شمار تقيل

المعز محجوب وسيف مساوى فى طريقهم للزعيم عارفين ليه؟ طيب أنا أقول ليكم.
المعز لما عاد تسجيلو الموسم الماضى قامو الجماعه قالوا ليهو بنديك 3000000 كاش والباقى بنديك ليهو بيت فى حى البسته أمدرمان ....طبعا العوير طار من الفرح وقام عاد تسجيلو وبدأ يطارد مسكين فى بيت الاحلام والجماعه شابكنو ليك الليله وبكره.... اخر حاجه اتضح انو البيت حق صلاح ادريس وبايعو من زماااااااااااان والود عزو(دقس)عشان كدا قام ولدنا زعل واتنفخ وصرح انو ماشى للزعيم محل الناس الما باكلو حق الناس.....وحلل واحد من اصحاب الخيال الواسع وقال ان الخمسه المازمبيه الود عزو قاصدها(صحى يا ول نويه).
اما حبيبنا مساوى براهو اتصل فى زولنا عمر حجوج وقال ليهو أنا دايركم عديييييل.
انت الاولاد ديل المكرهم فى الفقيد شنو يا ول نويه عليك الله ورينا

يا اخوي مازمبي ده ماجاب حاجات كتييييييييييرة واصبر لي بعد شوية البيت الازرق ده حيتفرتق زي الراكوبة المافيها شرقانيات ؛وده شمار ماكد ؛وماوريتك يا اخوي طبعاً الفنانة المشهورة الكانت بتشجعم قالت انا من الليلة مع ناس العجب قالت نقعد الليلة (قرض وبكرة نيم ) طبعاً ده بقلل من حفلاتها وجماهيرها عشان كدة اختارت الطريق الصااااااااااااااااااح

شايف ناس الصين والدمام وول عمى القاعد فى الخرطوم ما علقو...الكلام دخل الحوش

المعز: أنا في الجامعة البوديني الروضة شنو؟

إستغرب حارس مرمى الهلال الدولي المعز محجوب للشائعات التي اطلقت مؤخراً في حقه واتهمته بمغادرة القلعة الزرقاء والذهاب للوصيف وقال ديدا: أنا في الجامعة البوديني الروضة شنو؟" في إشارة واضحة الى أنه تشبع بالقيم والمعاني الزرقاء من جامعة الهلال الكبرى وبات الأفضل باللون الأزرق وتلقى الهتاف المحبب لنفسه من جماهير الهلال والمعروف "العز.. العز يا معز". ومضى المعز في حديثه وقال: جاء في الإشاعة أنني تسلمت عربة "برادو" وأنني معذّب نفسياً في القلعة الزرقاء وأشياء أخرى لا يمكن لأحد أن يصدقها لأنها عبارة عن خزعبلات واسطوانات حمراء خربة ظلت تتكرر في كل عام دون حياء أو خجل. وأكد المعز في ذات السياق أن مثل هذه الشائعات لن تهز شعرة في رأسه واعتبرها مجرد أحلام مزيفة، ودعا حارس الهلال الدولي في خاتمة حديثه مروجي الإشاعات للنظر لحالهم المايل والبحث عن معز آخر غير الذي يسعى كل يوم لرفعة كيان الهلال وحماية شباكه من الخصوم.

نحيا ونشوف يا ابو الشوش.... الود مؤجر لناس أمو فى طرف البلد حرام عليكم أدو بيتو.
وبعدين والله وتا الله أنا لو شاورونى المعز الماسوره دا لا يجيبو لينا ولا دايرنو(خمسوهو وشوهو سمعتو)

لكن المؤكد أن الهلال حسم صفقة كريم الدافئ أمس في الفاهرة ...حسمها الأرباب امس في القاهرة نهائياً ويا خبر بفلوس يوم 15 ديسمبر يبقى ببلاش وأمسكوا الخشب ولك تحياتي ول عوض السيد

دى جديده لنج والله يكضب الشينه

مع احترامي لكم جميعا اعزائي ما شاهدناه بالامس علي استاد النيل بالقاهرة من كورة وحماس وقتال حتي النهاية دفاعا عن الشعار وحبا للاوطان بين فريق الجزائر والفراعنة يجعلني اقول وبكل صراحة وتجرد وشفافية انحنا بعدين عشرات السنين

وما تنسى كمان خسرنا كورتنا امبارح مع بنين فى بلدنا.......ياجماعه دى حالة شنو دى الله يقرفك يا ستيفن

عوض السيد يا تفتيحة ؛كدة نسأل انت بالله الليلة عملت شنو لاصحابك الزمان ديلك شايفم ليك ماشاء الله زاروك الليلة هنا في دار الرياضة ولا اتزكرو الاغنية الزماااااااااان دييك البتقول يا حليل ناس ديلك الزمان بجونا

انا قاعد يا ول عمي بنزل في الصورة وح قبل عليكم بالتقيل

ده الدايرنو زااااااااااااتو جيبا سااااااااااااي ؛فضل لينابس صورة واحد كدة من اولاد اجدانا مفتح صاحب عوض من زمان

اخي محمد لك التحية والود صدقني يا اخ محمد انا لست من المتحمسين ولا المتابعين الجيدين للرياضة بالسودان وكثيرا ما اسمع بعض هذه الاخبار من خلال المنتدي لذلك لا استطيع ان ادلي باي راي في هذا المجال اللهم الا علي سبيل المجاملة او رفع ضغط دم بعض الاخوان وكذلك مقهور من المستوي المتدني الذي وصلت اليه الرياضة والاعلام الرياضي في بلدنا لذلك ارجو ان تعزروني لقلة مشاركاتي ولا تتوقعوا مني الكثير في هذا المجال
هذا هو السبب يامحمد ولا يوجد اي سبب اخر او قصد وانتم اخوان اعزاء وفوق راسي ومنتداكم الرياضي سيظل هو المتكا والملاذ كلما احسسنا بالغربة وقهرها.

مشكور كان كدة كلامك مقبوووووووول في دي صدقت نحنا بننفخ لينا فوق قربة مقدودة

لا يا اخوي محمد القربة مليانه بس شغلات تانيه

عزيزي عوض السيد ؛
التقيت في القاهره نصرالدين الشغيل عن طريق صاحبنا جميس جوزيف( بلعب
في السلطنه) واصبحت بيننا صداقه قويه ؛ نصر الدين ود قمة التهذيب والادب
قال :مساوي ده كان في امبده زمان بشاكل في المريخ عديييييييل كده ؛ لذا لم
اكذبك عنه احتمال يلعب للمريخ ؛ لكن المعز لا اعتقد لان الدواء حقوا
عندنا ( وش ضاحك بقهقهة)

حيدر رياضى مطبوع لكنه لا يميل للمشاكسه منذ ان كان يافعا والرجل عاصرته فى أصعب فترات العمر لهيبا(teenage)-----أولى--- تانيه----تالته متوسطه ولعمرى كان أهدأ أقرانه.
لكن برضو ما تزوغ ول نويه قال ليك نزل صورتك خلينا نشوف الوجاهه فى ولا كملت

والله يا النقر ما دايرين لينا مواسير انتو بس ادو بيتو وخلو الحرمنه حقتكم دى

ول نويه صورتك الخايف عليها ونحن ما خايف علينا.......نزل الصوره وبروزها بنجوم

ابشرو بكرة بنزلا انشاء الله