العم تبر (احمد العالم)

عمنا تبر يعمل فى المجلس الرجل الشهم صاحب البندقية الكريبن اذكر لما هجم المتمردين على كردود اولاد حميد وكيف العم تابر وقال لازم يمشى مع البوليس عشان يدافع عن اهله طبعا ياجماعة عمنا تبر كان احمق شديد عشان كدا كانت البندقيةماشغاله وشايلين ابرة الضرب ادعوا له جمعيا ان يسكنه الجنان مع الشهداء والصديقين وحسن رفقيا والشخصيات يطول ذكراها طبعا اسمه أحمد العالم

ونعم الرجل المخلص الوفي الشجاع ... العم تيبر يتعامل بكل طيبة وعفوية ...بس زي ما قال اخي أسامه قلبو حااار ...وآخر مره إلتقيته فيها كان ذاهباً اولاد حميد ... ورفع إيدوا فوق عشان الحجبات ما تنصل ....وقال لي ماشين سليم نجيب المال ...بصوته الجهور ...وكنا مسافرين بلوري على اولاد حميد ...وهو كان يركب بالتنده ورجوله تفوت على مظلة اللوري ... وكان معنا في تلك الرحلة ..عمنا الناظر عبدالرحيم يجلس امام وانا ونجيب عبدالرحيم وكتير من الركاب كنا وقوفاً وكل النساء جلوساً ... وكان للعم تيبر كيس هالوك ..اعتقد فيه سته حبات ... وحينماصلينا الظهر بابو نوارة و شربنا الشاي ... ورجعنا وركبنا اللوري ..وجلس تيبر بالتنده وتفقد الهالوك ؟؟ووجد واحده ناقصة ..وقال : ياناس العربية ..هاي هاي الشال هالوقايتي ....جوووت( لا استطيع اقول ) بل كل النساء إستحين إستحاء مبالغ فيه ..ونحن خجلنا من كلامه ...وهو بالجد شخصية مرحة جداً ولا يهمه شئ ابدأً ابداً ... وكان سبب رحلتنا لكي نزوج لصديقي نجيب عبدالرحيم من بنات عد الدم ... وقبل عد الدم نزلنا انا ونجيب وعمي الناظر ...وكنا راجلين نحو فريق قريب للفاتحه ... وحينما قربنا سمعنا الناس بتستمع لواحد قال : اسمعوا : احمد ول آدم مشي لي فكي فوق الخرطوم زاتا..وكتب لي حجاب حق سلاح ..يوم جربا فوق التيس وطقعا بالبندق التيس طار فوق وضرب التراب ... بالجد انا على بعد خطوات من ناس الفراش وكنت بضحك ... وتسلم أخي اسامه الظريف ..محبتي ...

المرحوم كان رجل فظيع جدا له علاقة مميزة مع عمنا كرمبة تيبر توفى ولكن اين كرمبة؟
انشاء الله سنوافيكم بالنوادر التي تحكى عنه
ربنا يرحمه
والله يا استاز شاويش انا مت من الضح في حكايت هالوكاية عمي دي هو داير يمقص على الزول الشال الهالوكاية لكن دعوته عليه كانت عير محتشمة

اللهم ارحمه واغفر له

طبعا عمنا تيبر اخذ 14 سنه سجن فى الابيض ظلما والقصه كاتى 00كان تيبر وصديق له قانصين غرب كاكا التجاريه وتيبر لايحمل بندقيه بل هو تابع لصديقه ليعينه على سلخ الصيد وهذا فى عرف الصياده يسمى التباعى وله نصيب معلوم متفق عليه 0تقابل تيبر وصحبه مع عساكر من كاكا وكانواناس تيبر يحملون غزال وطبعا عند العساكر هذا ممنوع وحصل الصدام وضربهم صاحب تيبر وهرب وبقى تيبر مع العساكر وحملهم فى الحصين وتوجه نحو كاكا وتوفى واحد من العساكر والاخر مجروح وتيبر بحسن نيه ازعفهم وتم القبض عليه ووجهت ضده تهمت القتل وشهد العسكرى الجريح ضده وتمت محاكمته 14سنه سجن قضاها بحسن نيه ايضا00وهذا جزاء مرؤءته

الرحمة والمغفره لعمنا تيبر .ذلك الرجل طويل القامة جهور الصوت .

تيبر من الأساطير الحلوة في أبوجبيهة قابلته آخر مرة في رشاد أواخر التمانينات بكامل لبسه في مجلس رشاد حيث كنت معلقاً لم أجد أي عربة توصلني لولادي في أبوكرشولا وكنت نازل مع الأخ العزيز عبدالرحمن آدم نورالدين (مصران) وكان الوالي يومها مدني فعرفني الأخ تيبر بحافظ الشيخ عبد الباقي عليهما رحمة الله وقال لحافظ أخوي دا ماتشوف ليه حاجة من عرباتكم ديل توصلوا لعياله ولم يبدِ لي حافظ أنه سيبحث لي سيارة فذهبت أنا وتيبر لست شاي وقهوة فقلت ليه تشرب شاي ولا قهوة قال قهوة إلا أب شعيرة مافي زول بياباه قلت ليه خلاص نشرب قهوة و نشرب أب شعيرة
وفعلاً شربنا شاي وقهوة وبينما نحن جلوس جات من أبوجبيهة عربة خاصة وفيها وفد من ابوجبيهة جايين يقابلوا الوالي وكان فيها شقيقي عبد الرازق الحاج وتونسنا كثيراً وانصرفنا وفي المساء أتاني حافظ الشيخ عبدالباقي وقال لي تجي مع ناس أبوجبيهة لأننا عاملين ليهم عشاءوفعلاً حضرت العشاء وقابلت ناس كل ناس أبوجبيهة والذين قالو لي يا ريت لو سافرت معانا لأنك ليك يومين في رشاد وما لاقي عربية وفي صبيحة اليوم الثاني أتاني حافظ وقال لي تجي تفطر عندي في البيت وفعلاً ذهبت ووجدت تيبر معاه وفطرنا وقال لي الوالي حيسافر السعة 12 وكان أتى بطائرة هليكوبتر وفي تمام السعة 12 و 40 دقيقة جاتني تاتشر كرته فيها سواق ومساعد وقال لي السواق إنو حافظ بقول ليك تيبر ما ساهل عندنا ووصلوني أبكرشولا في زمن قياسي في شهر 8 والدنيا خريف ( ساعة وربع).