كمبال عبد الرحمن ابراهيم

نرحب بالاخ الكريم كمبال عبد الرحمن ابراهيم
نزلت اهلا وحللت سهلا والف مرحب بك في دارك الثانية ووسط اهلك واحبابك ونتمنى لك اقامة طيبة مليئة بالمساهمات وكلنا عشم في انضمام الاستاذ منتصر وحسين رد الله غربتة
..............دمت

مرحب بكمبال عبدالرحمن إبراهيم ... وفرحنا كثير لإنضمامك إلينا والف مرحب بشخصك الغالي ...... محبتي .....

تأخر كثيرا كمبال منذ ان عرف بهذا المنتدى.

لك التحية و الف مرحب بك بين اخوانك و نتمنى لك وقتا ممتعا.

تحياتى.

الف أهلا وسهلا الاخ العزيز كمبال عبد الرحمن ويمكننا القول أن المنتدى يزداد تألقه بإنضمام ايأخ عزيز ونتمنى لك إقامة طيبة(في المنتدى طبعاً)
مع خالص تحياتي

مرحب بالعزيز كمبال عبد الرحمن ابراهيم النمير شقيق زميلى وصديقى الحبيب حسين عبد الرحمن.
منور يا حبيب

مرحب بكمبال ...المنتدى منور بيك ... ونحن موعودون باشراقاتك ..حدد لونك ياازرق ياابيض...
عمك فضل

الفضل الحاج......... الراجل لونو حميدى من سلالة الناظر عبد الرحيم راضى.... بمعنى انو ابن أخت دكتور القونى وبالتالى فهو صفوه بلا شك.

حبيبنا عوض السيد الكورة ما بتعرف الانساب والايام دي شايف عمنا الدكتور مستاء من الوالى اقصد جمال الوالي
يعني قريب ويدخل في حب الملايين

ابن عمى طارق دكتور القونى المريخ جارى فى دمو.
أذكر مره طرفه حكاها لى الطيب ود الناظر(الدسكى).
القونى قال للرشيد بدوى عبيد انت رجل ما وطنى لانك فى المباريات الخارجيه لما الهلال يجيب قون بتكورك كواريك شديده وبتبين فرحتك مما يؤكد هلاليتك وانحيازك للهلال مع انك وقتها مفروض تتعامل بوطنيه........ فقال له الرشيد أبدا والله انت كدا ظلمتنى ......وانتظر المريخ الاسبوع الجاى لاعب كوره افريقيه بره وتشوف لو جاب قون أنا أععمل شنو....... بالفعل لعب المريخ ولما جاب قون الرشيد فى الاذاعه صرخ صرخه قويه جدا وقال قوووووووووووووووووووووووووووون يا قونى.
هذا هو القونى يا ابن عمى

صحيح يا ابن عمي
ده كان وكت المريخ كان مريخ زمن حموري والدحدوح
لاكين اليوم القوني زاتو لمن يحب اقول جمال الوالي بتذكر لاهاي

رحم الله أخانا الشهم الكريم الرشيد أحمد عبدالصمد (أب ضراع) كما يحلو لدكتور القوني تسميته وكما يحلو لأخينا الرشيد ان يسمي دكتور القوني أب عيسى التور الضالع وكلاهما مريخاب على السكين واليكم القصة كما حدثت:
في آخر صيف عام 1978 وصل كرفس عثمان خليل حتيلة من مغتربه بليبيا وكنا يومها بالخرطوم وكانت هنالك حفلة عشاء مدنكلة ستقام على شرف عثمان خليل بفندق الشرق بالخرطوم وتصادف يوم الحفلة لمباراة هامة دورية بين المريخ والتحرير والمريخ لازم يفوز لكي يبقي على أمله في البطولة فالهلال يتقدم المريخ بثلاث نقاط وله مباراة واحدة متبقية أمام المريخ ويومها كانت نقاط الفوز بالمباراة نقطتان وليست ثلاثة وتبقت للمريخ مباراتان فلو فاز المريخ في المبارتين سيفوز بالبطولة فالتعادل في منهما سيخرجه من البطولة فأيضاً فارق الأهداف لصالح الهلال .. وحضرنا أولاً أنا والسر حسن الأمين للفندق حسب المواعيد ولم ندخل المباراة وجلسنا في المكان المخصص للعشاء وبعد مدة من الزمن ظهر دكتور القوني والأخ الرشيد ويبدو عليهم علامات الزعل ..القوني مولع سيجارة والرسيد نضارتو مع راس نخرتو .. وهمس لي السر بأن لا أسأل اي واحد خاصة الدنيا حر والجماعة عرقانين .. وأنا ما عارف النتيجة كان سألنا ووب وكان سكتنا ووبين ونحنا في هذه الحالة دخل عبدالعظيم بحر وعبدالمجيد الأمير وصالح الحاج وعابدين أبوزلازل والمحتفى به عثمان خليل وطبعاً عثمان خليل يحب المشاغلة وبعد السلام أحس أن الجو محتاج لكلام فقال لينا الجماعة ديل برَّدوا ولا لسه مسخنين فقلت ليه ليه ياعثمان قال لي علي سعيد بهدلهم وعلي سعيد من لعيبة التحرير ..علي سعيد بهدلهم والدوري طار والرشيد الله يرحمه بعاين لعثمان بطرف عينه .. خلينا نشرب وناكل.. وعثمان يقول أحسن تبرد ..هاك برد والقوني يضحك ضحك وجعة .
والله ياعثمان كماك ضيف الكلام دا تاباه....

يا سلام عليك يا ابو الفضل متعكم الله بالصحة والعافية
التور الضالع ماوال قابض على المريخ وبتطرف شديد