لبت البلد

في البداية تحياتي لك ولكل الاهل والله مشتاقين ليكم كتير وربنا يجمعنا معاكم بالسلامة ؛رداً لطلبك هذه الابيات لكن ياحبذا لو تشجعتي من هذا الكسل وسجلتي في منتدانا بين اهلك تكوني ماقصرتي انتي خايفة من شنو؟ الكويسة انو مريحة نفسك لا مع مريخ لا هلال0
ليه الدمعات:
عيـــــــــــــــــــــونك انتِ ماخلقوها للدمعات
ولا خلقوها تتعذب000 عيونك انتِ دييل بالذات
عيونك انتِ ربنا صورّن حلوات
خلاهن شبيه الفي الجبال واردات
محطات ريدة للعشاق تسلّي تهون القاسيات
مرسي ومأوي لي زولاً مشّتت تايه الخطوات
إلهام شعري لي عاشق فيها يطوّع الكلمات
لحظة سعيدة لي الفي عمرو ماعاش أسعد الكلمات
بسمة ريد في وجه حزين زمن ماطلّنو البسمات
رحلة شوق في جواهن
سماحة الدنيا دنياهن
عيونك انتِ ما احلاهن00 ليه تعليها بالدمعات
عيونك انتِ بس خلقوها للنظرات
تعاين تفّرح المحزون
تداوي البي سنين ممكون
تدخل في القلب جوة وتسجل قووووووووون
تضوّي في ضّلمة الضّلم عليهو الكون تكون شمعات
ماخلقوها للدمعات
عـــــــــــــيــــــــــونك انتِ يالناعسات
طـــــــــــبيعي مكحلات واسعات
خِــــــــــــــــــلقة ربهن ضاحكات
حرام تعليها بالدمعات 000 وتملي عيونا بالدمعات
كـــــــــــــــــــلامن ريد وهن صامتات
دابا حواجبن هالات
رمــــــــــــــــــــــــــوشن فوقا مرخيات
جزيرة احلام وسط قيفين يقاسن هوجة الموجات
حرام يتبلو بالدمعات
حرام يتبلو بالدمعات
تحياتي,,,,,,,,,,,,,,,,,,

تسلم ول نويه ولله كلك ذوق بس......(طبعا عارف) لكن نحنا هنا بنرحب ببنت البلد,وبنقول ليها اتفضلي طوالي الدار واسعه وعامره باهلها الطيبيين فمرحب والف مرحب ببنت البلد

وعيونك ديل أمسكيهن وخليني النروح نفكا من شبكة عيونك ديل.

عيونك زى سحابة صيف تجافى بلاد و تسقى بلاد

و زى وطنا وكت اشتاقلو ارحل ليه من غير زاد

لك و لها كل الحب.

تحياتى