هذا زمن المهاذل

حركة العدل خليل تشترط حكم دارفور وكردفان والخرطوم و42%من باقى السودان كن الامر كده نشوف لينا دبابات عشان نحكم 50% من السودان الهامل

(ياهو ده السودان)

والله ياجماعة فاوضوه فى دارفور والخرطوم عشان كردفان دى (الجوامعة )عندهم فيها النص الشمالى...وقالو كان (جاقت) مابدوه لزول.

وبعدين ياغريق ياخوى الخرطوم ودارفور وكردفان ديل ما 70%.. اها زولك دا نتم ليه ال42% من وين؟ (نكجم)ليه من شاد ولا شنو؟

طيب ندوه السودان كله ونشوف لينا بلد.اما والله دي حكاية, انا بشيف مدفع وبجي تدوني جنوب كردفان

الخرطوم ودارفور وكردفان و42%من السودان .
الباقي شنوا تاني في السودان الا كان نسي حلايب .

شكرا اعزائى والادهى فى الامر داير فتره إنتقاليه سبعه سنوات تانى وبعدها تقرير مصير او وحده مشروطه تخيلوا 00زمان بقولو ده أكلو طير بلا قدوم 00ياها ذاتها

زي ما قال دكتور الجنيد هانذا أقول الجنوبيون سوف يأخذون الثلث وطبعاً كردفان ودارفور بساون 60% من الباقي ولاحظوا عايز 42% من السودان بما فيه الجنوب والله إلا يكجموا ليه من تشاد وبحر الغزال وطبعاً مثلث العوينات... غايتة أهلنا قالوا كان غلبك سدها وسِّع قدها.

بينما تاتى شارات الامل بحل قضية دارفور,بعد تطبيع العلاقات مع تشاد مثلا. تظهر حلقات جديده تجعلنا نسلم تماما بان مشاكل السودان لاحل لها
الحركه تقاطع الانتخابات فى جنوب كردفان
جبهة الشرق تطالب بتقرير المصير
حركات دارفورنفسها غير متحده ولاندرى عددها (اى الحركات)كل يوم تظهر حركه جديده وتنشق اخرى كل هذا والوسطاء وتجارالحروب يمارسون السمسره لبيع القضيه
متى يفهم هؤلاء؟
ومتى ينتهى هذا المسلسل الممل؟
فوضى

هؤلاء مصلحيين وليست لهم قضّيه.