رسوم إنتاج!!!!!!!
5 مشترك
صفحة 1 من اصل 1
رسوم إنتاج!!!!!!!
ساخر سبيل
رسوم إنتاج
الفاتح جبرا
بينما كنت أهم بالخروج صباحا من المنزل سمعت طرقات على الباب عندما فتحته وجدت أمامى جارى (مصطفى) وقد تفاجأت به بعد أن ألقى علي التحية يخاطبنى قائلاً:
- معاك بطاقة يا أستاذ؟
- أيوه فى شنو إن شاء الله خير..
- لا بس أخونا (ادريس) ده عندو مشكلة بسيطة وماسكنو وأنا بطاقتى منتهية..
- ماسكنو فى شنو؟ آآى إدريس ده زول متين وجسمو (مكرب) لكنو زول هادئ ومحترم وما بتاع مشاكل..
- دى قصة طويلة يا أستاذ ح أحكيها ليك فى السكة كدى هسه جيب بطاقتك ويلاكا معايا..
ادريس ومصطفى صديقان ويسكنان فى ذات الحى ويشتركان فى صفات كثيرة فهما فى بداية الخمسينات من العمر كما أنهما متزوجان ولكل منهما عدد من الأبناء فى مختلف المراحل الدراسية والأهم من ذلك كله أنهما (عاطلان) بدون عمل بعد أن تمت إحالتهما للصالح العام قبل أعوام طويلة وأصبح الرزق فى (تلتلة)..
- والله الليلة يا مصطفى مشيت أودع ليا واحد قريبنا لى موقف البصات السفرية الصباح لقيت ليكا (الجماعة) ديل خاتين ليك (اللقيمات) والشاى (باللبن) والناس ديل حواليهن زى الجراد!
- طبعن يا ادريس أصلو الزمن ده الزول يا يعمل ليهو حاجه بتاعت (أكل) وإلا يعمل ليهو حاجه بتاعت (مواصلات)..
- والله القصة دى أنا كانت فايته عليا من زمااان والله فيها قروش زى التراب..
- تقصد شنو؟
- أقصد إنو نعمل لينا (حلة) بتاعت شاى بى لبن كبيرة ومعاها جردل جردلين لقيمات ونمشى نبيعه فى الموقف والله فى اليوم نطلع بالشئ الفلانى بدل الحالة الصعبة دى!
بصعوبة شديدة قام إدريس بإقناع مصطفى بالفكرة فالأخير بحكم أنه كان موظفاً كبيراً بالخدمة المدنية كان يرى أن (المسألة) لا تليق بمكانته (الوظيفية سابقاً)..
- أها طيب وافقتا .. حق الشاى والزيت والدقيق نجيبو من وين مع الفلس الإنتا شايفو ده!
- بسيطة القصة كووولها ما ح تفوت ليها (خمسين سبعين ألف).. إنتا أمشى لى محمد بتاع البقالة شيل منو الزيت والدقيق تحت الحساب وأنا بمشى لى آدم سيد الدكان بشيل منو الشاى واللبن والفحم والسكر (بالدين) ولمن نبيع نرجع ليهم القروش!
بعد يومين ومع (الدغش) وفى ذات الوقت الذى كانت فيه (نعيمة زوجة مصطفى) تقوم بإعداد اللقيمات ووضعه داخل (حلة كبيرة) كانت (خديجة زوجة إدريس) قد قامت بغلى (اللبن) وتجهيز عدد من ترامس (الشاى) إضافة لعدد إتنين (بنابر) و(منقد) وكيس يحتوى على (الفحم) وكرتونة (كبابى)!
قبل أن يؤذن الفجر كان (إدريس ومصطفى) يضعان العدة على ظهر عربة الكارو التى يمتلكها جارهم (عنتر العربجى) متوجهان صوب السوق حيث موقف البصات السفرية و(فجأتن):
- الشايلينو ده شنو؟
- وإنتو مالكم؟
- (فى تهكم): مالنا؟ والله إنتا زول غريب؟ فى زول بيقول للحكومة إنتى مالك؟
- وأعرفكم حكومة كيف؟ الأيام دى اى زول شايل ليهو بطاقه مزورة وعامل فيها حكومة وقاعد يبتز فى المواطنين..
- يا حاج بطل الغلبه ما تخلينا نتخذ معاك أجراءات..
- (وهو يفتح الحلة): ده شنو الشايلينو ده؟
- يعنى ح يكون شنو؟ إنتا شايف شنو؟ ما عينك ليهو لقيمات!
- (يقوم بفتح الحلة التانية): والحلة التانية دى فيها شنو؟
- لبن!
- والترامس دى مليانه شنو؟
- شاى!
- (يخرج من جيبه دفتر): طيب قول عشرين رطل لبن فى (إتنين).. نطلع بالواحد.. أربعين زائد تلاتين لتر شاى فى تلاته على عشرة فى المية زائدا قول خمسميت حبه لفيمات فى خمسة ومعاك الاتنين.. يبقى المجموع خمسة واحد خمسة صفر.. واحد وخمسين ألف وخمسمية ياحاج!
- واحد وكم؟
- (يتدخل عنتر العربجى): يا جماعة الناس ديل ماشين يشوفو رزقم!
- إنت يا زول تسكت سااااكت .. الكارو بتاعك ده مرخص؟
- (عنتر يجر واطى): خلا س يا جماعة شيلو ليكم كم ( لقيماتايه) وكبو ليكم كبايتين حليب!
