انضمام النيجيرى يوسف محمد للهلال فبركه اعلاميه.... منقول

علمت مصادر الصحيفة بان انضمام النيجيري يوسف محمد للهلال مجرد فبركة اعلامية حيث رصدت الصحيفة تفاصيل خطيرة بهذا الشان ان اللاعب لم يقابل حتي مساء امس سكرتير الاتحاد مجدي شمس الدين ولم يوقع علي اي طلب لابداء الرغبة في زمن التسجيلات الذي انتهي عند منتصف ليلة الجمعة الماضية واكدت مصادرنا بان ماخرجت بة الصحافة الهلالية لاعلاقة له بالحقيقة اللهم الا اذا كان هناك مخطط اخر اوتجاوز في طريقة لكشوفات الهلال مثلة ومثل التجاوزات الكثيرة من جهة اخري استفسرت الصحيفة عضو بارز بلجنة التسجيلات ونفي ان يكون للجنة علم بتسجيل يوسف محمد للهلال او ان اللجنة اخطرت في هذا الخصوص وهي تسمع مثلها مثل الاخرين عن توقيع اللاعب للهلال في حضور سكرتير الاتحاد المتواجد بانغولا ولكن ليست هناك مخاطبات رسمية قد تمت حتي انتهاء فترة التسجيلات

اها بتين اصبحنا عشان تطلعوا الاخبار الما بتحبوها فبركة؟
يا ابن عمي امشي اشرب ليك شاي تاني وتعال
اليوم عندي خبر لول نوية ما سمح بيخص ام جليلي

تش العويش من الصباح يا ابن عمى بجيب لينا حبايبنا المقراب.
غايتو الله يكضّب الشينه لكن الكلام دا كان طلع صاح والله صلاح مقبره دا الا كان يمشى يبقى رئيس فريق سارديه(شندى)
هو زولكم ما يتدين من جيمى ولدنا عشان ينستر

ياعوض السيد لو قالو لينا تم تلحين القنبلة او العربية او اضربني بمسدسك بنصدق ؛اما خلاف ذلك انسي
وياود ابوي نحنا جاهزين لاي شئ مالنا شلنا فريزيان ولا لحسنا قروش طريق -مالو قال نقل الزوبار عيب؟ جيب اي عويش بنتشو طوالي

نقل الزوبار ولا غش الزباين.
صبحكم الله بالخير يا شباب

دي منقوولة من صحيفة المريخ الاليكترونية ... يعني حتقول أيه السنة الفاتت تسجيل كابوندي غير صحيح وتسجيل سادومبا غي صحيح كل هذه الأخبار قالوها في الأخبار وأخيراً سادومبا دق الزمبة وجاب كاس أما وارغو جاب أربعين جلدة من كاس آخر .. سأضحك عليك إذا طلع تسجيل يوسف في الهلال وبكرة قريبة سوف تنتهي الدورة الأفريقية وسوف تطلعك الأيام ما كنت جاهله هذا كله من باب الخدر من الإعلام السالب حتى يخفف وقع الصدمة على جماهيره الغلبانة

الاجراءات خاطئه 100% لكن كما توقعنا شداد طمأنكم بصحة التسجيل فى صحيفة المشاهير.
بس انتو كلمو الفكى بتاعكم لأنو بوضياف زعلان وساعى يبوظها

اخي عوض السيد متي كان شداد بيجامل الهلال؟
المشاهير ماعندها سالفه وصدقني يوسف محمد للهلال وجاكم كان الله انطاكم

يااخوي والله ماحاسدنهم الله يكضب الشينة ويجيهم -لكن قل لي حيعمل شنو؟ لو افترضنا باعو كل اصولهم وجابو دانيل ألفيس ظهير برشلونة وطبعا مابتحصل ثمن 1/8 قيمته !! أهو حليمة في قديما وحنكون زي ماكنا علي قول الفنان

وكيف تم تسجيل نجاد البوسني للمريخ من مصر يا عوض السيد ولا خلاص نسيتوا ... وبعدين يا ود نوية ما وريتني رايك في كاس وارغو !!! الذي سعره 3 مليون كم يعادل مردوده لسعره واحد على ديشليون... الكاس الجابو كاس مريسة مش كاس دهب ..!!!

اخوي محمد نويه ناس دانيل الفيس ديل ده شعر انحنا ماعندنا ليهو رقبة خلينا في يوسف محمد ده لمن شعرتوا قرب من الهلال قلتوا ماسورة وتاني ناس المشاهير قالوا لا بعيد من الهلال رجعتوا تغنوا ليه وماعارفين
المهم حليمة عادة القديمة تلطيش الوصيف والفوز بالدوري والكاس وسلم لي علي حليمه

صبراً يااهلنا ما كل لاعب في اول مواسمه يتألق مع فريقه ويحرز الكاسات والسنة حتشوفوه لو ماجاب الكاس الذي استعصي علي المحليين - وياعمي ماكتار زيو غلطو وشينتم لبّدوها ونحنا عارفيين كبار واولاد بلد وكمان اسيادا بس مخلينها مستورة
وحليمة قاعدة في قديمة وبتسلم عليكم شديد وكالعادة راجياكم
التحية والتقدير لكم اهلي الزرق

