملامحك من جديد
عصفورة أو طفلاً سعيد
راكوبة أو ظلاً مديد
قمرية في غابة نخيل
طورية أو منجل في إيد
تمرة وشديرة برتكان
شادوف علي الجرف البعيد
خلوة وتسابيح في الآذان
إبريق وسبحة وكم مريد
وأستأذنك
شان أدخلك
وأبداكي من أول جديد
الفاتح محمد التوم- مشرف المنتدى السياسى
رد: أعيشك من سكات !!!!!
من طرف محمود منصور محمد علي 13th ديسمبر 2012, 17:22
خلوة وتسابيح في الآذان
إبريق وسبحة وكم مريد
وأستأذنك
شان أدخلك
وأبداكي من أول جديد
روعة ياتوحة ياظريف
تحياتي وجمعة مباركة
إبريق وسبحة وكم مريد
وأستأذنك
شان أدخلك
وأبداكي من أول جديد
روعة ياتوحة ياظريف
تحياتي وجمعة مباركة
محمود منصور محمد علي- مشرف المنتدى العام و مصحح لغوي
وايـــه يـــا يـمـة والله زمــان !!
من طرف الفاتح محمد التوم 13th ديسمبر 2012, 18:04
ضــــل الـضـحـى الــرامـي ..
وشــمــس شــتـويـة دفــايـة ..
وريـحة الـبن ، لـما يـفوح فـي قلاية..
وفــــــــروة جـــــــدي .
صـورة جـدي لـمن جـيت أمـد يـدي :
(جــــدي.. أديــنـي تـعـريـفة )..
(بـتـقرا الـحـمدو يــا الـمـبروك )..
(بـقـرها وشــان تـعـريفه الـقـاه)..
بــجـود فـــي الـقـراية كـمـان ..
وايـــه يـــا يـمـة والله زمــان !!
وســبـحـة ( بــنــت الــفـكـي)
والــطــوريـة .. والـــواســوق..
وسـعف حـبوبة ، والـكورية ، والحنقوق
وصــوت ( سـعدية ) بـت جـيرانا ...
تـشـحـد لـيـهـا فـــي طـايـوق.
وصـوت (عرفه) لما تخمج الدلوكة غناية...
وحـبـة فـريـك ، لـموه لـي رمـضان
مــصــرور فـــي مـخـلايـة ...
صــــور مــحـفـورة جــوايــا.
ومــــــــن يـــــــوم داك..
ولـــي الـلـيـلة ، ولـــي iiبـكـرة
وبــــعــــد بــــاكــــر..
شــان الـزمن غـدار ومـا مـعروف..
زمــــــــن مــــكــــار ،
زمـانـا كـلـو خــوف فــي خـوف
وايـــه يـــا يـمـة والله زمــان !!
لك التحيـــة شيخ محمود ..................
مشكور للمرور الباكر ودعواتك إن شاء الله تتبارك بيوم باكر
وجمعة مباركة يا غالي
تحياتي للوليدات وخاصــــة " ست ابوها "
خالص الود
الفاتح محمد التوم- مشرف المنتدى السياسى
رد: أعيشك من سكات !!!!!
