فقيد الارباب وكارثة الاياب

مالو لو صافيتنا خمسه خمسه وبقيت تجينا تانى نحن ما قصرنا حاشا والمعز سواها فينا
*غلبونى غلبونى الليله ما ذنبى طايرين بنمره خمسه لابوظبى (كاس العالم للانديه مع ناس ميسى )
*ظلمونى الحبايب وقالو لى انسى من بعد المذله العشتها خمسه خمسه
*خمسوك وشوهو سمعتك
اوردت بعض الصحف السودانيه ان هيثم مصطفى الود المنتهى اكلينيكيا اقترح على كامبوسهم طريقة لعب معينه وهى اللعب بمحورين فقط فى وسط الملعب مضيفا لاننا سبق ان نازلنا ماخمسى واللعب بثلاثه محاور لا يجدى معهم.
الا ان كامبوسهم اصر على خوض المباراة بثلاثه محاور باشراك علاء الدين يوسف وايفوسا ولدنا بجانب االود المنتهى سريريا هيثم. مما جعل هيثم يرفض المشاركه كاساسى فى بادئ الامر لانه لايمكن له اللعب بجانب ايفوسا فى مهمه ذات صله على ان يجلس فى دكة البدلاء ويشارك فى الشوط الثانى. فتدخلت الاجاويد وكترت الصلاة على النبى واقنعت الود الميتان المدعو البرنس على الانصياع لقرارات المدرب وحصل ما حصل. عليه نقترح المدرب القادم للفقيد الجريح صاحب الرقم 8 الذى يحب ملاح التقليه.
اتصلت هاتفيا ليلة البارح بالحبيب الغالى النقر عبد الرازق الذى كان داخل المقبره يوم النزال اللعين فاكد لى رغم هلاليته ان ماخمسى اذهل الجميع بادائه الراقى وعزفه لارقى فنون كرة القدم مما دعى كل واعى ورياضى مطبوع ان يصفق طربا رقم الجنسيه السودانيه واللونيه الازرقيه.
وفى صحيفة المشاهير الرياضيه السودانيه قال المدرب المصرى المعروف مصطفى يونس ان على الجهاز الفنى والادارى للنادى الفقيد ان يعمل على اعادة الروح والمعالجه النفسيه للاعبين وما زال الامل موجود على حد تعبيره.
نحن من جانبنا كصفوه نؤكد ايضا ان الامل ممكن يكون موجود اذا كان للفقيد رماة غير المواسير الشفناها فى ذلك اليوم
4اهداف نظيفه مطلوبه لتلج شباك ماخمسى الاصلى تخيلو يا ول نويه ودكتور مرتضى.
نحيا ونشوف ويوم 18 قريب ما بعيد.
(سا سادومبا .... كا كابوندى ... احبك يا مازيمبى)
ولنا عوده
...................................................................................................... عشتم

