أين هؤلاى.

أين هؤلاى يا عثمان جاويش؟

معتصم مصطفى بابكر

سيف الدولة مصطفى بابكر

حامد حسن عبد الرحيم

غياب ثلاثتهم يترك كثير من علامات الاستفهام يا اخوان و واجبنا ان نظل نسال عنهم بالحاح.

نريد معرفة اسباب هذا الغياب؟

تحياتى

ياصباح الورد والجماااال .... الشعور دائماَ نبيل والإحساس متدفق ... لك تحياتي ... اولاً معتصم كلمني يوم الخميس 22/10/2009 وهو الآن في رحلة عمل وموجود بالأمارات ، اخي حامد ... معسل يا عمي بنجب العروسة بالأبيض الحلوة الجميلة ... وطبعاً اهلها عسل العسل ... بالطيبه والذوووق والأخلاق والقيم والمثل الحميدة .... وخلاص ممكن يتذكرنا 10% ولكن إجازته اوشكت ..إحتمال وصوله الرياض بعد 10 أيام تقريباً ... اما عن القندولي سيف الدولة .... فهو موجود بالرياض ...ولكن اعتقد ... توسعت اعماله وافكاره ... وعاوز ليه لكزه مانعه عشان يعرف نحن في اشد الشوق لثلاثتهم .... محبتي ...

الاخوان /عثمان جاويش وفيصل حتيلة
تحياتى . لفتة بارعة وجميلة ان نتفقد بعضينا وكمان بالمرة يا جاويش يا راجل يا عجوز ادينا خبر الاخوان / ابوكويع ودكتور حسن الحاج !!!!!


احترامى

أعذار غير مقبولة.............. إنتهى ................... المشرف العام
والله لو فضّل لي فوكها فرد ضحوية إلا أنزل فوكم حكمي زُت........... أنا أبوك آحسين

انا خايف العمدة يكمل فوكم سلطتة كلها بعدين الجوديات تقوم و تقعد.

ارجو ان توصل لهم هذه الرسالة

تحياتى

مداخلاتكم رائعة دائماً ... والعمده اليوم صرح ... والحكم عجيب وخطير ... فيادكتور أظهر وعاوزين نشوف إبداعاتك... وياعبدالرحمن ... منظرين طلتك البيهة .... ويابشير ... شنو حكايتك يعني أحسن ليك تمرق قبل ما الجماعه يقبلوا عليك .... وإنت يا فيصل أقعد ولع لي في النيرااان .... وبسؤالك عن حامد حسن ابشرك قالوا جا الرياض ولابد ليـــــه اسبوع ... طبعاً الراجل عريس ... وماعاوز يظهر طوالي ... بس قولوا ليه مبروك يا ابوحسـن ... ماشاء الله تبارك الله جاه ولد وسماه حسن وإنشاءالله يربي في عزو والف مبروك ... وتصدقوا كنا خفنا من الدجاج المبيت وربك ستر .... وننتظر طلتك يا ابوحسن... وعاوزين نعرف جبت معاك شنو من كردفان وداسيه ؟؟؟!!! تحياتي لجميع اسرة المنتدي ... محبتي ...

كلهم تحت طائلة القانون ...
برشم ...
جيب الول.

ناس فيصل خاضوها حارة وباردة
خلو المك زعل حالف اعقر الواردة
هلا هلا يا لبو الحسن حرم كان ما حكمتهم عفينا منك

صبحكم الله بالخير الاعزاء وحقيقة الاخوان طولوا الغيبة وانا ما عارف د. حسن الحاج حكايتو شنو وجد يا ابو الزهور ذكرتنا شخصيات محببة لنا جميعا فجدنا العمدة بابكر رحمه الله كانت له طرائف كثيرة وطبعا كانت المحكمة الاهلية في ذلك الوقت من المعالم البارزة جدا في ابوجبيهة ومن طرائفه انه كان يحكم في قضية مشاجرة بين حمدان وإحدى نساء حي الانجل حيث اشتكت تلك المرأة بأن حمدان شتمها فقام العمدة بالحكم على حمدان بدفع خمسة جنيهات غرامة فما كان من حمدان الا واخرج من( مطبقته ) ورقة فئة 10 جنيهات وكان مبلغا كبير في ذلك الوقت كدليل على عدم اكتراثه بالحكم وان الغرامة لاتهمه فأستفز ذلك الموقف العمدة فصاح في كاتب المحكمة يا ول اكتبن كلهن.
وياريت يأ ابو الزهور تحكي لنا المزيد عن شخصية جدنا العمدة بأبكر وعمنا العمدة حسين مع تحياتي الحارة لاخونا العمدة الحاج حسين مع امنياتي له بالتوفيق

شكرا فاتح وإن شاء الله لك ما طلبت عن قريب وعن قريب جدا...

شكرا على سؤالك يامنقستوأنا موجود بس ذي ماقال ادم بشيرحي كذا ميت غاطسين في دوامة الشغل الماعايز ينتهي دا!والله مالاقين وقت نتصفح المنتدى ناهيك من الكتابة لكن انشاء الله عما قريب نكتب لكم عن أيامنا الحلوة في الحباك لك التحية وللأخ عثمان محمد يعقوب وجميع الآخوان0 أبوكويع

ابكويع الوجيه ظهر انشاء الله ما يغيب تانى.
ابكويع ياخى كلنا مشغولين لكن ما يمنع تدينا طله.
............................................... عشت

الفاتح .... والله رجعت بينا بعيد ... واضحكتني شديد بنكة .... المقدم : حمداااان ... وماشاءالله راوي ممتاز ....وحاول انكت لينا واحده .... وجيـــــبـا لينا عشااان نضحك ...هذه الدنيا ما فيها شئ ... وكلما بعدنا عن الهم والغم كان انفع لنا ولصحتنا....محبتي....

العمده فيصل ... أنت راقي بذوقك وتعاملك ... بالجد هذا البوست كروعتك ...
أتمني من كل قلبي أن تعود أسرة المنتدي كما كانت ... وللناس أعذار ... ولكن الطلًة حلوة ولو للحظة...
والدنيا دي ما فوكا حاجه ... وتسلم ...

شاويش جاوب على السوال

الجماعه ديل فاتو وين

مالهم مقاطعين المنتدى

وين حامدونا ووين سيف ووين البقيه

أخي الحااااج غريق ... هوي غريق إتا خلاص بقيت حاج وتاني ولا تجلس مع عيييين ولا تشوف ليك عيييين لما تشوف ليك مرا ... إلا دنقر في الترااااب سااااكت ... ولاشنو أخوي ...!!؟
بالنسبة للشباب أعتقد هم موجودين بكثرة ...وفي إعتقادي أنهم يتابعون من خلف الكواليس ...والله أعلم ... محبتي ..