من طرف الفاتح محمد التوم 26th ديسمبر 2012, 18:26
يا ناس يا ضـــو
,,,,,,, فارشين في الروح ,,,,,تبروقه حنين
,,,,,,,,
جاردين الحب
بي سبحة شوق
ساقيين جواي
ملطم للخير
قدحي المكسور
معدول بي طينكم
ياطينة أصيلة
وساقيها النيل
ياريحة شارع
وزقاق ومزارع
يابيوت جالوص
يامـــدرسة إنتــو
مقــرر
ريـــدة
ولوحة
وصفحة جديدة
ياااااا ضــوكم
وأنا لسة رايح في العشم
في الضـو وفي الناس الخُدر
لااااااااا حولتن عنـد المســـاء
والناس تغازل في الورود
تتنفســة
ياااااااا شهقة الضحكـ المرق
على باب السما
والقريفة
ما فارق الدرب القسا
لكن بنتقاطر عِنِـاد
ونوشوش أضان الريـد غُنا
وياااااااا بعضنا
وياااااااا كلنــــا
ويانحنا كنا مشينا وين ؟
مشوار سماح في الروح هِنـا ؟
ولا نحن مرقنا كيف ؟
ياكيف … بخوركـ إنطلق
مطلوق ولحااااق للبعيد
لاتعريفة لاقرشاً يسوق
وبرضو لحاق
يا إنتــو
نحن كنا مشينا وين ؟
ولا هي المحطات الوصول ؟
الكل وصول
للمدرسة
والخلوة
واللوح القديم
والضحكة
والحلم العشم
وبنية بي مشاطة مسرحة
وشايلة كراس الدخول
للحصة والدرس إنتباه
***......*****
,,,,,,, فارشين في الروح ,,,,,تبروقه حنين
,,,,,,,,
جاردين الحب
بي سبحة شوق
ساقيين جواي
ملطم للخير
قدحي المكسور
معدول بي طينكم
ياطينة أصيلة
وساقيها النيل
ياريحة شارع
وزقاق ومزارع
يابيوت جالوص
يامـــدرسة إنتــو
مقــرر
ريـــدة
ولوحة
وصفحة جديدة
ياااااا ضــوكم
وأنا لسة رايح في العشم
في الضـو وفي الناس الخُدر
لااااااااا حولتن عنـد المســـاء
والناس تغازل في الورود
تتنفســة
ياااااااا شهقة الضحكـ المرق
على باب السما
والقريفة
ما فارق الدرب القسا
لكن بنتقاطر عِنِـاد
ونوشوش أضان الريـد غُنا
وياااااااا بعضنا
وياااااااا كلنــــا
ويانحنا كنا مشينا وين ؟
مشوار سماح في الروح هِنـا ؟
ولا نحن مرقنا كيف ؟
ياكيف … بخوركـ إنطلق
مطلوق ولحااااق للبعيد
لاتعريفة لاقرشاً يسوق
وبرضو لحاق
يا إنتــو
نحن كنا مشينا وين ؟
ولا هي المحطات الوصول ؟
الكل وصول
للمدرسة
والخلوة
واللوح القديم
والضحكة
والحلم العشم
وبنية بي مشاطة مسرحة
وشايلة كراس الدخول
للحصة والدرس إنتباه
***......*****
الفاتح محمد التوم- مشرف المنتدى السياسى
رد: أعيشك من سكات !!!!!
من طرف خدورة أم بشق 27th ديسمبر 2012, 08:01
قمرية في غابة نخيل
طورية أو منجل في إيد
تمرة وشديرة برتكان
شادوف علي الجرف البعيد
وا بعداه يالفاتح.... وين أيام الشراك والكج والحرَّاسة (دباسه مجنحة)
طورية أو منجل في إيد
تمرة وشديرة برتكان
شادوف علي الجرف البعيد
وا بعداه يالفاتح.... وين أيام الشراك والكج والحرَّاسة (دباسه مجنحة)
خدورة أم بشق- مشرف منتدى الشعر
رد: أعيشك من سكات !!!!!
من طرف الفاتح محمد التوم 27th ديسمبر 2012, 16:56
حليل أيام زمان ,,,
أشهر " الكجات " كانت في التقـــا بعد لم العيش وتعبيتو في شوالات "دبيبة الفخرية " في الدرت
وعشان ما تطير الدباسه او القمرية بنربط الشرك بدباره من بعيييييد ونحنا لابدين طبعاً
يا استاذ فضل تسلم ......
أشهر " الكجات " كانت في التقـــا بعد لم العيش وتعبيتو في شوالات "دبيبة الفخرية " في الدرت
وعشان ما تطير الدباسه او القمرية بنربط الشرك بدباره من بعيييييد ونحنا لابدين طبعاً
يا استاذ فضل تسلم ......