والله ماقصرت ياعوض السيد شاعر بدون مناذع
نديك برضو اضافة شوية كدة:
طبعاً الجماعة قبل المعركة قامو عملو ليك ضجة اعلامية بطريقة مبالغ فيها وقامو فزعمو ليك الحكومة اها جابو ليك مستشار لرئيس الجمهورية عشان يكسرو بيه التلج اها قامو عملو ليهم فتح حساب وتحويل رصيد وادو الجماعة الصغار اي واحد كورة لافيين بيها البيوتات الحكومية والخاصة ؛ اها مدير سودانير قام اتنفخ من شدة الكلام الحلو قال ليهم خلاص بوديهم ليكم الكنغو وبجيبم ليكم كلامك اخينا بعدا مابغير رايو بقول ليهم انتو تاني ماشين لي شنو؟ وبرضو الطلاب سابو ليك كافتريات الساحية بتاعت الحناكيش ومشو لي ضهر التور 0 طبعاً ضهر التور دي كافتريات الغلابة وقالو يوم يواحد مامشكلة لو لو عشانا بي نوم بنتمو ياريت لو كان مشو بي قروشم دي كافتريا الخرطوم سنتر اكلو بيها مخبازة ؛ والاخوات الطالبات تخلن عن زينتهن واكتفين بي قدّر ظروفك وقلن الباقي انشاء الله بي فرصة بنتمو عشان البرنس ؛ياريت لو جابن ديانا وفير من شمس الخرطوم الحارقة؛ والامهات تبرعن بنصف مجوهراتهن وقلن ليسد البلد ماخسارة ياريت لو خلن لي ناس نسرين وحواء ؛ولاباء تبرعو بي نص مرتباتم التي لا تلحق لنص الاشياء وقالو انشاء الله ماتترقع ياريت لو وفروها لانهم طالعين من ضبة العيد؛ بعد كل هذه التضحيات الجماعة خذلوهم0
اها بعدا نجيك لحال اللعيبة في المباراة :
المعز بقي راكوبة
التعاون طلع لمازمبي متعاون
مساوي بقي كلو مساوي
امبيلي بقي بليلة
سادومبا بقي ماسورة
علا طلع علة
البرنس طلع بنس
حمودة بشير طلع بتاع شخير
كاريكا طلع بتاع كواريك
المدرب
كامبوس طلع للجماعة كابوس
الرئيس
الارباب طلع بالباب
اها بعدا نجيك للمهم حال الناس بعد الخماسية:
ناس امدرمان قالو ياحليل هلال زمان
ناس بحري قالو ليه ياهلال تطلع من المربع بدري
ناس سوبا طلعو شارع افريقيا يسبو
ناس الحُباك قالو ياسيدا نحنا تاني مامعاك
ناس الكور قالو بعدا نشيل الفاتحة لناس القبور
ناس ام نوارة قالو بعدا نرجع لتراثنا نشوف لينا نقارة
ناس بورتسودان قالو بعدا نشجع هلال بورتسودان
ناس قطر قالو هلالنا ركبنا سكة الخطر
ناس عمان قالو ده شنو يامان
ناس عتيقة قالو ياارباب نحنا مامعاك في البيعة
واخيراً ناس الشرقية قالو كفاية الفضائح دي يا نـــــــــــوية

والله كفيت ووفيت وصلتها لى فى عمان .... الله يديك العافيه يا ول نويه ويسكنك الثوره الحاره الخامسه محطة خمسه
عندى حاجه كنت خاتيها لبكره لكن هاك
معز رجف ...... ما مشكله
ومفيش طرف ..... ما مشكله
وحالنا انكشف..... ما مشكله
المشكله الضربه جات فى المقبره
ورونى حل للمهزله
...........
...............................
هيثم فتر ....... ما مشكله
وتيمنا فى خطر ..... ما مشكله
واهداف مطر ..... ما مشكله
المشكله فى استادنا رقصو الكمبله
ورونى حل للبهدله
..............................
..............................
نعشم ونطير ما مشكله
كابوندى كبير ........ ما مشكله
سادومبا العوير ........ ما مشكله
والبقيه مواسير........ ما مشكله
والمشكله ما عندو غير الفرفره
ورونى حل للمسخره
........................................
.........................................
مساوى وقع ...... ما مشكله
جمهور طلع ..... ما مشكله
والنور قطع ..... ما مشكله
المشكله كيفن نعيد الاندفع ودى المشكله
ورونى حل للمشكله
.................................
....................................
امبيلى اتلحس ..... ما مشكله
وعلاء جلس ..... ما مشكله
والمعز ملص ..... ما مشكله
المشكله كيفن احل حالة الفلس ودى المشكله
ورونى حل للمشكله
.......................................
..........................................
الحظ عبس ..... ما مشكله
مازيمبى كبس ..... ما مشكله
المشكله يا مجدى كيف السمسره
ورونى حل للسمكره