بدرالدين النور

حاولت الترحيب بالإبن بدرالدين تحت البوست إدناه ولكني أعاني من مشاكل حقيقة منذ يوم الخميس ولعل مشكلة عوض السيد تم حلها على حساب حاسوبي المتواضع.

مرحب بإبني بدر الدين العضو النشط إن شاء الله ، وهو سفيرنا إلي قلوب أبناءنا الطلاب والذي يسعي حثيثا إلي لم شملهم تحت رابطة موحدة ............ لك التحية يا صديقي.

كما اسلفت لكم كنت أدرس بالجريف شرق المتوسطة بنين ... ووقتها كنت بمنزل العذابــــــة ... وكان يسكن معنا مدير مدرسة البناااات المتوسطة : الأستاذ / عبدالله الرجل الحبوب الطيب ... بحكي لي قال عارف الليلة ... لمادخلت المدرسة في الصباح سمعت طالبه تسب الدين في الطابور ... قال لي هجت جنس هيجه واحده ...وزعلت زعل شديد... وطوالي رسلت الفراشة قلت ليها ناديها لي الآن وبسرعة .... وبعد وصول الطالبه سألتها لماذا تسبي الدين في الطابور ... ضحكت الطالبه ... وقالت ليه لأ يا أستاذ إنت فاهمني غلط ... طبعاً كل يوم بنستفتح يومنا الدراسي بنكات ... وعندنا فنان بالجريف شرق إسمو بدرالدين وهو ما بعرف يغني وصوتـــو شييييين ... ولما يغني كل الناااس بتفر وتخلي الحفلة ... وأخيراً بدرالين إعتزل الغناء ... ولما صديق بدرالين عاوز يعرس ... بدرالدين قال ليه انا بحي ليك الحفلة وبغنب ليك ...قال ليه عليك الله يا بدرالدين ما تغني وتفرر لي الناس ساكت ... بدرالدين قال ليه والله بغيرصوتي ولبسي ... والنااس ما حتعرفني ... وأخيراً العريس وافق ... وبدأ يغني وفعلاً في الأغنيه الأولي لم يعرفه أحد ... وفي الأغنيه الثانية وهي اغنية سيرة ... والوز عوااام ...دخلن الرقص ثلاث نساء ... ورقيص بالرقبه ومتقدمات الثلاث نحو الفنان والتي في الوسط زوجت بدرالدين ...ولما عاوزه تديه الشبال عرفتــــو ...قالت هييييي دا ما بدرالديــــن ...قال ليها اسكتي يــبــدر ديــنــك ... وهنا سمعها المدير ... ومرحب ببدرالدين ...بس صوتك كيف ؟؟؟ وشرفتنا كتير كتير ...ومعليش للحددوته ...محبتي ....

والله ياود الشاويش بعد كدا خليتني افكر في الغناء
بشرط تشوف لي عروس وما بتسب الدين


شكرا على الترحيب الحار

نيابة عن الشايب طرّق صوتك والعروس جاهزة.

جاااااااهز بس بعدين ماتقولو لي صوتك دا هنا عالي وهنا واطي وحبالك الصوتية تنفع حبل غسيل
فبديت من هسي اشرب موية ملح عشان اجتاز الامتحان