عوض السيد وول نوية

الليلة ما جانا سافر ليبيا خلانا
ابن عمي عوض السيد نشكرك على تواصلك الحلو لكن شايفك حايم في المنتدى وترحب بهذا وذاك وتبورح جاي و بي جاي لكن الحلبة شايفك ابيت ما تدخل فيها
وول نويه زاغ وهرب قول ليه حرم نكلم ليك الوالي يلحقق ام جليلي

ياطارق ألم تسمع أن عين الرضا عن كل عيب كليلة وعين السخط تبدي المساوئا.... هل أنت قاصد سوكرتا ... تعرف زي شهر 9 في سدرة اتكوكرتا ..وكمان وحلتا لا كالنج وصلتا ولا أبكرشولا حصلتا

الرائع دوما ابو الفضل
والله ضحكتنا كتير
الشباب المريخاب غلبن البيقولوه والدرب راح ليهم في المويا مع سركتا دل مش ابو كرشولا ديل وقفوا وقفت حمار الشيخ في العقية

الرائع دوماً طارق كمبال
خلي بالك الجماعة ديل يكونوا سافروا بورتسودان

تعرف يا فضل ترجع الرهد علي طول ومافي داعي للجهجهه

ول نوية يعرف حي العرب تماما ... ذلك هو الحي الذي ولد وترعرع فيه إبراهيم عوض ... وهو أيضا الفريق الذي لعب بالأمس مباراة فى الدوري الممتاز.

هلا بالشباب والله أنا قاعد ومالى الساحه بس الليله كنت مشغول شويه لانو فى واحد يسامحوا سرق انبوبة الغاز من بيتى وأثنين من جيرانى والحمدلله تم القبض عليه عشان كدا حضرت متأخر ولما دخلت المنتدى شايف الواطه خربانه والناس فرحانه فى شنو أنا ما عارف.
نحن كاس الممتاز دا فقدنا فيه الامل من مباراة هلال كادقلى الكانت فى كادقلى وبعدين ما فارقه انتو شيلو الكاس لسببين:-
1- انتو أصلكم بتاعين كاسات محليه رغم اننا الموسم الفات حرمناكم منو.
2-لأن فقيدكم الجريح عيشكم فى الاوهام ووعدكم بكأس افريقيا ولم يأتيكم حتى بكأس قد شربت بعلبك..... لذلك اقبلوها عطية مزين من صفوة البلد ..... ويا عينى ما تبكى ......... ممممممم ما تبكى.... خماسيه فى قلبى.
جاتنى رسالتك يا ابن عمى طارق كمبال لكن اسكت ساكت انا لابد ليك انت وعيال مراحك بنى زرقان

كيفك يا عوض ... شايفك بقيت تغني لشول .. ومتابع لنجوم الغد

حلوه يا ابو الزهور..... والله صدقو كل الذين أشادوا بمداخلاتك.
شول منوت له التحيه والتحيه للولد الاسمو النئيم ود حمد

فى المكتب وضحكت حتى خجلت من نفسي .. والله يا أبو السيد محتاج لأن أضحك منذ زمن.

وماني الكمكلي كان حّر الكّي بجر
أنا ود المك علي العّرس أفراح الشعب وخلى الشعب لافي صينية.

يا أبو الزهور أم درمان عريقة في الكورة ويبدو أن حي العرب لعب في أمدرمان ثم حول للثغر الحبيب
بس أنا خايف على المدرب الجديد ومان الحارس ملص ليه كورة ربك ستر كانت على جهة الزاوية وطلعت كورنر والله ياأزهري الكورة جد في السودان تعبانه مش مسألة مريخ والله أنا لو ملصت كورة زي دي منصور يسن وميرغني دقاقة يمرقوني من أبوجبيهة.