الفاتح محمد التوم- مشرف المنتدى السياسى
اسمعي لي قبل الرحيل كلاما ........معروف الرصافي
من طرف الفاتح محمد التوم 11th يونيو 2013, 11:10
اسمعي لي قبل الرحيل كلاما ........ودعيني أموت فيك غَراما
هاك صبري خذِيه تذكرة ً لي وامنحي جسمي الضنى والسقاما
لست ممن يرجو الحياة .......إذ فا رق أحبابه ويخشى الحِماما
لك يا ظبية َ الصريمة طرفٌ......... شدَّ ما اوسع القلوبا غراما
حبّ ماء الحياة منك .........بثغر طائر القلب حول سمطيه حاما
شغل الكاتبين وصفك ................حتى لا دوياً ابقوا ولا اقلاما
كلما زاد عاذلي فيك عذلا........... زدت في حسنك البديع هُياما
أفأحْظى بزَوْره منك تشفِي ...........صدع قلبي ولو تكون مناما
رب ليل بالوصل كان ضياء ...........ونهار بالهجر كان ظلاما
قد شربت السهاد فيه مداماً.............. وتخِذتُ النجوم فيه ندامى
ما لقلبي اذا ذكرتك يهفو............. ولعيني تُذرِي الدموع سِجاما
إن شكوت الهوى تلعثمتُ حتى ............خلتني في تكلمي تمتاما
هاك صبري خذِيه تذكرة ً لي وامنحي جسمي الضنى والسقاما
لست ممن يرجو الحياة .......إذ فا رق أحبابه ويخشى الحِماما
لك يا ظبية َ الصريمة طرفٌ......... شدَّ ما اوسع القلوبا غراما
حبّ ماء الحياة منك .........بثغر طائر القلب حول سمطيه حاما
شغل الكاتبين وصفك ................حتى لا دوياً ابقوا ولا اقلاما
كلما زاد عاذلي فيك عذلا........... زدت في حسنك البديع هُياما
أفأحْظى بزَوْره منك تشفِي ...........صدع قلبي ولو تكون مناما
رب ليل بالوصل كان ضياء ...........ونهار بالهجر كان ظلاما
قد شربت السهاد فيه مداماً.............. وتخِذتُ النجوم فيه ندامى
ما لقلبي اذا ذكرتك يهفو............. ولعيني تُذرِي الدموع سِجاما
إن شكوت الهوى تلعثمتُ حتى ............خلتني في تكلمي تمتاما
الفاتح محمد التوم- مشرف المنتدى السياسى
رد: أعيشك من سكات !!!!!
من طرف أزهرى الحاج البشير 11th يونيو 2013, 19:39
بقبل أعيشك من سكات
أفهم إجاباتك همس
أكسر دوايتي معاك عمد
وأقصد أحجيك بالغنا
ما الزيي لو خيل في رهان
مابتكسبك
منتهى الرضا والقناعة
أفهم إجاباتك همس
أكسر دوايتي معاك عمد
وأقصد أحجيك بالغنا
ما الزيي لو خيل في رهان
مابتكسبك
منتهى الرضا والقناعة
أزهرى الحاج البشير- مشرف عام
رد: أعيشك من سكات !!!!!
من طرف الفاتح محمد التوم 11th يونيو 2013, 21:03
وهنا قمـــة الأدب .................. نظم مثــالي ياشيخنا .... من الزمن الجميلالفاتح محمد التوم كتب:
بستأذنك
ماتحزني
لا الغربة تسرق فرحتك
لو في بعادك كنت طيف
أشواقي ليك فرس الرهان
...
شكراً على المرور الجميــــل
الفاتح محمد التوم- مشرف المنتدى السياسى
رد: أعيشك من سكات !!!!!
من طرف كرم هجانه 16th يونيو 2013, 10:39
شكراً على الكلام الشفيف و رهيف .... يا رهيييييييييييييييييييييف
كرم هجانه- نشط مميز
رد: أعيشك من سكات !!!!!
من طرف فيصل خليل حتيلة 16th يونيو 2013, 10:56
يا كلنا
يا بعضنا
نحنا مشنا وين؟؟؟
.............
تسلم يا شهاب نص رائع
فيصل خليل حتيلة- مشرف إجتماعيات أبوجبيهة
رد: أعيشك من سكات !!!!!
من طرف ناهد عبيد 17th يونيو 2013, 10:50
سلام يا سلاااااااام على الروعه والجمال
ناهد عبيد- مبدع مميز
رد: أعيشك من سكات !!!!!
من طرف الفاتح محمد التوم 17th يونيو 2013, 14:48
الفاتح محمد التوم كتب:يا ناس يا ضـــو
ياااااا ضــوكم
وأنا لسة رايح في العشم
في الضـو وفي الناس الخُدر
لااااااااا حولتن عنـد المســـاء
والناس تغازل في الورود
تتنفســة
*****....*****
مشكورين حبان قسـاي
كرم والوريف وبتنا ناهد مروركم بطعم ولون المنقــــــــــــــــة
***......*****
الفاتح محمد التوم- مشرف المنتدى السياسى
رد: أعيشك من سكات !!!!!
