ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

زغرودة فرح وماشاء الله بمنتدي أبوجبيهة 2014م

+3
أزهرى الحاج البشير
الجبالي
عثمان محمد يعقوب شاويش
7 مشترك

اذهب الى الأسفل

زغرودة فرح وماشاء الله بمنتدي أبوجبيهة 2014م Empty زغرودة فرح وماشاء الله بمنتدي أبوجبيهة 2014م

مُساهمة من طرف عثمان محمد يعقوب شاويش 11th يونيو 2014, 16:13

بسماحته وطيبته المعهودة وحبل صبره الطويل ، يخاطبك بأريحية ، مزيحاً كل الحواجز والسواتر بمنتهي الذوق والأدب والأخلاق العالية الفاضلة ، يشهد له الجميع بالذكاء والتواضع الجم ، نظيف الجوهر ، عفيف ولطيف وأخي أزهري يقول له شيخي .
 بل شيخنا كلنا ...
الطيبون للطيبات ...لقد تزوج بإمرأة طيبة جداً ...كريمة ...تقية ...ورعة ...تقيم الليل ، تصلي الفجر حاضر ولا تفوت صلاة الضحي . بشوشة تتفقد الجار وتمد له البطيخ في صحن ...وملاح الملوخية المفرومة في صحن ....وزلابية المغرب في صحن آخر ...وتتفقد سي السيد بكورة كراع عنقريب . وبعد صلاة العشاء مباشرةً تجد صاحبنا يتلفت ويكون أكثر حرصاً في التأكد على الكورية المغطاة موجودة . خربتي لينا طبع الرجل ....
ألم أقل لكم أنها بنت أصول ، وبطيبته وسماحته وقيامه الليل أكرمه الله ....وبدأنا في الطلبات ...نفسي في سلطة روووووب بشطة خضره ، وبكرة عاوزة لي كورة نشا حامضة ...وفرح شيخنا وفرحنا معه وماشاء الله مرت الأمور بخير ...وجاء الشهر الثامن وللإطمئنان على الولية الفنجرية حلاوة لبن .... وبطيبة ومعرفة أهل السودان وأن الولايات لا تحد ولا تفصل بين أبناء البلد الواحد وخاصة في بلاد الغربة ...وبنخوة وشهامة أبناء دارفور وتقديراً للأستاذ / الفاتح محمد توم ، ومعزةً لأبو الدكتورة سماح فضل ...لأنه زميل دراسة الدكتور ...وحباً في والد الدكتورة نوال بت أخونا أزهري الحاج البشير، أصر الدكتور / آدم إسحق إلا أن يتابع الحمل بنفسه . وتم تنويم الغالية بمستشفي الدوادمي ، ضاحية الرياض .
ولمدة شهر كامل وقبل أن تهزالطيبة الأصيلة بجذع النخلة ، رفع توحة الراية البيضاء وعرف أن الله حق ...تجهيز الحلوين للمدارس ...وكنس ومسح ...وقطيع بصل ودموع .....
وقد غاب الفاتح عن المنتدي غياباً حقيقياً . إنشغل تماماً ما بين المستشفي وشغل البيت ، ودوشة المدرسة وما بين التوفيق مع الشغل وتأمين لقمة العيش .
كعادته لم يخبر أحد بل تحمل كل الظروف وفي صمت كامل . وبعد كل عسر يسر ...وجاء الفرج وردد الآية الكريمة : إني لأجد ريح يوسف . وقد  رزقه الله بمولود . وفرح فرحاً  شديداً وقد فرحنا اليوم معه ...وإكراماً لصهره والد زوجته ...وخوفاً من زوجته !!؟؟ أطلق عليه إسم عبدالرحمن . وخير الأسماء ما حمد وعبد .
أحلي التهاني وأجمل الأماني بمناسبة قدوم عبدالرحمن وأسأل الله أن يكون من الذين يشار لهم بالبنان . وألف مبروك توحة .
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف الجبالي 11th يونيو 2014, 16:21

اللهم اجعله بارا بوالديه واجعله من علما الامه وانفع به امة محمد صلي الله عليه وسلم وامد الله في عمر والديه وعمره

الجبالي
نشط مميز
نشط مميز


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف أزهرى الحاج البشير 11th يونيو 2014, 16:57

مبروك لك ياشيخنا عبدالرحمن وحمدا لله على سلامة بت غندور .. إنقطعنا عنك وأنت مدروش ولكنك دائما في القلب والخاطر .. آه لو بس في الدنيا في عشرة زيّك لكان المكان أجمل ............... زين عالم جميل .. شكرا أبا علياء ولا يعرف قدر الرجال إلا الرجال ...
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف محمود منصور محمد علي 12th يونيو 2014, 07:52

