عوض السيد

اليوم اطل لينا قمرنا بوجهه الصبوح بصورة كلها شباب
ول عمي صدقني كان لاقيتك ما كان بعرفك واخر مرة شفتك فيها كانت في معهد الالباب انت وزميلك استاز عمر بكر وقتها لم يفعل فيك الزحف الصحراوي فعلته
حبيبنا عوض السيد غريق كمبال ظهر بعمامة دايرين نعرف السر في زلك شنو؟ هل اصابه زحف صحراوي ولا شياخت عرب
مع اكيد حبنا

وينك انت ياخي ول ابوي كمبال ؛ بقيت تطل علينا في الاسبوع يوم وصحبي بالله شوفو جميل كيف وكان خايف من شنو؟هو ناسي نحنا ابناء مراح واحد ومابنعلق عليه

أنا دقيت سدرى طلعت صلعتى لكن فى ناس شغلهم خوف ساكت ماديريننا نشوف الصلع وأظنو أولهم غريقو.
انتو يا طارق أولاد صغار لسه ما تختو صوركم عشان ما تعقدونا

طبعاً انا علقت على صورتك في موضوع ... فكره من ياسر ... بس صدقني صورة خطيرة ..وصلعة كبيرة ... وإنت ماشاء الله عليك بسحروك لو شافو.... محبتي ...

يا حبينا عوض السيد
نحنا الما خلانا نخت صورنا هو الظلط اللسع ماتم ده يمين كان الواحد فينا داير يتوضى ويمسح راسو التقول مسح ليه صحن بلي
انت قايل روح براك يا ول عمي
اخونا شاوش ماشاء الله عليكم كلكم شباب

حبينب ولد ابوي نوية
هاي بلبصتك دي خليها انت الضح كتلك تقول ما بتعلق في ول مراحك فق
والله لكم وحشة فقدنا معاك تش العويش وحلاب الفريزين
باكر بتش ليك العويش
كنت ناوي امشي هولندا عشان اجيب لي بقر لكن الطيارة بتنزل في لاهاي عشان كدة جليت الفكرة

العويش ده كن تشيته اني بزغرد ليك تري...والطيارة دي بتن بتطير من مطار الحباك هنانا ده؟؟؟

الدكتورة شكرا على مرورك
بكرة تشوفي تش العويش من الصباح ويوم الجمعة
والطيارة الماشة هولندا دي راجية بس المطار يتم ووقتها انا بكون اتعلمت قيادة الطائرات وحتشوفي اخوك بينزلها وين

ماعندكم مشكلة اخواني جهزو الزغاريد ولم العويش وانا بتشو ليكم والله مضطر افارقكم طالعين شلة كدة علي البر الان رحلة فيها خرفان وكدة
لغاية مانتلاقي مع السلامة

لكم وحشة اخوتي ويا عوض السيد طبعا صورة تحفة طيب من زمان مالك لابد بيها ؛ بس شارع الظلط ده شنو قايم في نص الراس كدة
تحياتي

بسيطه يا حسون نحن بدينا بالغربه والبادى أظلم

سلام اخوي عوض السيد ؛ بس في كلام قصير داير اقولو ليك شفت تاني ماتسمح لاي زول يقوم يجيب لينا صورة من قبل 30سنة زي الشفناها دي من زمن البناطلين ترفيلا
وشكراً