ما فوكا زعل!!!

من هنا ولي قدام سيكون مروري علي منتدانا الحبيب ..قليل قليل وربكم يصبرنا علي الشوق ..القراية ام دق الايام دي زادت حبتين وما تنسوني من صالح الدعوات عشان نجتاز المرحلة..وخاصة القريبين من الحرم عمرة ما كتيرة علي انا ودي شحدة بالعديل كل من يستطيع ...وتقبل الله من الجميع وضاعف لينا وليكم..آمين

وفقك الله و سدد خطاكى يا احسان.

قلوبنا معكم جميعا و انتم فى الغربة.

شدى حيلك يا أحسان خلاص زيتنا طلع و قلنا الروب.

الله معاكى

دوما

ربنايوفقك يا دكتوره..... سندعو لك ونسأل القبول.
ننتظر عودتك بعد الظفر بالنجاح باذن الله

نتمني لك يابت اخوي التوفيق والنجاح.امين يارب العالمين

الابنة العزيزة وفقك الله وسدد خطاك أسأله لك تثبيتاً وتوفيقاً ونجاحاً ظاهراً باهراً... الكرعين بقن كعبات ماباقي لينا إلا اللسان زي ماقال خليل فرح ولساناً بَرَدُه الكلام.

الله يتقبل منكم ومننا جميعا صالح الاعمال والدعوات وربنا يجزيكم خير فرحتوني شديييييييييييد والله

اللهم انت الاول وليسى قبلك شيئ وانت الاخر وليسى بعدك شيئ وانت الظاهر وليسى فوقك شيئ وانت الباطن وليسى دونك شيئ
كن لها ولنا عونا ونصيرا يا سميع الدعاء

إبنتي ...امورتي ...زهرة المنتدي ... مرت على مسحت حزن ...بقولك سوف امر مروراً خفيفاً على المنتدي ..بالجد حزنت لفراقك ...ولكني سعدت جداً لأنك وانتي بالصين تمثلين ابوجبيهة بل وكل السودان ...فرحت لأنك شجاعة قوية بإرادتك ذكية ... ممتازة بكل ما فيك بفهمك برقيك ..بصينيتك ...ونحن بالجد سعداء لأن تكون لنا بنت من بنات ابوجبيهة بالصين وهذا شئ عظيم عظيم ...يا ناس سور الصين ...شدي حيلك وكلنا ننتظر تفوقك ...والنتيجه لا تدسيها امرقيها لينا برة عشان نقراها كلنا ...وننتظر ذلك ونحن واثقون واثقون بتفوقك ... وشدي حيلك بنيتي ... ويا ابشملة الأمير ..ويالصالحين تقيفوا مع بتي ...وزميلي عبدالله إسماعيل قال لي في خواجا عاش بضاحية كالوقي ... وحينما تاثر تماماًبالحياة بقي يحلف مع النااااس وبيقول : وهات الشيه موتاار ... يعني واحات الشيخ مختار ... واملنا في الله اقوي من كل شئ ((وألا إن اولياء الله لاخوف عليهم ولا هم يحزنون))... وربنا يصبرك يوفقك وينجحك ... إحترامي

الله يديكم العافية ويديم المعروف بين الناس آمين

لا ماتبكي يااختي الله ماجاب البكي

يعنى فى داعى تبكوها خلاص كفايه (الله)
أنا قبل كدا قلت ليكى يا احسان يا بنية عبد الرازق كان انتى احسان السمعنه بيها زمان ديك ممكن تجيبى الدكتوراه بيدك الشمال بس لكن كان ضربك الزهايمر الضربنى وضرب عمك عثمان جاويش الا كان تكتبى بيدينك الاتنين
عافاكى الله

وفقك الله يادكتوره
بس ماتطولى