احباب ابوجبيهة

اخوة هذا اول منتدى لمدينة ابوجبيهه العامره نرجو منكم التفاعل مع هذا المنتدى


ياسرسرالختم
مدير المنتدى

شكرا على هذا المنتدى

[b]سلامات وعوافي
هل انت ياسر سرالختم اخ احمد والفاتح سرالختم؟
ان كنت كذلك مرحب بيك والف مبروك وسبقتني بالفكرة دقائق .
كنت ارتب لموقع ابوجبيهة لفترة طويله لكن العمل وظروف الخرطوم القاهرة ايضا
عموما الف مبروك وان شاء الله يبقي كبيييييييييييييير ويسع الجميع بمختلف سحناتهم

وسوف اتصل فيك لاحقا لتكبير الموقع وانشاءه بطريقة جيده وذياده الباندوث

لك شكري واعتزازي
ود المحلج

مرحب بيك اخى ود المحلج
وشرفتا المنتدى
نعم انا ياسر اخو احمد والفاتح
وياريت تتولى معى المنتدى حتى يعكس صورة طيبة عن المدينة
ومرحب بيك وبى ناس المحلج وناس جبل العمده وباهل ابوجبيهة

يا ود المحلج بريدك الإلكترونى فضحك .... وعرفناك يا نانو
كم أسعدتنى الفكرة وشكرا ياسر أورتشى على السبق وحألم ليكم ناس الحباك كلهم ..... شدو حيلكم راجيكم كتير

عمكم وأخوكم أزهرى بالواضح يا نانو ياود المحلج

أدرى أننى أتيت متأخرا ... ولكن كما يقولون أن تأتى متأخرا خير من أن لا تأت .. شكرا لك من الأعماق وكنت قد نوهت بذلك فى مكان آخر ... خبرتى قليلة جدا فى هذا المجال وأرجو أن تتواصل مع الأخوان للإرتقاء بهذه البادرة الطيبة وتستحق منا كل تشجيع .... أشكرك كثيرا ولن نتأخر فى تقديم كل مساعدة للمضى قدما فى هذا العمل الذى أتوقع أن يكون يوما ما عملا مميزا نحفظ لك بالطبع جميله ...

من قلبى أتمنى لك التوفيق

شىء جميل ان تجد نفسك بين من تحب من ابناء ابوجبيهه العامره والاجمل ان يكون ذلك مصادفة اثتاء التجوال فى محركات البحث .هذا يعتبر انجاز عظيم واتمنى ان يستمر ويتفعل بصوره جيده للارتقاء بهذه الفكره وان يصبح منتدا عامرا بكل ابناء الحباك يتواصلون عبره ويقدمون كل جميل عبره لكل اهل السودان.
والشكر للجميع .


عبدالسلام

رب صدفة خير من ألف موعد، مرحب بيك أخ عبدالسلام وشرّفت المنتدى وقطعا سنرى مداخلاتك و مساهماتك ونيابة عن الأخوة المشرفين والأعضاء نرحب بك مرة أخرى.

ياسر وأزهرى

الأخ عبد السلام كما يقولون هذا جهد المقل ونتطلع لمساهمات كل الأخوان وجهودهم فى الارتقاء بالموقع وزيادة السعة والفاعلية وسنقوم بتزويد الموقع بمئات الصور عن الحباك وهذه دعوة للجميع حتى نظهر البلد بما تستحق.

أزهرى

العزيز ياسر
تحية رقيقة كرقة نسمة خريف بجبال رشاد

النيمة الجنب صورتك في بيت عمي السر في ابوجبيهة أم موقف العربات برشاد
فضل الحاج البشير

أعجبتنى الصورة الملصقة مع الأخ عبد السلام عثمان ، ليته أهدانا بعضا من هذه الصور الجميلة للتعريف بأبي جبيهة وهذه دعوة للجميع بتزويدنا بما لديهم من صور لتزين موقعنا.

تحياتى

وينك يا أبو أحمد ، إفتقدنا حتى برقياتك العاجلة ... هناك رسالة خاصة من ياسر السر بالقلم الأحمر يقرأها الغاشى والماشى ، أظهر لإزالة تلك الرسالة، هو الدخول للحمام زي الخروج منو.

العزيز ابو الزهور
الدخول والخروج = الفرق الاستعاذة
موجود ،،،، زحمة عمل
بالمناسبة عبدالسلام ده ابن عمنا عثمان عبد السلام واخ زميلي وصديقي ابوهريرة عثمان عبد السلام .

تحياتي لك ولعبد السلام وأبو هريرة وكل الرفقة الطيبة.

قلنا نغيّر شكرا دى شوية ... كتّرناها وأظنك خفت من قلم ياسر الأحمر

شكرا الاخ ازهرى للتعليق على الصوره
الحقيقه لدى العديد من الصور لم اتمكن من رفعها لقلة خبرتى فى هذاالمجال
كما اقر بالتقصير فى المشاركات .لكن اعد بالمشاركه الفعاله فى الايام القادمه لانو عتدى شوية امتحانات حاليا

دمتم

الصوره فى النيمه الفى الحوش الداخلى يا فضل

لك إضمامة من صدق المشاعر وأمنياتى بصحو المستقبل وقادمات شموسه، وأنت تنشد العلم حتى ولو فى الصين.
شكرا لردك ويمكنك إرسال الصور لى برسالة عبر الإيميل التالى لو أمكن فى ملفات عادية.

أخى ياسر

لعلها تلك التى بالداخل إلى الشرق من داركم العامرة وأقرب الأشجار فى داركم لمنزل أبونا الخليفة محجوب وناس عمنا العزيز مصطفى الشفيع. إن كانت هى فأذكر كان قربها راكوبة مقفلة وفاهمة لتصريف أعمال المنزل اليومية من فطور وغدا وخلافه ، تحياتى وعذرا لإنشغالى وعدم الإتصال ، توقعنى فى أى لحظة.
تحياتى لنجيب محمد سرالختم، وأستاذنا الشفيع.

يا اهلا بيكم يا اهلنا واهل بيتنا
المنتدي مالو زي الصالوووووووووووووووووووووون!!!!!!!!!!!!!!!!؟؟؟؟؟؟؟؟؟؟؟
nashi

عمك فهمو تقيل ... محتاج معرفة ما أذا كان الصالون يعنى محدودية المشاركين ، أم أن الونسه هى الطاغية؟

كلووووووووو رجال مافي بنوت

فى صفاء الحاج .. أنضمت للركب وعملت نايمه ولا حتى مرور ... يلا همتك لميهم لينا.

إنما ديوان يا أبو الزهور
فضل

أخي ياسر تحياتي بقدر إحترامي .... أعتقد أن ألاخ محمد اللخمي ... إشترك بالمنتدي ... فأرجوك ساعدني كيف أجده ... وياليت لو أرسل لي تلفونه ... لأن ناس السهل ديل أهلنا ... وحبايبنا ومرحباً بالسهل ... وبالله تظهر يا محمد اللخمي ... مع تحياتي للجميع.

السلام عليكم للاسف غير موجود فى سجلات المنتدى جارى البحث

الحقيقة اندهشت ووو ماصدقت اخي وحبيبي ياسر
I never had a reverie to discern one day that; that a marvelous artwork of this kind ... very splendid upen my beloved country AbuG
U R Ornamintal Yassir
THNX

yasir كتب:اخوة هذا اول منتدى لمدينة ابوجبيهه العامره نرجو منكم التفاعل مع هذا المنتدى


ياسرسرالختم
مدير المنتدى

التفاعل يااخى ياسر اخبار ابناء ابوجبيهه فى كل المناسبات

خالد تحياتي ومرحبا بك في المنتدي.
هل انت خالدعثمان درجي

زهيرحسن السيد كتب:خالد تحياتي ومرحبا بك في المنتدي.
هل انت خالدعثمان درجي

شكرا يااخى زهير على المداخله انا خالد عثمان ابشر حفيد مصطفى الشفيع خالى عاطف ابوجبيهه

شكراً اخي خالد حقيقة انا ايضاً افتكرتك باشمهندس خالد عثمان ادريس(درجي)الشهير بودالسيد
فمرحباً بك

مرحبا بك يا خالد أهلا بود الخليفة مصطفى الشفيع ، لقد كان جدك قامة نحني لها الرؤوس ... سلام عليك ورحمة الله على جدك ووالدك الرجل البشوش عثمان أبشر .. أسأل الله لهم الجنة

جد شرفتو ابوجبيهه ووين بنات ابوجبيهه

الابن خالد عثمان نرحب بك حفيد الخليفة لا يذكر سوق ابوجبيهه القديم وجنائنها إلا قرن بجدك مصطفى الشفيع وخالك الشفيع مصطفى الشفيع دفعتى فاين هو الآن؟.
الإبنة مروة كمال ..نرحب بك فى المنتدى هل انت ابنة اخونا واستاذنا كمال عبدالكريم جاد السيد ..وهمتك بدعوة بنات ابوجبيهه ..واختك د.احسان ..ظلت تجاهد بل لها السبق فى مقترحات حيوية كركن الاسرة..حبابك عشرة

نعم عمنا عثمان انا ابنة الاستاذ كمال عبدالكريم وسنبذل قصارى جهدنا من اجل الارتقاء بمدينتنا العامره ولك كل الشكر على ترحيبك بنا ودمت دوما لنا.

مروة اختي اختك حايمة براها في نص الاخوان والاعمام والبتجي كلها افرح اقول الحمدلله ربنا عوض صبري خير
اها تقوم تمش وتاني ما تجي
انتي ارجوك ما تمشي ---سمح
اختك احسان
تحياتي لجميع افراد الاسرة

مروه ردى على احسات قولى ليها(سمح)...... سمح.
تحياتى لك وما تبتعدى خليك قريبه عشان تكسرى حاجز أخواتك البيجن ويمشن ديل

إبنتي مروة ....تعرفي انا حضرت عرس امك ... وأمك حضرت زواجي ...وأذكر يومها كان عرس الأستاذ الغالي كمال عبدالكريم عرساً جميلاً ممتعاً ...وصدقيني حينما عرفت تعريفك فرحت جداً بل سرحت بعيد بعيد ...مع مرورالأيام السريع ... وما شاء الله بنيتي إنضمت للمنتدي والف الف مرحب بيك وسط اهلك واعمامك واخوانك ... وأختك فقط Nashi تعيش بيننا وحيدة بل عزيزة غالية مكرمة ....وارجو ان تكوني معها ... وتحياتي لوالدك الغالي ... وامك العزيزة ... وعلى فكرة زوجتي لما كانت عروس هربوها بيتكم .... وانا سوف افتح بلاغ إختطاف وتستر ... وطبعاً هذه بنيتي مجاراة لعاداتنا السمحة ... وصدقيني كانت ايام جميلة وعادات حلوة ... وياليتها تبقي ... إحترامي

شكرا ليك يا عم عثمان على المداخله الجميله .خالى الشفيع الان فى ابوجبيهه وايضا اشكر العم ازهرى وبعتذر لتاخر الرد وسلامى وتحياتى لجميع الاعضاء . وبترجى من الاخوه الاعضاء يراسلونا حتى نتعارف اكثر لانو انحنا طولنا من ابوجبيهه ومستحضرين الاسماء ولكن غابت عننا الشخصيات والله مشتاقين لابوجبيهه وحنية اهلهااسأل الله يوفق القائمين على امر هذا المنتدى

ممكن منتدى خاص ببرمجة الايقاعات السودانية للاورغ عموما

وطن ساقياه عزّة وطن تريان معزّة
وطن بالخير بتول ماضاق بينا حزّة

أهلا بسمعه وأهلا بكنونو .... أسماعيل تعرفت عليه من الصورة ولكن يا كنونو أعمامك الكبار ديل ما تعرفوهم بيكم شوية وما في داعي أن نجتهد وبعدين نلف صينية .... حبابكم عشرة

نرحب بالإخوة ونترقب المشاركات يلا همتكم معانا شباب

مرحب باالاخوان اسماعيل عبد الكريم تبيز وادم قاسم كنونو ود عمنا المرحوم الفنان قاسم كان محاسب في المستشفي وهو كان صديق للاخ بشير الحاج

تصدقو ...فرحت بالجد بإنضمامكم لأسرة المنتدي ... وشعرت بسرور غامر ما عارف ليه ... وربنا يجمع شملنا دايماً ...بس قولوا يارب ... ممكن سؤال ... إسماعيل طبيز ..تعرف علي طبيز ... ولا إسم بس ... كنونو بالجد شرفتمونا ... بس عاوزين نشوف الإبداعات والحركات زي ما قالت الدكتورة ... محبتي ..

مرحب بالاأخوين اسماعيل طبيز ادم قاسم.
اسماعيل طبيز(طبيز شنو ياولد يا ما عندك طايوق)خلينى أجى ابوجبيهه عشان(أشدّقك).
للتعريف بالاخوين الجدد:- اسماعيل طبيز هو اسماعيل عبد الكريم ابراهيم وهم كأسره كانو فى كالوقى وانتقلو الى ابى جبيهه فى نهاية التسعينات وسكنو بحى المدارس.
شقيقه ابراهيم متزوج ابنة عمنا سعيد عبد الله(القمّارى) وله أخت متزوجه من الاخ عمر حماد البيتى.
أما الأخ الفنان المرهف ابن عمنا الفنان المرحوم قاسم أيضا كانو فى تالودى وانتقلو الى ابى جبيهه بسبب نقل والدهم الذى كان يعمل باشكاتب بمستشفى ابوجبيهه.
مرحب بيكم وننتظر منكم الكتير

مرحب بيهم خالص خالص
اسماعيل وادم قاسم
نورتم المنتدى
لكم كل الود وباقة ورد

شكرا عموا عثمان وربنا يديم التواصل ويجعلنا اسره واحده تقبل تحيات كل افراد الاسره بالاخص الوالده ولك كل الود والتقدير ودمت لنا اباً

انشاء الله ماحاكون بعيده بس مرات الشبكه فى ابوجبيهه بتكون كعبه يعنى ماتاخذونا لو غبنا بس حنحاول بقدر المستطاع نكون على اتصال بالمنتدى وربنا يوفقنا نحن واياكم فى النهضه ببلدنا تحياتى.

ماشاء الله الشبكة وصلت ابوجبيهة ماشاء الله ... وشكراً لكي بنيتي على تواصلك معنا ... رقم ظروفنا المعروفة ... ومشكورة كتير كتير على التواصل ... وسلمي لي كتير على ماما وبابا كمال ... وسؤال وين عمو ازهري عبدالكريم ... وسلمي على كل الجيران خاصة جاري الغالي العاقب حامد ... ولكي إحترامي بنيتي .... محبتي ...