رمضان كريم

أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة وبكل زخة مطر وبعدد من حج واعتمر أدعو الله أن يتقبل صالح العمل

تحياتي للجميع. بعد غيبه طويله اخوكم الحازمي

هل انت سوداني هل اكلت الكسرة باللوبة بتعرف تقلب الهوبة وعمرك شفتة راكوبة في يوم فلقوك بي طوبة لبستة الجبة مقلوبة حضرت العرضة والنوبة بتعرف حبوبة وكت تمرق سعن روبة لعبت شليل شليل وين راح عضم با لليل عضم وضاح جهالة غبش نفتشو صاح ونلعب يومي ما بنرتاح بتعرف تمشي كداري تسوق العجلة سداري وتركب في الحمار جاري تشوت الكورة ضفاري هووووي يابنية قشي الحوش ومشطي شعرك المنكوش وخلي البيت دوام مرشوش وفرشي في البرندة بروش وكت حماد قعد صنقر وحلب البقرة واتحلر وقال للكلبة ابعدي جر كدي اشرحلي قولة عر معاها الدوكة البتخلع فر ادليت عقرت خدار ود حشك فر منك وعار وحشيت في الجنينة عدار وغنيت في الفجر مسدار اكيد ما بتعرف الزغرود ما جربت ضرب السوط ولا غننلك البنوت ولا غنمك رعن حنتوت اياديك  ناعمة ماخشن ولا جربت موية الشن وما قفيت غنم طشن لقيتن في الخدار خشن  هل شركت لي طيرة وشركك قام قبض غيره وكان ديك عمتك خيرة وترقد صوف وفريرة بتحضر مولد المختار وتسمع للمديح بالطار والدرويش لف ودار ونلف برة نحن صغار في يوم قرقرت زمبارة حضرت الحفلة في الحارة وبا ربت ليك طلمبارة سمعت الدنيا دواة تعرف اللبقة والتربال شال طوريتو راس المال وحزم التكة والسروال وقال لي ارضة جوكي رجال خروف مضبوح عشان الضيف وجة مطروح صدوق مازيف خصالن تتعب الوصيف وكان واصلت ماحا قيف الما بعرف معاني  وطعم الكلمات دييقول يا دنيا عليكي السلام لانو فاقد طعم واقع كان جميل

مشورعزيزي الفاتح علي المداخلة الرائعة بطعم الكسرة الحارةة
وتصوم وتفطر علي خير
مع خالص ودي