زغرودة فرح وماشاء الله بمنتدي أبوجبيهة 2014م 13590647221

زغرودة فرح وماشاء الله بمنتدي أبوجبيهة 2014م 13590647221


<br>
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف الفاتح محمد التوم 12th يونيو 2014, 17:52

الغالي تمر الســــــــــــــــــــوق ....... عثمان شاويش 
صراحة ما اقدر أجاريــك في هذا  النظم النثري الرصين الصادق ......
شعوري لايوصف  ...... وإنتـــا ترفع الســــماعة سائلاً عني
وعن سر الغيــاب ... تثبت لي دوماً بأنّ إحساسك بالأشـــياء عالي الجودة ... ....... ولا أود أن أقصم ظهرك في هذا البوست .....
مبرووك عليا وعليكم جميعـــــاً ....عبدالرحمن ....
وذيما قال حلنـــقي 

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن 
غلاوتك عندي مرة تهون
...................
وطبعاً يا استاذ عثمان ............. البروف / ادم اسحق    زميل استاذنا العزيز " شـــيخ الطلاب - الفضل الحاج "   ... في الفاشر الثانوية ..... وسبحان الله هو الان معي وقال ............. وكمان واحد إسمو ( عبدالمنعم ) .....
وفي الجامعة مع أحمد الضــو كرنكة ..... لمدة تيرم في كليـــة الطب .... ولكن كرنكة حوّل الى لغـــة إنجليزية واصبح  من مجيدي لغة الخواجات وعلم ..وكما تعلم كان في السلطنة .....وبقية الاطبــاء و الطبيبات كل له قصـــة...... ماقصروا بخيمة السودانيين ضربوا أروع الامثال كعادتهم ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف الفاتح محمد التوم 12th يونيو 2014, 18:41

استاذنا العزيز أزهري الحاج البشير .............. نعم في الخاطر ..... لكن ليكم وحشـــة
وذيما قال حلنقي كمان .....
وانتا مافي ....الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانتا مافي
الزمن يصبح مظالم .....
و الحنيّن يبــــقى ظـــالم
وتمسح الاحزان عوالـم...
...........................  ومن عندي 
 ألله عالم ... ألله عالم

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف الفاتح محمد التوم 12th يونيو 2014, 19:58

ول أبّا محمد حمدان  ...الجبـــالي ............ عاطر التحايا لك وعقبالك ...
لك التحية 

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف الفاتح محمد التوم 12th يونيو 2014, 20:01

تسلم يا دبدوب ..... أقصد يا محمود منصور ...
يتبارك على الجميع ....
تحياتي للعيال  والى ست أبوها عاطر التحايا ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف Ahmed Murhoum 15th يونيو 2014, 14:23

ألف مبروك توحة .
Ahmed Murhoum
Ahmed Murhoum
نشط مميز
نشط مميز


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف يعقوب النو حامد 16th يونيو 2014, 19:45

الف مبروك المولود الجديد الفارس عب الرحمن
بس يا شاويش ماوضحت لين العروس بت منو
ولا الزوج منو بصورة واضحة
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف عثمان محمد يعقوب شاويش 17th يونيو 2014, 08:29

يا الأمريكي ...الزوج الفاتح محمد توم .....وزوجته (ف) عبدالرحمن غندور . وإبنهم الجديد عبدالرحمن . ووضعت بالدوادمي ....ومتابع الحالة بروف من دارفور زميل فضل الحاج وصديق لأبوالزهور ...أجيب ليك تلفون عمر البشير ...!!؟؟؟  معزتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف يعقوب النو حامد 22nd يونيو 2014, 21:14

كن كى كلامك زين يا ولد الشاويش الله انطيك العافية بس بدور منك اللكيدة ولقيتا عندك. مبروك الفارس الزين ومبروك لى امه و ابو المؤصل ماك نفو 


صراحة يا ود الشاويش كلام الكورة دا عجبنى حار. عشان كى بدور اوريك قصة الكورة بين الولد الصغير وابوه .
المرا  سوت كورة حلبة باللبن وختتها جنب كراع العقريب. والولد براغب الموقف وعندما اخزها الاب ليشرب منها. قال له الوليد  لبلب يعنى اللبن. قال له الاب كان داير لبلب امشى عرس ليك مرا. اتملحس الولد الصقير ونام على بصلة. دى الكور الما بضوقوها لى زول. تحياتى
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

زغرودة فرح وماشاء الله بمنتدي أبوجبيهة 2014م Empty رد: زغرودة فرح وماشاء الله بمنتدي أبوجبيهة 2014م

مُساهمة من طرف عثمان محمد يعقوب شاويش 23rd يونيو 2014, 08:25

ههههههههههههههههههههههههههههههه   شكراً يا الأمريكي ... يعني  بتحرضنا عشان نلبلب ... طيب .

وأعرف أنك ذكي قالوا الغربة بتحرك الشرائح .......

معزتي .......


مرورك بطعم النسية ....
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى