(دافى) ممطر شتاء

# خيرا فعل مجلس المريخ وهو يبقي علي النجم أحمد الباشا ويصرف النظر عن إعارته إلي النصر الليبي .
# الباشا لاعب بمواصفات خاصة غير موجودة ولا تتوافر في غيره من النجوم فهو مفيد بدرجة كبيرة ...
# في ظل عدم التعاقد مع هيثم المرابط يعتبر وجود الباشا مهما لأنه يمكن الإستفادة منه في المحور بعد ذهاب مجاهد كما يمكن أن يلعب الباشا في خانة الطرف اليمين في حالة غياب بلة جابر إضافة إلي الليبرو والمساكين .
# الجمهور يريد بقاء اللاعب وارغو بعد المستوي المتميز الذي أظهره نهاية الموسم ..
# كثيرون يتفاءلون بأن الموسم القادم سيكون موسم وارغو ونتمني له ذلك مع الأهلي القاهري لأن ظهوره الطيب يعني أن المريخ سيستفيد منه في حالة وصول عروض من أوربا ..
# وارغو لاعب كبير وصاحب قدرات فنية نادرة لو تم إستغلالها جيدا سيشكل إضافة كبيرة لأهلي القرن..
# النيجيري يحتاج لجلسة طويلة من الجهاز الفني والإداري لتقديم النصح له حتي يكون أداءه مفيدا للمجموعة بعيدا عن التعقيد ..
# اليوم الذي سيلعب فيه وارغو الكرة السهلة .. سيكون أفضل لاعب في القارة الإفريقية ..
# توقيعات متفرقة ..
# الوالي القالوا (هلالابي وبالأدلة والبراهين من داخل إستاد القاهرة) وما بين يوم وليلة أصبح يعطل إنجازات ناديه الذي يعشقه ويحبه ..
# معقولة يا جيمي تعمل كدة ؟ الهلال ده ما ناديك ومن قُمت بشتجعو .. تجي تعطل صفقة الدافي الزيو مافي ؟
# قالوا الوالي رفع السعر وعلا البوابة علي الناس الغلابة ..
# طيب الوالي لو رفع السعر برضو إنتو ما ترفعوا .. ما بتعرفوا ؟ آآآآآ÷ أنا إتذكرت .. ما عندكم قروش .. مع ناش بشة ونادر شندي ..
# طيب لو ما عندكم قروش الفصاحة ليكم شنو .. إنتو ما تفاوضوا قدر قروشكم يا عالم ..
# الهلالاب قالوا نحنا ما محتاجين لي الدافي لكن (غتاتة) مننا بس .
# طيب إنتو لما تخزنوا في ناس فيصل موسي وبكري المدينة .. في زول سألكم
# نقول ليكم حاجة .. نحنا عايزين نخزن الدافي في فداسي مش بتلعب في دوري الأولي في مدني برضو ..
# ولا أقول ليكم حاجة .. نحنا عايزين نخزنوا في القنيطرة فريقو ذاتو .. مش بي حقنا ؟ ولو عايزين ممكن نخزنوا في أهلي شندي كمان ..
# دافينا وولدنا وحقنا .. وعايزين نرجعوا تاني ورجعناهو .. فيها حاجة دي ؟
# طبعا دي المفاجأة بتاعة صلاح إدريس .. الراجل طلع بيكم فووووق وخلاكم .. وجا الوالي نزل بيكم ..
# عشان تاني تصدقوا مفاجأة الأرباب كويس .. دي المفاجأة ولا بلاش ..
# إن شاء الله تكونوا مشيتو المطار عشان تستقبلوا ولدكم الدافي الزيو مافي ..
# أحل حاجة مقالات الغزل والريدة الشديدة لي ولدنا .. الأرشيف موجود حا تمشوا وين ؟
# معليش .. طلعت ريدة من طرف واحد ..
# أعوذ بالله إنتو في أي حاجة فاشلين ؟ كنا فاكرنكم فاشلين في البطولات الخارجية بس .. طلعتو فاشلين في التسجيل برضو ؟
# برضو ما مشكلة .. هسع نادر شندي وبشة ديل عيبوهم لي ..

كلام الورق فاضي بعدين عايزين كلام الملعب لمن الحكم يصفر تيت نشوف الدفاعات المقدودة تنسد كيف ؟؟ إلا بطريقة واحدو هي زمبة سادومبا

ياخوى والله نحن دفاعنا بقى أقوى من دفاع قواة حفظ السلام.
كل الخطوط والينا أمّنها..... قروش باهبل وتسجيلات على حسب الحوجه.
هو طبعا الوالى قصدو من الخبطات انو يشيل ليكم تار الخمسه العجيبه(ما فى النهايه نحن اولاد عم).
قريبا وسوف لن تتجاوز أقلام هذا المنتدى اللون الأحمر.
..... تسليييييييييم ......
..... الله يدينا الفى مرادنا .....

صباح الخير عوض السيد -قلت لي حميت الدارة مع الصباح ده -تمام كدة واهلنا دييل بتكلمو عن الدفاعات المقدودة دي انا لمن ضحكة في الكلمة دي : اية دفاعاعت مقدودة هم بالله شباكم دي هسي لقو ليهم ترزي كويس كدة يرقعها ليهم - ولا اقول ليك كلام خليهم يودوها لعمنا باسو في ابوجبيهة يرقعها ليهم كان اترقعت

يا ول انت وين ياخى عمك الفضل هبشتو ليك وقام ولّع نار لكن لقى أخوك أبكليقه.
بعدين عمك باسو يرقع ليهم ببلاش الناس ما مفلسين ما عندهم كشاش النار انت نسيت يا محمد ولا شنو

انتظر في عربيتك يا بردان قبل الموج الازرق ما يسوك ثلج

والله مبدع يا ابن عمى.
تعليقى فقط هو اعجابى بهذا الابداع يا مبدع.
بعد دا ممكن تلبس السيوتر

ياود قادم كنت عاوز اشاغلك شوية لكن يبدو زمن الكورة داهمنا ؛طبعاً زي ماعارف اخوك لسع مع الحلب وكدة عشان حبين انكشك بسيط كدة مع عوض السيد ده شكلو من نوع عم احمد يعني صهيوني علي السكين - بالله ياعوض السيد هو زول اسمو دافئ فيه فايدة بكرة تشوفو كمابقي ليكم زي المواسير القبلو - وانت ياود قادم نفطيكم ده بكرة (بقط)ود عارف معناها كويس اول مباراة الفيهو بنعرف كما قبلتوهو بي دربو قول لي ؟ حقيقة ماشاهدته هنا في منتداكم شئ جميل هلال مريخ مولع نار زي شجرة الغابة ياود قادم لو مامغلاطي ماتجي مباري دي طبعا ياعوض السيد شجرة بسوقنا ليك صحبك قادم ده يوم تكون مباراة هلال مريخ لو ماعندك الجراءة والللابغة مابتقدر علي ناس ود قادم دييل واحياناً بندك المحاضرات لهذا اللقاء المهم ياسلام علي تلك الايام ياعزيز ؛عموما لنا معكم لقاء انشاء الله -وياعوض السيد الليلة جبنا الباك الخطير يوسف محمد وصحبك ود قادم يعرفو جيداً وبعدا الراكوبة بتاعكم (اكرم)شيفو ليهو رقع من هسي لشباكو
التحية لكم مع السلامة

شكرا يا ود النوبه يا حبيب حبيبنا.
منتظرينك (أبقى معنا )

يبقى معاك وين يا بني عمي الزول ده قال ليكم هو كان فيه نفع بسموه الدافي
سادمبا قال لدافي على قول اخوانا في دار جعل لعبة مع الهلال احسن يسيبا تفوتا
لا بتقدر عليها ولا بتوافي شروطا

دكتور الجنيد قال ليكم الموسم دا الا كان يأجزو ليكم

اصبر للجنيد ده شوية فيصل خليل قاعد وحندخل غريق في الحلبة وابو مصطفى قال اليوم رجلينو وجعنو لكن بكرة حتشوفو الصيام في رجب

ابو مصطفى كرعينو وجعنو من قنابل الصفوه الحيه.
نحن صعبين يا ابن عمى (كدو النمله )
عاجل الشفاء للحبيب الفضل وكان ما جيت باكر بنوقف شويه.
غيابك يا ابو مصطفى يؤثر على طعم المنتدى الرياضى.
دعواتكم يا جماعه حمر وزرق لابو مصطفى