تهنئه

رزق شقيقنا الأصغر معز ابراهيم عوض السيد فى الساعات الأولى من صباح اليوم بمستشفى ابوجبيهه بتوأم (ولد وبنت )وهذه باكورة انتاجه.
نسال ان يحفظهم له ويعينه على تربيتهم

مبروكييييييييييييييييين ويربو في عزكم والله يحفظ ...تحياتي وتهانيَ للجميع

الف مبروك للاخ المعز بالقمرين النيرين و اسال الله ان يبارك لكم فيهما و يجعلهما من ابناء الوطن المخلصين البارين بوالديهما و اهلهما . وانت يا حبيبنا الغالى عوض السيد اخبارك شنو عايش وين و كيف الحياة معاك , طمنا عليك ايها الرجل الطيب ابن الرجل الطيب ابوى ابراهيم عوض السيد الذى كانت له معزة خالصة فى قلبى و اتذكره كلما وجدنى كان يمسكنى من اذنى و يمسح بيد حانية على راسى و يسال كيف اخوى عيسى ود الفقير , فانت يا عوض السيد باجتماعياتك المعروفة شبل من ذاك الاسد.

مبروك ليكم جميعا عوض السيد وربنا يبارك ويزيد وتهانينا للمعز والجد إبراهيم الحكيم.

تهانينا لكم جميعا ال عوض السيد وربنا يجعلهما غرة اعين لكم

الف الف مبروك يا ابوعويض للشباب وجعلهم الله من حاملى لواء الاسلام
واكيد ما حتخذل ناس المنتدى وتقوم تتبرع ليك بى تكلفة بناء واحد عنبر فقط بالمستشفى واصلك انت من زمان ود اسبتالية وكمان مغترب وعم التيمان وعشان العنبر زاتو نسميه (عنبر التيمان) ولا رايكم شنو يا احباب ؟؟؟؟؟؟؟

ماشاء الله والف الف مبروك اخونا المعز وانشاء الله يتربو في عزك وعيني بارده علي التوءم الحلوين.

ألف مبروك اخى عوض السيد التوأم وجعلهما الله من البرارين لوالديهما وحفظهما ربى وعقبال عند ود الزين البدرى وياعوض سيد النقر عنده نكتة ظريفة جدا عن اخى المعز وتاخر الانجاب عليك اساله عنها ربى يحفظهما ويبارك فيهما والف مبروك للاسرة



ابو تبيان

التهاني والأماني فمالمعاني والمغاني ...اهديها لآل عوض السيد عقد جلاد ... والف الف مبروك التوأمين ... ويربـــــو في عزكم ... ونسأل الله ان يكونا من ابناء المستقبل البارين بوالديهما والوطن ... والف مبروك ...اسمع ياعوض لو سمعت كلاااام ول منــقه ده بورط بعنبر ... إنت قول ليه اعمل إنت عنبر اول وبعدين انا بعمل عنبرين ... وبهذه المناسبة تقبلوا تحيات ضابطنا وفارسنا فضل السيد جبريل إبن ابوجبيهه البااار قال لي قبل ساعتين من الآن ...نحنا الآن في طريقنا لإجتماع بخصوص مستشفي ابوجبيهه ... وببلغكم تحياته ... وربنا يوفقهم جميعاً ....محبتي ...

دي بشارة وتستحق المكافأة عليها وان شاء الاجتماعات ما تكتر

تهانينا الى ال ابراهيم عوض السيد وربنا يحفظهم ويجعلهم من ابناء الوطن الصالحيين

شكرا أهلى الطيبين والله قربت أبكى وقربت أضبح ليكم فى المنتدى لكن عليك الله يا احسان زغردى ليهم الناس الفلته ديل..... الله يحفظكم كلكم يارب.
أخوى محمد عيسى أنا بخير وموجود بسلطنة عمان من سنة 1997م ومعى أسرتى الصغيره الحمدلله ولدى 3أولاد واحد منهم خاطب بنت معز الجات أمبارح دى.
الحبيب تجانى سأتصل بالنقر لسماع النكته.
جنابو المنقاوى والله ابوجبيهه تستاهل كل شئ والله يقدرنا لنرد لها بعض الجميل
شكرا لكم جميعا اخوانى

الف الف مبروك لي معز. و لكل ال ابراهيم عوض السيد. هذه الأسرة الكريمة التي تشرفت بمعرفتها عن قرب بواسطة الأخت الرائعة اميرة خلال فترة عملنا معا في التأمين الصحي. فكانت نعم الأخت و العم أبراهيم و الخالة وداد و بدر الدين و معز.
بالمناسبة مبروك لي مازمبي الفريق الشقيق الفوز بكأس ابطال افريقيا
و عقبال لمعز المرة الجاية خمس توائم

شكرا يا دكتور دا من طيبك واحسانك

الف مبرووووووك لاخي وصديقي العزيز جداً معز واسرة آل عوض السيد وانشاء الله يحملو الراية الكبيرة التي اسسها لهم جدهم ابراهيم عوض السيد
ب

ألف مليون مبروك أخي عوض السيد نسأل الله يجعلهم قدم سعد وهناء و سعة رزق لوالديهم وأن تقر بهم أعينهم.. ويرزقهم برهم ويبارك فيهم ويعين كل من تعب من أجلهم.. والتهاني موصولة لكل آل إبراهيم عوض السيد..

ياااااااااا
(مي مي)
الف الف مبرووووووووك.

يا عوض السيد انت تجاني ده ما قال ليك اتصل علي ؟
انا راجيك ياخي ....

مبروك المولودين وان شاء الله يتربيان في عز الاسرة الكريمة

تهانينا لك اخي عوض السيد وللاخ معز لاعب كرة القدم الفنان وللاسرة الكريمة والتيمان يربو في عزكم وربنا يحفظهم

شكرا شباب على المرور...... سأتصل عليك يا النقر يا بنى زرقان أصبر لى شويه