والله يا ابو الزهور انا لو لاقى طريقه أخليك تضحك 24ساعه عشان مزاجك يكون رايق طوالى وكدا بيزيد ابداعك بمساهماتك وانت اصلك زول مبدع الله يديك العافيه

انا موجود يا ول عمي كمبال ؛ بس كانت ظروف شغل وماشاء الله شايف الناس موجودة في كل محل تصول وتجول كتّر خير كاريكا الذي خدمته الظروف في الحمام وجاب ليه قونين وخلاهم يتكلمو ذي مادايرين وين الكلام ده قبل اسبوع نامل كل اسبوع كاريكا يجيب ليه قون عشان نطمئن علي صحتك ونشوفك ديمة متواصل يا عمنا العزيز بتاع قطر

يا حاج ابو الزهور انت بتعرف الكمكلي؟ والله لك التحية ولك علي ان احضر لك من البرامكة ما يسليك ان شاءالله
اخوي عوض السيد الف كفارة والحمد لله ربك سلم قف
بتعرف حركة مذبوح ما لو نشرب الكاس ببعلبك لكننا غيورين على ان لا يذوق مذاقه الاماجد وغيور
ول نوية شايفك كترت المبورحة انتو سبارة ممتازين لاكن صراعيكم نسل الوهن مخلبيهة وادمت منكبيه عواصف المقدور
التيحة لحبيبنا ابو الفضل دي تلكوكر في محلها لا ابو كرشولا وغيرو ما تصل
...........مع اكيد حبي

شكرا يا عوض وشكرا للشباب ............

والله ياطارق الجماعة نزعوا أسلحتهم ..تهردمت الأنياب وقلمت الأظافر ... وعوض روحه رياضية واقف في الدارة براه. إلا في زول ببورح جاي وجاي بقى زي سايق البوباي الاشارة جاي ولا جاي ... وفارس الصراع بجلب جوة الدارة .. إلا زولكو أنا مابلكلم إلا بعد المباراة وكل مرة المباراة وشها شين مابلقابل وزولكو بعرد. زمان كان عندنا سباري من النوبة أسمه بعشوم بسوي نيفة (فرجة) من حلاتها وتلقاه في الدارة لابس جنس شغاليت ..شي ضنب بعشوم وبرنيطة سعف وفستان مرة وزي شوكة الثواني في الدارة من يرموا ليه فارسين تلاته زولك بزوغ من الدارة. وبمناسبة بعشوم دي سأحكي ليك قصة عن سليمان البوخ (الله يرحمه) كان يكره في الدنيا شخصين كراهية الموت وهما فيصل خليل حتيلة وحسن الحاج البشير يشوف الموت ولا يشوفهم لكثرة مشغالاتهم له في السوق وخارج السوق وبخاف منهم وله قولة شهيرة لفيصل ..فيصل أسنانه بها اللون البني الناجم عن قلة عنصر الأيودين ..قولته هي : الله يختك يا أب سنونا تقول مفقأ (مفقع) فيهن القراد... وطبعاً سليمان برغم الجبن كان يحب أن تشكره بأنه شجاع وفي يوم من الأيام اللبونج ود الجبل قدام دكان عبدالله بحر قعد يشكر في سليمان
1- الأسد الهدار .. وسليمان ينطط
2-النمر الفرار ... وسليمان يكرج في سنونه
3-المرفئيب الجوآر (الجوعار) .. وسليمان ينتفخ زهواً
4-كوروكورو حبل الواطة الجرار وسليمان ينطط ويتبختر
5- البأشوم (البعشوم) الهرار ..؟؟ هنا سليمان قال للبونج إنأن أمك ياود الحرام الملقوط وحينما فطن كان اللبونج فات بيت ناس عبد المجيد الأميرجرياً
طبعاً خدره بالأسد فالنمر وهكذا إلى أن صار بعشوماً له الرحمة فقد فاكهة من المرح بأبي جبيهة

لك التحية الفضل ورحم الله اللوبنج وسليمان ابوخ وكانت له صداقة مع صالح الحاج الا ان فيصل كثيرا مايعكر صفوه
ومن عباراته الظريفة يقول ليك: كلامك ده وجئني جوه قلبي’’

