ما فى مشكله نضحك لكن لو قللنا الضحك كل شئ ممكن يتلحق

الاخوه اعضاء المنتدى الكرام.......
السلام عليكم ورحمة الله ورمضان كريم........
لاحظت ومنذ فترة ليست بالقليله غياب المساهمات الهادفه........نعم الهادفه وانشغال اعضاء معينين بموضوعات اقرب للونسه ويمكن وصفها بانها لم تكن ذات جدوى.
صحيح المنتدى يحمل اسم بوجبيهه لكن لا يخفى على الجميع ان للمنتدى زوار لا ينتمون لابى جبيهه المدينه ولكن آثرو ان بنتمو لابى جبيهه المنتدى..... وبالطبع يبحثون عن الفائده لان من مغتنيات المنتديات الناحيه الثقافيه اما وابا........ اذن لابد من الالتفات لهذه الناحيه والابتعاد مما هو ونسه وابدالها بما هو افيد واكثر جاذبيه لضيوفكم الكرام.
الملاحظ ان واحد من الاعضاء يكتب موضوع من باب المزاح ويعنونه مباشرة لعضو معين ولا شك ان العضو المعنى سيرد وهنالك اثنين او ثلاثه آخرون يتداخلون ويكبرو كوم المزاح ولا يستطيع احد غيرهم التفاعل معهم لانو محسوب خارج المنظومه المازخه........ وهكذا تتكرر المساهمات دون جدوى ولا فائده خاصه فى الغرف التى تعتبر مخ المنتدى...... الاجتماعى والعام وتعريف المنتدى.
ذهبت اقلام من هذا المنتدى وما كان ذهابها الا لهذا السبب ولا شك ان ذهابها كان سبب الاحتضار الحاصل فى المنتدى الآن.
اكثر من مره ومن اكثر عضو وجدت من يكتب فى هذا المنتدى........ اين الناس...... وغيابك طال كفايه تعال....... يا جماعه الناس قاعدين وبيدخلو مختفين لانهم ملو وما عارفين يدخلو لشنو وعشان يعملو شنو.
المزاح ليه ناسو والترحيب ليهو ناسو........ يا جماعه كلامى دا ركزو فيهو...... انا خلاص المنتدى زى ما قلت شاتونى منو بفعل فاعل لكن والله الغلط يؤلمنى ومسار المنتدى ما بيعجب وما فى شئ صعب كلو شئ ممكن يتلحق........ المنتديات لا شك انها مناهل للعلم والثقافه ولكن اين بناة منتدى ابوجبيهه.......... اتمنى من الاخوه المسؤلين النظر بعين الشمول لانقاذ ما يمكن انقاذه

شكرا اخى الفاتح........
معليش يا فاتح انا مصمم على شاتونى وبفعل فاعل وكما اتشات غيرى وبنفس الفاعل بعد ضغوط على كثير من الاعضاء فى بريدهم الخاص وانا اول من مورست معى هذه الضغوط...... انا يا فاتح الكلام دا ما بقولو من فراغ.
بالنسبه للمزاح قصدت ان انبه عليه لانه اصبح السمه الغالبه للمنتدى وللاسف حتى الماده المتناوله فى المزاح شكلها فطير جدا مره لوارى ومره سلاح ومره تمرد ومره لاهاى وباسلوب لا تفهمه الا المنظومه التى تشكل لوبى المزاح الذى كثيرا ما يوصل القارئ لحد الملل والزهج لما يجرى وبشكل منوالى ومتكرر.
ما هكذا المنتديات ........ المنتدى لازم يكون كدا وكدا وللاسف نحنا كدا التانيه بس ليش وهل ما من حقنا نتكلم.......
المساهمات الهادفه غائبه فى معظم الاحيان....... هل الناس سألت نفسها ليه......... والله اقسم بالله العظيم وانا فى هذا الشهر الفضيل هذا ليس رأى لوحدى ....... انه رأى معظم الذين غادرو وما غادرو للاسف الا لمثل هذه الاسباب....... تقول لى ما تقول شاتونى هذا قصدى من الشوت وانت ابو المفهوميه ايا الرائع الفنان......... أرادوها خاليه من امثالنا يا فاتح والسبب كان شرعيه من حقى ممارستها كما يمارسها غيرى وللاسف وقتها الناس حكمت من طرف واحد .......عموما هذا رأى والمرض ما بكتل البكتل اليوم

أبو إبراهيم طرحك على العين والراس وأنت من الذين يعوّل عليهم في ترقية المنتدى والنهوض به .. فقط يجب عليك أن تبقى
هذا المنتدى ليس ملك أحد وأصر مثلما قال الفاتح لا أحد له الحق أن يشوت أحد .. أنت عضو أصيل وأخ كريم وهذا المنتدى
ساحة لطرح الآراء والميول المختلفة ودعوة للتقارب وإختلافنا لا يفسد الود بيننا كما قالوا قديما .. قلل شوية الإفراط في الحساسية

