اسبوعان

***

متوجه الي القاهره لمدة اسبوعين واحتمال الي مدريد

تمشى وتجى بالسلامه ايها الحبيب.

ربنا يوديك ويجيبك بالسلامة وما تنسي حفلة ستونا السودانية في دار الاوبرة في القاهرة ماتفوتك

مشكورين ول نويه واستاذي عوض السيد.
ومن ضمن اسباب الزياره توطيد العلاقات الازليه ما بين الزمالك وبرشلونه
و سيد البلد

موفق يا أبو أحمد.

وماتنسى تفاوض ميسى لفقيد البلد لانو قال نفسو يلعب جنب فييرا.
والله قصص يا اب احمد

بالسلامة أب أحمد ...وعليك الله زي ما قال عوض السيد أغشى معاك برشلونة وقول لناس برشلونة جمال الوالي دا كان قدم ليكم دعوة عشان إفتتاح إستاد المريخ وما جيتونا والفيكم إتعرفت ؟؟؟ تذكر كان مزمل وجماعته لاخمننا بـ "سمحة المقدرة " الوالي يدعو برشلونة لإفتتاح إستاد المريخ"

ابو الشوش والله تعليقاتك دايما ضربة معلم...... ما تخاف جية برشلونه من ضمن اجندتنا بس خلينا باكر نقفل ملف ناس برجلونه ونلملم اولادنا الجداد(بضم الجيم) الحايمين بره ديل والود كاربونى يشيل نفس شويه بعدين بنعزم برشلونه بمناسبة تسجيل روبينهو البرازيلى....... مقدره ولا ما مقدره

يا أبو إبراهيم كاربوني دا يلملم شنو ومن وين !!! الفريق نصه معوقين ومكسرين ...طمبل معوق وكلتشي كتفه مخلوع و 2 أصابعهم مكسوره التقول جداد (المره دي بكسر الجيم غايتو... وانت كان داير تضمها على كيفك) والعجب دا خلاص على ما أظن(This is the end of his career as a football player) ......... تحياتي

طمبل وكلتشى ديل خلى فى محلهم موبوتو ولدنا وايداهور.
العجب نحن بنعترف انو انتهى انتو بتعترفو انو نمره 8 بتاعكم متوفى اكلينيكيا.
وكان ما واقع ليك كلامى شوفو بكره بكون تائه كيف.
طبعا باكر سيتم اغلاق ملف الفقيد المدعو سيد المقبره التى دفن فيها.
نتفاهم الاثنين الصباح

والله يا أبوإبراهيم ... إيداهور دا الوحيد الفيكم .. قاعد يوقف قلبي لما نلعب معاكم ... لا بندقا ولا بفتر ولا بيقع ...بعدين حايم الميدان كلو يدافر ويقالع تقول مسجلنو بـ 30 مليون دولار .... لكن في مباراة التلاتة دي قدرنا عليه ... !!!

يسلم قلبك يا ابو الشوش. انت غالى وعزيز لكن المشكله موقفالقلوب الاصلى موبوتو ولدنا نسوى ليهو شنو الا بعد كل مباراة مريخ هلال يركبو قسطرة قلب للارباب.
اتفق معك ان ايداهور مهاجم مرعب.
................................................................................................ عشت