13لو اعيش زول ليهو قيمة20

امنيات بجمال تمنيات العميري وآمال عراض بأن يكون هذا العام عاقب لكل سنوات الصبر التي عاشها ويعيشها بلدي الحبوب وان يعوض الله كل أهل السودان وخاصة جنوب كردفان صبرهم خيرا(ما قالوا الصبر عاقبو الحلو)
اسأله تعالي ان يوحدنا لنرد دين الوطن للذين يطلبونه مضرة وتمنياتي للجميع بعام كله سعادة وخير وبركة .
تعالوا نتمنى مع العميري رحمه الله واثابه اجر امنياته

كلمات / قاسم الحاج

لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة من ضمن الاحاجي

بيها يتهنو و ينمو واحرسم طول ليلي ساجي

والقي في راحة نفوسهم بسمتي وطول ابتهاجي

- - - - -

لو اعيش طول عمري نسمة .. أو مع الايام سحابه

اهطل ادي الدنيا بسمة .. أروي وادي واسقي غابة

لو اعلم طفل واعــد .. لسه ماعـِـرف الكـتــابة

أبقى شجرة ظلالها ورافة .. تحتي نايمين ناس تعابة

- - - - -

أشقي والقي وابقي بهجة .. في النفوس لكل مناضل

ابقي للمعتل علاجو .. وابقي للفــلاح ســنابــل

ابقي للثـُـوّار سلاحم .. اعتي من قذف القنابل

وابقي للكادح المـُـلوَّح كلُ حل موفــور وعـــادل

آميييييييييين يارب العالمين
اللهم ارحم العميري بقدرما احب هذا الوطن وتغنى له

نسال الله العلي القدير ان يكون عام خير وبركة وامن واستقرار وتقدم وازدهار للسودان عامة ولجنوب كردفان خاصة

وكل عام وجميع اعضاء المنتدى بخير وصحة وعافية

لو اعيش زول ليهو قيمة اسعد الناس بوجودي

كل عام والبلد امنه ومستقره والناس سالمه وطيبه ومتعافيه ومتصافيه ومتصالحه مع نفسها

اقبال شكرا على الصفاء

13لو اعيش زول ليهو قيمة20

13لو اعيش زول ليهو قيمة20

رد: 13لو اعيش زول ليهو قيمة20

رد: 13لو اعيش زول ليهو قيمة20