المشــــــــــاعر الطــــــــيبه

الموضوع كتبته من خلال ملحظتى للناس وجهلها لحاجات مهمه جدا فى حياتنا ممكن تسبب كارثه احتمال يكون دونما قصد اوبقصد المهم فى الموضوع حوجتنا لها كما نحتاج لاشياء كثيره المشاعر الطيبه نحتاجها نحن جميعا ... ابناء .... والدين ... ازواج ...اقارب ... اصحاب ... جيران ............الخ كلٌ على حسب الحلقه كما يقول التربيون فى المدارس عن الماده المقرره لكل الفصول ولكن تدرس الجرعه على حسب الحلقه واستيعاب التلاميذ . سؤالى هل التعبير عن المشاعر الطيبه يعنى الضعف او عدم الكرامه !! العاطفه حبانا الله بها هى من عند المولى عز وجل لا تشترى ولا تباع بثمن موجوده عند كل الناس بس ما مقدرين النعمه دى .
الكلمة الطيبه حسنه
المثل بقول ليكا ان شاءالله العافيه ما مشحوده لو بقت بالشحده الناس ما بتشوف عافيه تب من حالة التقشف العايشنها دى والناس بقت جبٌاره جبر شديد اعوز بالله . ده كلو كوم والكوم التانى شح المشاعر الطيبه ان شاءالله ما تكون مشحوده هى الناس دى مالها !!!!! الحاصل بيها شنو
اعلم اننا مافى المدينه الفاضله عشان نحلم بمشاعر منداحه هنا وهناك ومنثوره فى البيوت وما نريده هو اننا بشر بالتاكيد نحتاج لمشاعر طيبه نابعه من الدواخل بدون استعمال اقراص دواء او استشارة طبيب لان الموضوع فطرى وما محتاج لجهد وعناء كبير . يا جماعه ليس بالخبز وحده يحيا الانسان ولا مو هيك .
يعنى شنو لو بقينا لطفاء ظرفاء مع الاقربين بدءا بالبيت قلنا البيت لانى ارى توزيع المشاعر الطيبه بعيدا عن الموقع المزكور اعلاه لماذا !!!!!
مالو
كلمه طيبه مزحايه نكتايه فوكا حاجه .... ليه الجمود والكأبه دى !!!! يعنى التعبير صعب ولا شنو !! ولا فى شح فى الكلمات الطيبه الجميله معقوله الحياة تكون كلها دراب تبقى دى ما عيشه .

الموضوع طويل ومتشعب بجيكم صاده تانى

واقعدوا عافيه

يعنى شنو لو بقينا لطفاء ظرفاء مع الاقربين بدءا بالبيت قلنا البيت لانى ارى توزيع المشاعر الطيبه بعيدا عن الموقع المزكور اعلاه لماذا !!!!!

خيركم خيركم لاهله

صبــــــــاح الخــــــــير عليكم جميعا

&&&& عدنــــــــــا &&&&&&&


المشاعر الطيبه يعنى ابتعادك عن العدوانيه بقدر المستطاع والله ح تعيش مرتاح البال رغم ضغوط الحياة ومشاكلها وما نلخبط الكيمان وحاول ان تبتعد عن الكره واقترب من حب الخير لك وللاخرين وكن جميلا وسوف ترى الوجود اجمل بكثير مما تتصور والزى يبقى بين الناس الكلمه الطيبه والمشاعر الجميله كلنا بالتاكيد نحتاجها فى حياتنا ولا عيشه بدون مشاعر طيبه وربنا لا قطع العشم بين الناس فى كلمه طيبه او مواساه او سؤال او ..........الخ

...... شكرا اقبال على المشاركه ...... برضو فهم صح خيركم لاهله

الله يا ناهد
طرقت موضوع جميل جدا
وانا من الناس البيعانو لاني عاطفية جدا
الموقف المحزن احزن شديد والموقف المفرح افرح شديد
انا افرح لاي انسان حتي لو مابعرفو
والرسول عليه الصلاة والسلام وصى على عشرة يوم
بس الوسطية مهمة شديد
وحقتي زايدة شوية
شكرا ناهد