وله أيضاً طرفة أيضاً يذكرها الجميع وكنت حاضراً وذلك أيام كانت البيوت التلاتة تتناول غدائها في ديوان العم خليل حتيلة رحمه الله ...يا لها من أيام ... أذكر في ذلك اليوم طلب الخال صالح من سليمان أريزونا" أبوخ" أن يبقى ليتغدى معنا وبالفعل بعد الغداء جاء الشاي وأثناء صب الشاي لأذكر حسن الحاج أم فيصل خليل قال: بالله عليكم الله شوفوا الكباية دي بوخا يلوي كيف !!! وهنا نهض سليمان ووضع كباية الشاي وهمّ بالمغادرة ؟؟؟ والخال صالح يسأل فيه مالك يا سليمان في شنو يا أخوي (طبعاً الخال صالح يعلم بالسبب)؟؟ فرد :"ما في شئ إلا الجنا المخوزق دا طقعني بكلمة وجئتني جوه قلبي دا" ... وإنفجر الجميع ضاحكين

بالمناسبة يا عوض السيد ول عمي انت عارف كاريكا ده الله ماجاب يوم شكرو لانه باقوانه الجابا في حمام الشرق دييل خلا اعمامي كدة يظهرو باستمرار وهي عادتهم طبعا يظهرو الا في مثل هذه المناسبات ؛ وشوف بالله اليوم ذكرونا بالبلد والصراع وجابو لينا الشخصيات الظريفة التي تركت انطباع جميل مازال في نفوس اصحاب الحكاوي وانا اتمني كل مرة الظروف تساعد كاريكا في الحمام دييل عشان اعمامي يحكو لينا القصص الجميلة دي لان جرابهم مليان بالحكاوي الحلوة دي انشاء الله يا رب مانعدمهم

الصراع الليلة تحت ما فوق يا ول نوية.

اليوم السبارة مافيشين تعال ساى

الفريق اللعب ضده الهلال حمام ميت واللعب ضده المريخ حمام....شنو يا ول نووووية!!!

حّمام الأنف ................... وهو فريق تونسي ولا شنو يا ول نوية
وممكن يكون حمام بحري ............. وهذا إسم عائلة بمدينة الدويم

الجماعه خليهم يضرعو جرحهم لسه لين.
أما فضل ما شاء الله عليه انت بس كشكشو الراس مليان وكما بجميع اللغات اولاد حميد.... كنانه....... فلاته ........ وما تخاف مئاك مؤلم

بحري مليانة حمام وناسا شبعانين ومرتاحين لكن الكلام في ناس ام درمان الحمامهم الدفنو خمس مرات دييل

الرائع ابو الفضل
ناسف على تاخر الرد والله البوخ قايتو اتقطع في اخونا وحبيبنا فيصل
ولامن المسكين وقع في السم القدر غداه استدرجوه من الاسد الهدار والنمر والمرفعين وابو كروكرو لكن في النهاية شايفو دق جرس
اخواني التانيين الشباب المريخاب والله شوقنا ليكم زاد حبة
والايام بينا
عوض السيد رسل لي رسالة قالي عندي ليك مشوار الى الحارة الخامسة ما مشكلة انا ماشي ليك لكن يكفينا فخرا انو ابو الزهور دستوره نازل في خرطوم تلاتة
مع حبي

سلام اخوي انت كدة أسالك في واحد كدة اليوم مالو ساكت كدة لا كفت لا جاب حجار ؛ تشانا بي بخور ام التيمان الصباح ولزم الصمت ؛ اتشو ليك بي عويش ولا اخليهو لغاية بكرة؟

خليهو لى بكرة يا ول نوية .. ول كمبال أنا ما دستوري نازل وبس أنا مكتول فى الخرطوم تلاتة سكنت أجل أيامي فى الخرطوم تلاتة وحبيت تلاتة ودرسّت بنات تلاتة وأموت فى تلاتة وبكرة الخريف بجي ونديهم تلاتة ...

خلى يا ول نويه جماعتك هراشين ساكت.
بكر من الصباح قنطرو وأخوك بشوتو

والله التحية لصاحب القلم الازرق والبحب تلاتة
التحية ليك يا العمدة المك