رباطاب ... ضحك وممنوع الزعل

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي
--------------------------------------------------------------------



واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش جيبى ابرة وخيط



شايقي جاء لرباطابي قال ليه انا بقيت شاعر وقام قرأ ليه
ما بين الشتاء والفواصل حبك سكن المفاصل الرباطابي قال ليه
انت ما شاعر انت عندك رطوبة امشى اكشف
--------------------------------------------------------------------

رهييييييييييييييبه يا ابو الزهور........ تسلم

ههههههههههههه حلوة والله دي اليوم كمان مرقتها لينا من وين ياعمي؛لكن ماتنسي الرباطاب دييييييييييييل لاماني معاهم مصالح وصداقات لو تاني اشتغلتوهم يمين نقوم نتمرد عليكم ونجيب حاجات كتييييييييرة نبداها من مازمبي وكدااااااااااا 000الخ
مودتي