محبتي

يا أبو إبراهيم كلامك عين العقل . ولكن الرسميات الشديدة أن بره منها ... يعني بمزح يعني بمزح ... وتفضلوا بقبول إحترامي ،،،

ابو الزهور ايها الغالى المحترم....... انت تدرى كم انا احترمك لذلك ارجو عدم اختزال حالتى فى الحساسيه المفرطه.........
ودى كانت المشكله انو الناس حكمت من طرف واحد.
انا عارف يا ابو الزهور مافى زول عندو الحق يشوت ليهو زول طبعا الا الرئيس والمشرف...... وانا هنا اطلقت هذه الكلمه لانى للاسف اتصل على عدد كبير جدا من الاعضاء ان زيد من الناس ارسل اليهم رسائل فى بريدهم الخاص يحرضهم على عدم الرد على كل مساهماتى وباختصار عشان نكرهو ويمشى ....... طيب دا ما اسمو شوت....... انا ما استبعدت ابدا لان نفس الدور اتمثل معاى انا فى بريدى خاص وفى مشكلة هزت كل المنتدى والناس القدام لو ركزو ممكن يتذكرو بس انا رفضت التحريفض ومنها بدأ الاستهداف....... وبرضو ما حساسيه مفرطه........ على العموم انا وصلت لقناعه ان المنتدى ما ملك لاى شخص بعينو لكن مافى شك الجمره بتحرق الواطيها.
ادرى تماما ان وجودى يشكل ازعاج لبعض الناس ولكن لولا وجود عمر بخيت لما كان اتشطب حموده بشير

ولا حتى الرئيس ولا حتى المشرف .. على قول الشايب قول بسم الله وأنسى الماضي ولا أستطيع إختزال الأمر في حساسية وبس والله مافي زول
أفضل منك في رتق تلك الثقوب الصغيرة .. والله يا عوض ربنا ما يجيب الشدائد لكن كان حصلت أول زول تلقاهو اللي في بالك وأجزم بذلك
................................................................................
اتصل على عدد كبير جدا من الاعضاء ان زيد من الناس ارسل اليهم رسائل فى بريدهم الخاص يحرضهم على عدم الرد على كل مساهماتى وباختصار عشان نكرهو ويمشى ....... طيب دا ما اسمو شوت.......

......................................................................

جاء رجل إلى عمر بن عبيد، فقال له: إن الأسواري يغتابك، وما زال يذكرك في مجالسه بشرٍّ، فقال عمر: يا هذا ما راعيت حق مجالسة الرجل حين نقلت إلينا حديثه، واغتيابه لنا، ولا أديت حقي حين أعلنتني عن أخي ما أكره، ولكن قل: إن الموت يعمنا، وإن القبر يضمنا، وإن القيامة تجمعنا، والله يحكم بيننا وهو خير الحاكمين .

هذا بإفتراض أن ما وصلك حقيقة


ومن هذه اللحظة تجاوزنا جميعا ما حدث وهذا الشهر القرآني الفضيل خير توقيت لذلك وشاهدُ عليه ............ سلام

شكرا ليك ابو الزهور طول عمرك حكيم.........
انا بادرت ولن اكرر المبادره مره أخرى..........
والله يا ابو الزهور انا كتاب مفتوح ويعرف ذلك كل الذى يعرفنى عن قرب بس الحاجات لما تفوت حدها صعب السكوت عنها.
عموما ما ننشده هو ال fair play ..........
على رأيك يا محترم

بالنسبه للمزاح قصدت ان انبه عليه لانه اصبح السمه الغالبه للمنتدى وللاسف حتى الماده المتناوله فى المزاح شكلها فطير جدا مره لوارى ومره سلاح ومره تمرد ومره لاهاى وباسلوب لا تفهمه الا المنظومه التى تشكل لوبى المزاح الذى كثيرا ما يوصل القارئ لحد الملل والزهج لما يجرى وبشكل منوالى ومتكرر

استاذ عوض السيد00000 كل المنتديات على راسها سودانيس اون لاين مخصصة مساحة للضحك والفرفشة والنكات والطرائف والممازحات وكذلك موقع النيلين وكذلك الراكوبة واولاد جعل وضل التبلدية وغيرها الكثير من المنتديات.... ونحن في منتدى ولسنا في ثكنة عسكرية او داخلية او دائرة حكومية.... واروقة المنتدى حبلى بما يروق للزائر او الاعضاء المنتظمون00 وهذاالامر متاح وادخل أي منتدى من المنتديات الدنيا وشاهد بنفسك...

