زهيرة وين(هى الطالبة التى كانت تنظر نتيجة الشهادة السودانية)

اصبح الصباح مع البواح
سمعنا صوت سلاح
يدوى ويهز ويرز ويعوى
تاح تراح روو كووو كف كرررف
امرقن يابنات عدن صباح
لموا يابنات سواء ماتفارقن الدر
امشن بدرى قبال الحر
اجرن قبال السلاح
زهرة وين يلف ويدور
لفه درويش سابح سارح
بعيد ماعارف زهرة وين وين
يا اخوانا ماشفتوها
فجئه يسمع صوت حنين
ابوى ابوى الحقنى الحقنى ماتفارقنى
ابوى عطشانا ابوى عشانا
قلبى مولع نار نار
ماقادرة امشى
امشى كيف والعالم مضروب سلاح
فى قلب البلد استشهد مات ميتت رجل
حريص على البلد
وداك المهدى اخوى راقد فوق ميدان النفره
لحق العالم فات خلى الدنيا ام بيانا كاذب
وجاء الخبير فى تلفزيون السودان
سقطت ام روابه وشمال كردفان
خبرا مبتور يقول الكهرباء انضربت انضربت
ولم يذكر احد لم يستشد احد وكان تفصيل
البيان كم دكان منهوب
وفضت الجيوب وسرقت الحبوب
وغلقت دروب الهبوب
وفى غمرة الحزان لملم سليمان
باقى النسوان روح صباح
ماعارف الريح الجاياهو من صباح
يكابد فى الريح يعاكس فى السلاح
ومع ضجه السلاح اللحق زهيره
الشتيله فى دريبه
مضروبه فى قليبه
وماتت شتيله
كانت تحلم بالمطيره
كانت تغرد مع الطويره
كانت تطارد فى السخيله
مدد مدد مدد يا امم او قل ام كانت تحلب فى الغنم
الراتعه البرم وكانت مع البهم
لما تهم السلاح
نهم السلاح ياناس قاسى ماخلى مسالم ولا عاصى
ولاخلى سبعينى او ذات ثلاثه سنينى
زهره فاضت عيونها بالدموع
يا ابوى انامفجوع مفجوع مفجوع
يا ابوى الحق بت خالتى
ماتخليها تموت عطشا شيله فى ضهيرك
انا خلاص ماقادره اقوم
الدم كوم مردوم ردوم
وابوى العالم مرحوم
والناس تصارع وناس تدافر عشان تقوم
ده كل كوم وداك ردوم متندل
فى البطحه راقد شهيد ملطخ الهدوم
ومابين شفقت ابوها على العيال
واسعاف بته الراقده فى المرحال
تصيح زهيره يا ابوى روح الحق العيال
يا ابوى تعال قبل على المرحال
شيل ليك زاد رجال
المويه ياناس عشانه ما رويانه
وشربت شربت الوداع المر
رقدة شهيد فوق الحر
صنقع ابوها دنقر ماعر كيف تجرع المر
دموعوا نزلت لى فراق الحبيبة
البقت بعيدة
روحت خلاص سلمت الروح لى رفيقة
غطاها ابوها ياحبيبة وداعا وتانى مافى طريقة
كيف اسيبه لى نيران عدوا او صديقة

زهره على سليمان هى الطالبة التى جلست لامتحان الشهادة السودانية لهذا العام وكانت مثل غيرها من ابناء دفعتها
تنظر لحظه ازاعة امتحان الشهادة السودانيه ؛كانت تحلم حلم مثل غيرها بدخول الجامعة وتحقيق
امانيها وامانى اسرتها التى كانت تشجعها على الاجتهاد لمواصلت مسيرتها التعليمية
لكن لم يدوم هذا الحلم ابعد من سماع بداية تصحيح الامتحان حتى اخذتها الرصاصه غدرا
فارقت على اثرها هذه الحياة الفانيه التى لا تدوم لاحد ويبقى العمل الصالح و حسن السيرة والذكرى الطيبه الهى
ارحمها وارحم جميع الشهداء وارحم جميع موتى المسلمين اميين

ادميت قلوبنا يا استاذ عثمان!!!

نسال الله ان يرحمها ويتقبلها القبول الحسن مع الصديقين والشهداء.... وهذه هي الحرب ومأساتها.. لهيبها يطال حتى الابرياء والضعفاء والمساكين الذين ليست لهم أي مصالح في هذه الحرب الضروس

الف شكر

اللهم ارحمها وجميع الشهداء رحمة واسعة والهم الهم وزويهم الصبر وحسن العزاء وربنا يكفينا جميعا مآسي الحروب والاقتتال وان ينعم على ديار الغالية بالسلام والطمانينة

الله الله والحمدلله اهو القدر لعنه الله على الحرب ومسوقيها . ما زنب الابرياء الوجيع رااااااااقد .

اللهم ارحمها يا رب واغفر له واجعل مثواه وتقبل منها الشهاده