ام جنقر...طبق اساسى لشباب ابوجبيهة

ام جنقر هى طبق شعبى سودانى يصنع اساسا من عيش الدخن ( المفندك) وتشرب شرابا او تؤكل بالملاعق.
الملاحظ اخيرا فى (الحباك) انتشار بائعات ام جنقر فى السوق بعدد كبير وصرن يضفن البلح الى الدخن والكاستر ويعملن خلطة ذات مذاق حلو.اغلب مرتادى محلات ام جنقر هم من الشباب وخاصة الرياضيين.اثناء سير الدورى صار منظرا عاديا ان ترى اغلب لاعبى التيمين متحلقين حول بائعات ام جنقر فى الظهر لكسب اللياقه وتشوف البنات لافات (بالكوار-جمع كورة)على اصحاب الدكاكين والجميل انك بتأكل بأى مبلغ: من خمسين قرش وفوق...
بالنسبة لى حاجة جميلة ...وحلال ..وبترفع لياقة الشباب وبتقوى الدورى
منظر من سوق ابوجبيهة حبيت انكم تتخيلوه.

التحاياوالاشواق الحارة لك اخي د. الجنيد من على البعد وانتم حقيقة مرتاحين طبعا ام جنقر دي كانت موجودة اساسا في شمال كردفان ودارفور بس ما كانت فيها الاضافات التي ذكرتها ويمكن دي مخصصة للشباب بس يعني ناس السكر الزينا ماعندهم طريقة تحياتي عبرك لكل الحباك وبالله كيف اصبح الحال الان في دكان اخونا عمر تويوتا بعد رحيلة نسال الله له الرحمة والمغفرة

التحية لك اخي الجنيد وهنيئا لكم وصول ام جنقر للحباك وصحتين واكيد حيكون دوريكم نار

سلامات ابوالساره..ومرحبتين حيدر
مرروركم طاعم زى ام جنقر...واكيد عند نزولكم البلد حنمرركم عليها (للتذويق والتوثيق)...فعلا الفاتح شجرة المرحوم تايوتا صارت بائسة بقده(له الرحمة) ويا حيدر ياخوى غيبتك طالت والله.

يادكتور ماترسل لينا كورة ولاكورتين ويكون فيهم تلج

والله ده خبر تمام ام جنقر جات هناك - وياما شربناها في الابيض وام روابة -ويادكتو بس شوف لينا الشيخات لمن نجي
دمتم

لك التحيه يا دكتور..... أنا لغاية ما طلعت من ابوجبيهه 1997 كانت مديدة الحلبه بالبلح هى الأشهر عند البائعات فى السوق أما ام جنقر دى تقليعه جديده

التحيه ليك يادكتور 00امجنقر والبليله وبعد المغرب العقاشى فى السوق القديم وطبعا اول بائع عقاشى كان عمك المرحوم محمد ثانى وكنا نشترى بقرش وتشيل سفوفه 00اين هذه الاشياء الان وكمان الوينا اختفت تماما ولم اراها منذ سنين 00فى زول فيكم بتذكر الوينا 00الايام الجميله 00وحاجات زمان كانت حلوه00ام دا الكبر(بضم الباء)خلانا ما بنضوق00لكم ودى

شكرا ياحبايب..والله ام جنقر اتفسحت
الخرطوم...الدوحة....السلطنة.....السعودية.شكرا على المشاركة يا ابو السارة ..ول نويه..عوض السيد ...حيدر..فلس(محمد سعيد) ويا غريق الوينا دى دحين ما(قراصة النبق؟)نتوقع
محبتى لكم

التحايا والاشواق لك د/الجنيد
مع ظهور ام جنقر اختفي القدقدو ونحن نطالب بشده عودته الي السوق .

بعدين انت رحلة من السوق الوراء كانت في واحده في دكان عشم الله سابقا بتعمل ام جنقر والان في محلك الجديد في منوا .
تقديري ...

والله يا زهير القدوقدو راقد عند حاجة ميمونة فى النيمة الجنوب المسجد الكبير وفى محلنا الجديد جنب دكان الامين الجعلى عندنا شيخة ستات ام جنقر...لكن السؤال المهم:وين حريفين القدوقدو؟(فرا دا نونو)بلغة اهلنا الهوسا.

د.الجنيد صباح الخير شنو قصتك تطلع من ام جنقر تدخل في القدوقدو
والله يادكتور وجدت القدو قدو في مكة يباع جنبا الي جنب مع القورو والحرفين هنا كتار

والله ياحيدر ياخوى قلنا نذكركم بالتراث ماتنسوه لينا مع البلد ام( قزاز بيبسى كبار دى)..قالو لى قزازة البيبسى تقيل فى ضلها..اقرع فلس مايمسكو سكرى

فلس قلبو حار مابمسكو سكري وماني رياد للبيبسي لكن كان لقيت ام جنقر مابخليها وكذلك فرادا نونو كيف ياحاج عيال طيبين من الحمي, مائة والف وهمسين. تسلم

أم جنقر ما بتاكل خريفين!