وعلى العموم رسالتك وصلت ونحن اصلا ما من ابوجبيهة ولا يحق لنا المشاركة في المنتدى ونعتذر للذين اصابهم الضيق والضجر من مزاحنا الكثير الفطير الثقيل.... اشكرك استاذ عوض السيد على الاهانة المبطنة ووداعا ايها الكرام الاعزاء الذين اثروا على انفسهم وتحملونا كل هذه الفترة اsize=24][/size]

والله دي عين !!!!!!!!!!!!!!

..........................................................................................

ففى نهاية المطاف انا اخوك الكبير

تحياتى

عوض السيد ابراهيم كتب:ابو الزهور ايها الغالى المحترم....... انت تدرى كم انا احترمك لذلك ارجو عدم اختزال حالتى فى الحساسيه المفرطه.........
ودى كانت المشكله انو الناس حكمت من طرف واحد.
انا عارف يا ابو الزهور مافى زول عندو الحق يشوت ليهو زول طبعا الا الرئيس والمشرف...... وانا هنا اطلقت هذه الكلمه لانى للاسف اتصل على عدد كبير جدا من الاعضاء ان زيد من الناس ارسل اليهم رسائل فى بريدهم الخاص يحرضهم على عدم الرد على كل مساهماتى وباختصار عشان نكرهو ويمشى ....... طيب دا ما اسمو شوت....... انا ما استبعدت ابدا لان نفس الدور اتمثل معاى انا فى بريدى خاص وفى مشكلة هزت كل المنتدى والناس القدام لو ركزو ممكن يتذكرو بس انا رفضت التحريفض ومنها بدأ الاستهداف....... وبرضو ما حساسيه مفرطه........ على العموم انا وصلت لقناعه ان المنتدى ما ملك لاى شخص بعينو لكن مافى شك الجمره بتحرق الواطيها.
ادرى تماما ان وجودى يشكل ازعاج لبعض الناس ولكن لولا وجود عمر بخيت لما كان اتشطب حموده بشير

الاستاذ : عوض السيد كل علم وانت بخير
لايحق للمدير او المشرف ان يفصل احد من المنتدى
نحن كلنا مسؤولون عن الارتقاء بالمنتدى



انا مابعرف امازح دمى تقيل شويه لكن اقبلها مزحه

انت ناوى تزوق من مسئوليتك ولاشنو

يا سلام عليك يا عوض السيد يارائع يا كبير...ا

تصل علي قبل قليل اخي الصغير في العمر الكبير في الفهم والعلم استاذي عوض السيد

وذلك عندما شعر بان احدى مداخلاته ازعجتني او قد اكون قد فسرتها تفسيرا خاطئا....معتذرا ومتاسفا وهذه هي الروح التي نسعى  لبثها  بين الاعضاء  ويجب ان نغض الطرف عن الزلات والهفوات والاخطاء  التي تحدث بين الفنية والاخرى غير المقصودة....

عوض السيد انت انسان مهذب ومحترم ويكفي اتصالك علي ويكفي انك تود حتى ان تصلح ما افسدته الايام بينك وبين الاخ فيصل ويكفي انك ذكرت فيصل  بخير وذكرت لي مدى حبك له واحترامك له.... والشيطان دخل بينكم ونحن في رمضان والشياطين مصفدة سنعيد العلاقة ونعمل على راب الصدع علما بانه ليس هناك صدع  او اي شرخ اوجرح  والشيطان يود ويرمي الى الفرقة ونحن اخوة طالما  الدكتور ازهري والاخ ياسر هم ربان  سفينة المنتدى حتما سيوصلوها الى بر الامان...

عوض السيد يكفيني وقفتك الرجولية مع الاستاذ عوض شقيقي الاكبر ايام مرضه بل وفي كل الايام....

أولا رمضان كريم عليك أخى فيصل خليل واعتذر ان فات على رد المباركه فى حينها ولا شك دون قصد.
أخى العزيز محمود....... هذه مشكلتى عندما تثار حفيظتى لكن تأكد اننى رجل عاطفى من الدرجه الاولى.
تفاجأت طبعا بانزعاجك وقرارك بمغادرة المنتدى ولم أرض لنفسى ان اكون سبب سفرك لذلك بادرت بالاتصال عليك وطبعا اخذت الارقام من ابوعلياء وابو الزهور ولحسن حظى لم تخذلنى رغم انى اصريت على المدام تصحيك من النوم....... المهم انا زعلان جدا وجات كدا انت اقبلها وكويس انك قبلتها بعقل كبير وخلى الباقى للايام.


                                                  ,,,,,,,,,,,,,,
                                                    
                                                                                       ابو الزهور سامحنى

ياحبيب نحن اخوان قبل كل شئ واذا لم نتحمل تصرفات بعضنا البعض مين حيتحملها؟؟؟ انا اخطئ وانت تخطئ وزيد يخطئ ويجب الا يكون الاعدام هو حكمنا الاخير لهذا الخطا00 واذا بحثت في الحقيقة لن تجد هناك خطا واضح بل هناك عدم فهم للامور وتسرع في التحليل
اشكرك اخي الصغير عوض السيد وساتصل عليك بعدما نصلي التراويح واتمنى لو تجيب معاك عوض منصور وتجونا في العشرة الاخيرة من رمضان... تحياتي

اكرر شكرى اخى محمود وزى ما قلت ليك هى جات كدا والحمدلله عدت على خير وما دار بينى وبينك فى التلفون يؤكد لك ان الحصل كان ممكن ما يحصل لو الناس قدرت اساس العلاقه المتينه التى كان قوامها حب لدرجة محاولة التطبع....... وبرضو خلى الباقى للايام

والله العظيم وأنا صائم ... قرأت مداخلاتكم الرائعة وبكيت ...نعم بكيت وحتي الآن دموعي لم تقف ...ومديري العام يقف على رأسي ..ويسألني مالك ؟... وقلت له مافيش شئ .... وسكت ...

 نعم نحن إخوة ويجب أن تتسع الآفاق ... ونحتضن أخوتنا الغالية ... ولا نفرض فيها لأن هذه الدنيا زائلة وفانية ...

 أبو إبراهيم  المعلم ...وهذا يكفي ..وأرجو أن نتجاوز كل ما يباعد بيننا ... أخي محمود دائماً كبير واليوم كبرت في نظري أكثر .... آه ماذا أعمل لدموعي !!؟؟؟

العمدة فيصل يكفيك فخراً قلبك الكبير الحنين ... وأعرق أنك تعتبر اي شخص من أبوجبيهة أعز عزيز لديك وأعرف تواصلك مع الناس في الأفراح والأتراح ...وأعرف أنك كبير في أفكارك ... وهذا يكفي ...

والتحية للغالي جامع  الشمل : ياسر .. وزهرة المنتدي أبو نوال ولكل أعضاء المنتدي الإعزاء دون فرز ....

  وتفضلوا بقبول محبتي ....

شكرا جميلا .. عوض السيد أختا الرياضي

هكذا اعزائي فلتكونوا كبارا كما عرفناكم
عزيزي العم ازهري الحاج وبقية العقد النضيد ارجو ان تسمحوا لي ان احي الاخ العزيز عوض السيد على حديثه الواضح عن المنتدى ولكن اقول له ان هذا المنتدى هو دارنا فان لم نصلح دارنا وهجرناها فمن يصلححها عودا حميدا استاذي العزيز وهاهي ابوجبيهة تبكي بنيها بعد ان هجروها فهل نكررها في المنتدي ؟
لكم العتبى اعزائي على دخولي ملعب الكبار )توووش ساكت ) ولكم الود
تحياتي

ليس الشكر جميل ولكن انت الاجمل بحكمتك وسلوكك تجاهنا جميعا يا جميعا يا ابا الزهور يا جيد ولا اعتقد ان تأبى مخيلتك بتفسير مفردة جيد هنا وانت ابو المفهوميه.
ابوعلياء يا زاهد العواطف لا تسكب الدموع والكل يعلم نظافة ثوبك.
شاذلى شكرا على الكلمات الرقيقات ونأسف لازعاجكم.
خالد صورتك تكفى يديك الف عافيه.
فيصل أسأل محمود وازهرى عن ما دار بينى وبينهم وكيف انفتح الباب للشيطان على مصرعيه ليدخل ويفعل فعلته واشكرك كتير للحكمه التى تعاملت بها.
محمود اكيد ازهرى لغى محاسبتك

دكتور ازهري... ارجو ان تبلغ الدكتورة احسان بان الاستاذ عوض السيد عاد الى المنتدى لانها والله يشهد اكتر واحد في المنتدى كان بيسال عن عوض السيد واكتر واحد كان يدعوه الى العودة وفي النهاية تعبت و ملت من الطلبات المتكررة

الشاذلي الظريف انت اكبر منا كلنا ومن حقك ان تدخل توش واكبار الانسان ليس بعدد السنين اشكرك حتى تثتغيث


شيخ خالد كل يوم تكبر في نظرنا الله يحفظك


تحياتي

القال ليك منو .. والله أحاسبو جنس حساب  ..  قال هو أصلا ما من أبوجبيهة .. لمن يثبت ذلك بعدين في كلام