من اشعار اصحاب الخيال الواسع

ديلا ثلاث مساطيل طبآخ وعجلاتي وساعاتي
بعد ما سطلو تمااام
قالوا اي واحد يقول شعر في
حبيبتو

الطباخ قال:
يا طابخة فيني شراب حنين
يا سكرالعسل المتين
عايز ألخبط فيك مشاعري
و أبقى جواك أستكين
أفرميني و قطعيني أنا ما مهم
بس تبقي لي حبي الدفين
لو فيكي أطبخ باقي ريدي
و أشرب معاك شوربة حنين
أنا كنت برتاح و أستوي
و أتنفسك أنا بالسنين

======

والعجلاتي قال..
منفاخ هواك
قطع فرامل حبي ليك
خلاني ما قادر ألف
فاقد التوازن جاي ليك
زايد معاك سرعة هواي
ﻻ دسه بدال يوم عليك
ﻻ يوم ردفتك بي وراي
حاسس بلف في كوني فيك
ﻻ يوم رقعتك كلمة ساي
ﻻ جبت أسبير يوم عليك
ساحراني دايمآ بس عينيك

=================
والساعاتي قال..
بحسبك جواي ثواني
و فيك بلف أنا زمني تاني زيدي
ساعات حبي ليك
من حنانك و من حناني
لما طاقطك إنتي توقف
جد معاك أنا جد بعاني
و يبقى نظبط تاني زمنك
شان ما ترجعي لي زماني
و نركب اﻷشواق نلفلف
في إتجاهات الثواني
و أصلو ما تفوتنا الدقايق نبقى
ﻻفين ما نعاني