هدية من اخوكم الطيب محمود (الجمل)

 اعزائ الكرام جاتنى رسالة من اخي الطيب محمود ومعها صوره نادره جدا لعلكم تعرفونا باصحابها ولكم الشكر 

وارفق الصورة مرة اخرى

تحياتي

تُشكر اخوي عثمان محاولة مقبولة ...ومنتظرين اخونا ابوساره يذكرنا اهلنا 

هههههه اخوي الافكاتو  انت شكلك كده حتاخد الجائزه حتى ولو مشففنك

حقيقي يا استاذي الازهري  ملامح جدي محمود واضحه الله يرحمه ويغفر له

مشكور استاذي عوض السيد ونشوف الجماعة يقولو شنو تخمينك صحّ ام خطأ

عارف ياخال فضل لاحظت في كُل اهلي بامدرمان يعرفون اصحاب البيوت الثلاثة فردأ فردأ وحتى الاعمار ويحكون عن ناس ابوجبيهة وطيبتهم وعرفت معلومات كثيره جدأ منهم عن ابوجبيهه واهلها ..ياريت يعود الزمن القديم

تحياتي للخالة نفيسه واكيد حيكون محتفظين بزكريات كثيرة  حفظهم الله

ههههههه  يا اخوانا انجدونا شوفو كلام اخونا الافكاتو ده صاح ولا خطأ, 

أبو احمد ارجوك اسأل لينا عمو هاشم يورنا الاسم ده صاح

تحايا

تسلم خالو فُضل وربنا يرحمه ويغفر له ,بتزكر اخر مره قابلته في زواج لبنى بنته لزواجها لعمنا ابن البرشوتي جيران ناس عمو بشرى في كوستي حي النصر المهم يونس ولدي وابوه كانو محمومين وقاعدين معاه في غرفته والمفروض نحن من الحفلة  للمطار نرجع وانا ما باقي لي اخلي الحفلة بمشي ارقص واجي اطمئن عليهم وقمت قلت لي ابويونس ولو انت تعبان ما نسافر وقام جدي محمود قال لي يا بت بطلي عفرته قولي عايزه تتمي العرس قلت ليه صدقت ياجدو قال يابت انتي طالعة على منو عفريته كده قلت ليه طالعه علي جدي محمود الجمل وشال عصايته من جنبه كان عايز يضربني وهو بيضحك الله ييرحمه ويغفر له

استاذ ازهري اانت تكون قاصد عمو معاويه النور اخو عبدالعزيز الكبير لان عبدالعزيز في عمر ناس نوال اختي الله اعلم يكون معاهم