من طرف عثمان محمد يعقوب شاويش 19th يونيو 2013, 08:47
يا قلبي يا مكتوووول كمد ... تسلم توحة .
عثمان محمد يعقوب شاويش- مشرف منتدى شخصيات من ابى جبيهه
رد: أعيشك من سكات !!!!!
من طرف فيصل خليل حتيلة 19th يونيو 2013, 10:57
جاردين الحب
بي سبحة شوق
ساقيين جواي
ملطم للخير
قدحي المكسور
معدول بي طينكم
ياطينة أصيلة
وساقيها النيل
ياريحة شارع
وزقاق ومزارع
يابيوت جالوص
يامـــدرسة إنتــو
مقــرر
ريـــدة
ولوحة
وصفحة جديدة
عمو عصمان ادخل العناية المكثفة دى
سلامة قلبك
بي سبحة شوق
ساقيين جواي
ملطم للخير
قدحي المكسور
معدول بي طينكم
ياطينة أصيلة
وساقيها النيل
ياريحة شارع
وزقاق ومزارع
يابيوت جالوص
يامـــدرسة إنتــو
مقــرر
ريـــدة
ولوحة
وصفحة جديدة
عمو عصمان ادخل العناية المكثفة دى
سلامة قلبك
فيصل خليل حتيلة- مشرف إجتماعيات أبوجبيهة
رد: أعيشك من سكات !!!!!
من طرف الفاتح محمد التوم 19th يونيو 2013, 11:25
يا وريـــف
نحن كنا مشينا وين ؟
ولا هي المحطات الوصول ؟
الكل وصول
للمدرسة
والخلوة
واللوح القديم
والضحكة
والحلم العشم
وبنية بي مشاطة مسرحة
وشايلة كراس الدخول
للحصة والدرس إنتباه
ولا هي المحطات الوصول ؟
الكل وصول
للمدرسة
والخلوة
واللوح القديم
والضحكة
والحلم العشم
وبنية بي مشاطة مسرحة
وشايلة كراس الدخول
للحصة والدرس إنتباه
*******
تسلم يا شاويش من الكمد ومن ألم الرمد
الفاتح محمد التوم- مشرف المنتدى السياسى
رد: أعيشك من سكات !!!!!
من طرف كرم هجانه 19th يونيو 2013, 15:10
بدأـ أشك فى جنونك .........................
الله يشفيك من نار الحروف
الله يشفيك من نار الحروف
كرم هجانه- نشط مميز
رد: أعيشك من سكات !!!!!
من طرف الفاتح محمد التوم 22nd يونيو 2013, 14:05
شِبْرانِ بَيْنَ جُنُونِيَ المَزْعُومِ والْعَقْلِِ الّذي قدْ بَاتَ يُثْقِلُ كاهِلِي...
شبرانِ والبدْرُ المَقيتُ يُمَحِّصُ الأبْصارَ فيَّ كأنََّني
في الأرضِ بدْرٌ خاملٌ
لا ضُوءَ لي...
شبرانِ والدَّربُ الَّذي أخْطُو عليْه تشقَّّقَتْ أطْرافُه
حتَّى بدا
كأناملِ المرْءِ المُعَمِّرِ داخلي...
وتهافتُ الأشْباحِ منْ نبْع المخاوِفِ قدْ تجلَّى واضحاً للرُّوح مثْل الذِّكْرياتِ
كرم الدين وعلى لسان الشاعر الجميل الوضئ محمد محمود المظلي ........ أعزز مخاوفك
شبرانِ والبدْرُ المَقيتُ يُمَحِّصُ الأبْصارَ فيَّ كأنََّني
في الأرضِ بدْرٌ خاملٌ
لا ضُوءَ لي...
شبرانِ والدَّربُ الَّذي أخْطُو عليْه تشقَّّقَتْ أطْرافُه
حتَّى بدا
كأناملِ المرْءِ المُعَمِّرِ داخلي...
وتهافتُ الأشْباحِ منْ نبْع المخاوِفِ قدْ تجلَّى واضحاً للرُّوح مثْل الذِّكْرياتِ
كرم الدين وعلى لسان الشاعر الجميل الوضئ محمد محمود المظلي ........ أعزز مخاوفك
تسلم للمرور ........... وزمجرة الهواجس
الفاتح محمد التوم- مشرف المنتدى السياسى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى