شوية نكات

نكات متنوعة مهداة للجميع

ـــــــــــــــــــــــــــــــــــــــــــــــــــــ

رباطابي فارش جنازير في السوق جاو واحد وسألو:
الجنازير دي للبيع ؟
الرباطابي عاين ليو كويس وقاليهو :
لأ .... راجيها تنشف
ـــــــــــــــــــــــــــــــــــــــــــــــــــــ

واحد قاعد مع حبيبته جمب البحر
قالت ليهو :
حبيبي إنت شايف القمر دا
قال ليها : أيوة ياروحي شايفو
قالت ليهو :
والله العظيم ريحة جزمتك واصلة ليهو

ــــــــــــــــــــــــــــــــــــــــــــــــــــ

مسطول إتعرف على واحد وسألو :
إسمك منو ؟
قاليهو : حافظ
المسطول قاليهو : طيب يللا سمع

ـــــــــــــــــــــــــــــــــــــــــــــــــــــ

واحد عندو ضرسين بس قدم لي وظيفة عينوهو خرامـــة

ـــــــــــــــــــــــــــــــــــــــــــــــــــــ

سألو واحد : ليه إتزوجت مرة قبيحة فوق مرتك السمحة ؟؟
قاليهم : دي لي حليفة الطلاق

ـــــــــــــــــــــــــــــــــــــــــــــــــــــ

مسطول قامت ليهو حبة فوق لي عينو
عاين لنفسو في المراية وقال :
دي عين وإلا غين

ـــــــــــــــــــــــــــــــــــــــــــــــــــــ

مسكين جا لبتاع فرن وقاليو
تصدق لي شهر كامل ماضقت طعم الرغيف
صاحب الفرن قاليو:
يازول إتطمن طعمو ياهو زاتو ماإتغير

ـــــــــــــــــــــــــــــــــــــــــــــــــــــ

مسطول سالوه : ماهي قمة المجازفة؟
قاليهم : أن تحلق دقنك وإنت عندك اب شهيق

ـــــــــــــــــــــــــــــــــــــــــــــــــــــ

قمة المجازفة احلاها..
وعليك الله جازف لينا مجموعة تانيه..
الله يفتح عليك محمد اخوي ضحكتني شديد