القيافة .
* اجمل ماقرأت :
* فى الممتاز فى سيكافا الطيشاب دائما فى الوصافة .
* هى ياوصيف حالك مخيف مرات تفوز وكتير تقيف .
* سادومبا لاعب جد حريف بهدل وبشتن الوصيف واثبت انو اكرم ضعيف .ودى الحقيقة مافى تزييف ياناس كاربونى منديلو كيف .
* كترت بلاوى الوصيف فى حرف السين سيكافا ، سكواها ، سامى ، سيدا ، سادومبا .
* سجل لى رقصاتك ماانت العسل ذاتك ، ارقص يااكرم هو انت عندك حاجة غير الرقيص .
* بعد التصريحات والاستفزازات لكرومى الرقاص اصدر صلاد الدين بن ادريس رئيس نادى الهلال للسيد هيثم مصطفى قائد قوات الردع وسفير النوايا الحسنة توجيهاً بايقاف الهبات والمنحات التى كانت دعماً للوصيف سنوياً وخاصة منحة كاس السودان .
* مزمل فيها كم ميم ، وسادومبا فيها كم الف ، وشباك اكرم فيها كم هدف ( ياطيشاب ياتمهيداب ) .
* فلايغرنك انتصارك بهدف مباراة الممتاز المعنوية ولارقصة كديابا الكنغولية فنحن اسياد البلد وانتم الرعية اما علمتم اننا تم استثناؤنا من لعب الادوار التمهيدية .
*شوف عينى الصقر بجناحو كفتة الفرة .
* صدقنى يابرنس باصاتك المتقنة دى مفروض يدرسوها فى كليات الهندسة عشان البلد كلها تصبح حدائق وعمارات .
ونرجع تانى :
&& قلنا ليكم هزيمة الممتاز جاءت صدفة لتقاعس اللعيبة وتهاونهم وبلادة المدرب لم تصدقونا حتى كان الماسورة سادومبا ( ماسورة لى ماسورة تفرق حلات ماسورتنا ) .
وتاني ماتقول انتهينا نحن يا دوب ابتدينا

احلي كلمة جبتها (تاني ماتقول انتهينا) وكم كنت بعشق صاحب هذه الكلمات احتراماً له نكتف علي الرد - وبرد ليك ياعزيز دنياي في زاوية اخري
دمت

وانا بهدي ليك بزيارتك بيتنا نور

يوسف محمد لا غنينا ليهو لا ولا أربابكم غشّاكم.
كلام لقينا فى الجرايد وجبناهو ليكم وكان حرقكم العهده على الراوى.
نحن عندنا أفضل طرفين فى الساحه.
لو كنا بنعرف نتغزّل كان اتغزلنا فى يوسف محمد زى ما اتغزلتو فى الدافى.
نحن جاهزين وأولادنا قاعدين فى نيروبى(عز وقروش) ويوسفكم مبروك عليكم.
يا ول نويه قالو مدرب منتخب موزمبيق قال ليهم كان ما جبتو لى سادومبا ما بلعب مباراة نيجيريا.
..... هيبع يا أحمرانى .....
الله يدينا الفى مرادنا

زي فوزي البنزرتي قال جيبوا لي النفطي عشان أجيب ليكم كاس افريقيا... كفاية غناكم في وارغو وآخرتها بتشحدوا بيه شحدة عشان الإعارة قال ماماسورة والغريبة السنة دي سجلوه في المراحل السنية الظاهر ناوي ليه لى سكرة تانية عشان يعزروه( نص حد شرب الخمر)

انا خلاص ماشي البيت وبوريكم الصيام في رجب كيف؟
والدكتور اعلنها حربة مفتوحة ومن طلب الحرب وجدها
وانت يا استاذي وابن عمي اصبر ليا ولو شويا العلي يزيلوا برضاك
وانت يا عزيز دنيانا يمش بتحب ابراهيم عوض يمين اخليك تسمع براي سويتا في نفسي

خدورة أم بشق كتب:زي فوزي البنزرتي قال جيبوا لي النفطي عشان أجيب ليكم كاس افريقيا... كفاية غناكم في وارغو وآخرتها بتشحدوا بيه شحدة عشان الإعارة قال ماماسورة والغريبة السنة دي سجلوه في المراحل السنية الظاهر ناوي ليه لى سكرة تانية عشان يعزروه( نص حد شرب الخمر)

تسلم يا ابو مصطفى والبطن الجابتك والله ما بتندم
يا اسد الكداد الفي خلاك رزم

انت ياعوض السيد مصطفي ده لسع ماخلص اختباراتو دي بالله كلم اهلنا ديل قول ليهم ول نوية بدرسو ومكافأتو بسيطة واحد في المية ماعشرة في المية التي اي زول سمع بيها خت يدو في راسو

أمشوا لصلاح بطل الكفاح يديكم دروس خصوصية خاصة وعنده كتاب نزل السوق اسمه
الجد والاجتهاد في ضرب المريخ والاتحاد

ال 10% دى ممنوعه يا ول نويه لأنها سر المهنه بين الأرباب وبن محفوظ

أحسن من البيسرقوا أقوات الشعب ويبعثروها لناس بو ضياف ولعيبة مضروبة زي وارغو ونجاد

وحاتك دا حقنا يا خدوره ام بشق