معزومين والتذاكر علىّ

سيحل منتخب السامبا ضيفا على سلطنة عمان لأداء مباراة دوليه وديه مع المنتخب العمانى الأول لكرة القدم وذلك يوم الثلاثاء الموافق 17/11 وهذه بمثابة دعوه يا شباب التذاكر جاهزه والبيت 10 دقائق من مجمع السلطان قابوس الرياضى(الجاى منو)

والله حظّك ومابتقصر انت ولقيتنا في ظرف حرج يااخوي حج ونهاية سنة وكدة لكن انشاء ءالله بعد الحج نكون معاك

مرحب بيك وبكل احباب المنتدى وبالجد ساكون سعيد جدا لو واحد فيكم سواها.
أنا باذن الله مسافر البلد مع الاولاد برا عبر السعوديه وسأحاول ما امكن أزور كل من فى طريقى.... وسبق أن سافرت بالبر وحدى 2005 وقضيت ليله بأكملها مع أخى وصديقى وزميلى بالبنك الاسلامى السودانى الأخ الرزين صلاح على قسم السيد كما زرت الاخ بشير الحاج فى جده وتناولت معه وجبة العشاء وكا ن وقتها فى ضيافته الاعزاء صلاح خليل حيدر خليل وشوقى خليل ووالدتهم كانت مسافره السودان فى نفس اليوم ثم ايضا زرت الاخ عبد الرازق محمد عبد الرازق ووداعه صالح وعبد اللطيف خليل الدنقلاوى.
جيت مره تانيه فى فبراير الماضى ومعى الاولاد لكن الاجازه كانت صغيره لم اتمكن من زيارة احد رغم انى وعدت سيف الدوله وعوض الله وحامد حسن..... عملنا عمره ومشينا جده لقينا حجز فى نفس اليوم وسافرنا لكن هذه المره أتمنى ان لا تخذلنى الرحله حتى أزور ولو بعض الاحباب

والله يا ابو الزهور انا وعدت نفسى قبل ان اوعدكم وسأزوركم ولو للحظات باذن الواحد الاحد

جنس مغصه !
خلاص اقول ليك حاجه معزوم معانا في العيد تمرين في ميدان الثانويه علي
صندوق بيبسي و ال sharing اربعه جنيهات تدفها لبدرالدين عبيد جبرالله ؛
وعارفك كبرت وكده ؛ ما مشكلة تقيف حارس

وانا برسل ليك ماساهمتي يا النقر رصيد في تلفونك

شفت الليلة الفيلم يا عوض السيد الجماعة جابو لينا كضبة( ابو حليمة) جابو لينا صورة من قبل التماسيح مايعملو الردمية بتاعت ابوجبيهة وقالو دي صورة جديدة 2009 كدة شوف الكلام ده صاح

بدر الدين عبيد جبر الله الود الفنان كان ماهر جدا فى الكوره .....أدفع الاربعه جنيهات ونتحاسب يا نقور ولا يهمك.
أما موضوع صاحبنا ود عمى يا ول نويه أنا بتصل فى الامير وبحلفو الصوره صورتو ولا الزول بقى من الجماعه الحظرو استيراد الفول

انت ما تجى منها تكون زرتنى وزرت صاحبك بتاع البنك المركزى العمانى وتستمتع بابطال السامبا بالمره(قلت شنو)

مارس ان شاء الحق يا عوض معاكم ؛ اقرب اجازه

ويا طارق وين الرصيد ؟
طبعا يا طارق محمد نويه دايرين نعمل ليه(tour) عجيب

Welcome my brother

أتوقعك يا النقر.....شكرا ابو الشوش

الروس الروس

مرحب بالتيوس

من الكديس اب شنب ؛ للطياره ام ضنب

والله يا انقر زكرتنا ايام جميلة في حياتنا ؛طبعاً كنا بنمشي اتنين اتنين واي واحد بقطع ليه اسم اشهر الاسماء كانت صدام حسين وياسر عرفات وابوعاج
وطبعاً يا عوض السيد قلت لي جاي بالبر اكيد بتزور صحبك ابو الشوش في الدمام وبقول ليك كدة ورح علي الكورنيش اها يقوم يشيلك الفضول وتقوم تسألو من خماسية مازمبي الجماعة طبعاً ماتسالهم من كلام زي ده بقوم طوالي بقول يا اخوي انت راجييك سفر طوييل خالي ياهو قريب هنا ده موية مابشيلوها ليه حصلو سلم عليهو واها تجي لعمنا والخطا ما يخليك تقوم تقول بالله كيف هسي حالكم بعد الخمسة عمنا حيقول ليك يا اخوي مطالا الونسة اخذت هذا الطابع حصل صحبك ول نوية في الرياض قبل الشمس دي ماتغيب والكبيرة طبعا لمن تصل السودان بتجي بي شارع مدني وسوبا في شارعك وبتغشي القاعدة المركية لاسياد البلد وهناك لو جبت اسم الهلال ساي كدة بفكو فيك ناس الاربعة سنين ديييلك بقولو ليك ياعمو الشارع بي هنا بطلعك طوالي تبرة السلمة بالجنوب وتخلي المينا يمينك وتطلع طوالي في شارع جبل اوليا (يعني الحباك طوالي مادام خشيت في الممنوع)
طبعاً دي وصفة مختصرة لحالك في السفر
تحياتي

يا ول نويه انا الشباب ديل لو لاقيتهم ما بخمسهم بشرب سيجاره كامله براى(فك النفس وحافظ على الكتابه)

انت ماخشيت علي المنتدي العام ولا شنو؟ ماعملت ليك رسالة لمن الدنيا دي كلها عرفتها
كدة راجع الخاص وافيدني سريع
مودتي