الجنيد طبعا صاحبك ادم بشير يكون قلب من اللحوم الى ام جنقر.

تحياتى

حلوة يافيصل
المابتاكل خريفين دى (ام جركم)...الا تشرحها للجماعة..آدم بشير دا كان قالوا ليك بخلى اللحم بتصدق؟ والله كمان مع خوفة السكرى دى بقى لينا مرفعين عديل..محل ما يشوف لحم (ينر) بتعطيش النون.

بس انت مافهمتها يادكتور صحبك فيصل عايز ليه طش بتاع جراد علي ماأعتقد .

تحياتي

هو صحبك ماعارف الجراد وين البجي نازل ساكت في الحلة!!! وبقرض العيش قريض

ياود قادم تتزكر ام جنقر بتاعت سوق ليبيا (خالتو عاشة) اتي ياود قادم بكسر الدال بلغة اهلنا------------ نديكي بي الف ولا سادة (زيادة)
حظكم قلت لي بلدكم فيها ام جنقر كمان ربنا يدومها ليكم انشاء الله
دمتم

انت الراقي دائماً ... اسلوبك جميل ومواضيعك حلوة ...وذوقك رفيع ... فضلاً إن كان لديك وقت أو تلفون عبدالمنعم مصطفي الشفيع ... اسعفني به ايها الغالي ... لأن عبدالمنعم صديق عزيز وغالي بالنسبه لي ...عبدالمنعم الصبور والذي لا تغيب البسمة عن وجهه المشرق دائماً وهو عمله نادره ... وبالله تحياتي له وللغالي يحي ابكر ( صموغلي صديقي ابو ظل خفيف) وحبيبي نجيب عبدالرحيمراضي والإنسان السماني ... والذوووق آدم بشير ... معليش من أم جنقر خرمت شويه ...ومعذرة دكتور لأاني تذكرت اصحابي وسرحت .... محبتي ..

طبعا الايام دى قاعدين فى الحباك والضهريه كلها اكل امجنقر وفى موضه جديده 00الموظفين ووجهاء المجتمع بعد العصر يتوجهو شمالا الى معاقل الاقاشى ويتحلقوا امام منازل صانعى العقاشى وهاك يا اكل طبعا حاره من الكانون مباشرتا وشطوط رهيبه 00وده الغداء

يا فلس
حصل الشطوط والبهار والحم المتبل
ام جنقر غزت الخرطوم وسط السوق العربي شارع المطابع ومعاها بليلة مبهرة وتاني حاجة اسمها باكمبة لكن دي ما بتنفع مع ناس السكري
اما الاقاشي في الخرطوم غير جيد
ومن منتجاتنا في العاصمة النبق بصورة لافتة للنظر وكذلك الصمغ العربي واللالوب والعيش الريف من على الجمر في وسط الخرطوم وفي هذة الايام

يا ود كمبال مالك داير تجننا بكرة نركب نجيكو علي الاقل نشوف الدهب يمكن الواحد يلقي ليه كعكول دهب,تسلم

والله يا محمد سعيد اخير تجينا يا زول نمشي نحفر لينا دهب
لكن الجغجقان وين؟؟؟
شكرا يا حبيبنا

والله امجنقر جرت..آى والله يا الفاتح ولو رجعت للمنتدى العام بتلقى تفصيل..ويا الشاويش هاك تلفون عبد المنعم مصطفى(الشلطان قابوس)0914745177 لكم الود

لكين والله ضحكتني شديد ...فعلاُ بيشبه السلطان قابوس ...شكراً يادكتور على هذا المدد ...ولك تحياتي ...محبتي ...

ام جنقر ياسبب التعب
شفت الجمال وشفت العجب

والله يا طارق ات احسن زول..فى لحظة واحده تشوف ال(جمال) وتشوف (العجب)..والله عشان تكتمل فرحتك ما باقى ليك الا تشوف (المعز) منبطح

تحياتى اخى دكتور الجنيد وتحياتى لكل الرياضيين اتحادا ولا عبين وجمهور وبصراحة مع ام جنقر دى إلا تجيبوا ليكم كتيبة شرطة وخلوا بالكم من ناس بلنجةبدون ام جنقر ماشاء الله عليهم ولاهدوا شوية وبطلوا عنف تحياتى الى استاذ جمال حسن وكل جمهور بلنجة ويا حليل زمن الرباع الخمج الفولة وقول لصلاح الياس انشاء الله سويت ليك رباع جديد (على حسن ) عجز وتحية خاصة الى العزيز الحكم الرائع الدرديرى

لكن ياالفاتح ام جنقر باالعرديب او الزبادي حامضة انا قايتو جربتها ماعجبتني لك التحية