- أيوااا .. نظام رشوة وكده يعنى..
- لا لا ما رشوة .. يعنى بس عشان يسندوكم فى الصباح ده!
- يسندونا ولإ ما يسندونا دى ما شغلتك يا زول.. (يلتفت لإدريس) يلا يا حاج ما تأخرونا الإيصال إتقطع ... يلا أدفع وخارج نفسك..
- (مندهشاً): ودى رسوم شنو هسه؟
- عامل ما عارف يا حاج ؟ دى رسوم إنتاج..
- وأنحنا أنتجنا شنو؟
- اللقيمات والشاى ده ما إنتاج!
أصيب إدريس بحالة هياج مفاجئة.. أمسك بجرادل اللقيمات وقام بقذفها على الأرض وهو يصيح (مش الإنتاج ده؟ ما عاوزنو).. ثم أمسك بثرامس الشاى وقام بقذفها وهو يصيح فى عصبية (مش الإنتاج ده؟ ما عاوزنو).. حلل اللبن (مش الإنتاج ده؟ ما عاوزنو).. المنقد والفحم (مش الإنتاج ده؟ ما عاوزنو) دفتر الإيصالات (مش الإنتاج ده؟ ما عاوزنو).. الماسك الدفتر (مش الإنتاج ده؟ ما عاوزنو).. الزول المعاهو (مش الإنتاج ده؟ ما عاوزنو)..
الرأي العام
رسوم إنتاج
الفاتح جبرا
بينما كنت أهم بالخروج صباحا من المنزل سمعت طرقات على الباب عندما فتحته وجدت أمامى جارى (مصطفى) وقد تفاجأت به بعد أن ألقى علي التحية يخاطبنى قائلاً:
- معاك بطاقة يا أستاذ؟
- أيوه فى شنو إن شاء الله خير..
- لا بس أخونا (ادريس) ده عندو مشكلة بسيطة وماسكنو وأنا بطاقتى منتهية..
- ماسكنو فى شنو؟ آآى إدريس ده زول متين وجسمو (مكرب) لكنو زول هادئ ومحترم وما بتاع مشاكل..
- دى قصة طويلة يا أستاذ ح أحكيها ليك فى السكة كدى هسه جيب بطاقتك ويلاكا معايا..
ادريس ومصطفى صديقان ويسكنان فى ذات الحى ويشتركان فى صفات كثيرة فهما فى بداية الخمسينات من العمر كما أنهما متزوجان ولكل منهما عدد من الأبناء فى مختلف المراحل الدراسية والأهم من ذلك كله أنهما (عاطلان) بدون عمل بعد أن تمت إحالتهما للصالح العام قبل أعوام طويلة وأصبح الرزق فى (تلتلة)..
- والله الليلة يا مصطفى مشيت أودع ليا واحد قريبنا لى موقف البصات السفرية الصباح لقيت ليكا (الجماعة) ديل خاتين ليك (اللقيمات) والشاى (باللبن) والناس ديل حواليهن زى الجراد!
- طبعن يا ادريس أصلو الزمن ده الزول يا يعمل ليهو حاجه بتاعت (أكل) وإلا يعمل ليهو حاجه بتاعت (مواصلات)..
- والله القصة دى أنا كانت فايته عليا من زمااان والله فيها قروش زى التراب..
- تقصد شنو؟
- أقصد إنو نعمل لينا (حلة) بتاعت شاى بى لبن كبيرة ومعاها جردل جردلين لقيمات ونمشى نبيعه فى الموقف والله فى اليوم نطلع بالشئ الفلانى بدل الحالة الصعبة دى!
بصعوبة شديدة قام إدريس بإقناع مصطفى بالفكرة فالأخير بحكم أنه كان موظفاً كبيراً بالخدمة المدنية كان يرى أن (المسألة) لا تليق بمكانته (الوظيفية سابقاً)..
- أها طيب وافقتا .. حق الشاى والزيت والدقيق نجيبو من وين مع الفلس الإنتا شايفو ده!
- بسيطة القصة كووولها ما ح تفوت ليها (خمسين سبعين ألف).. إنتا أمشى لى محمد بتاع البقالة شيل منو الزيت والدقيق تحت الحساب وأنا بمشى لى آدم سيد الدكان بشيل منو الشاى واللبن والفحم والسكر (بالدين) ولمن نبيع نرجع ليهم القروش!
بعد يومين ومع (الدغش) وفى ذات الوقت الذى كانت فيه (نعيمة زوجة مصطفى) تقوم بإعداد اللقيمات ووضعه داخل (حلة كبيرة) كانت (خديجة زوجة إدريس) قد قامت بغلى (اللبن) وتجهيز عدد من ترامس (الشاى) إضافة لعدد إتنين (بنابر) و(منقد) وكيس يحتوى على (الفحم) وكرتونة (كبابى)!
قبل أن يؤذن الفجر كان (إدريس ومصطفى) يضعان العدة على ظهر عربة الكارو التى يمتلكها جارهم (عنتر العربجى) متوجهان صوب السوق حيث موقف البصات السفرية و(فجأتن):
- الشايلينو ده شنو؟
- وإنتو مالكم؟
- (فى تهكم): مالنا؟ والله إنتا زول غريب؟ فى زول بيقول للحكومة إنتى مالك؟
- وأعرفكم حكومة كيف؟ الأيام دى اى زول شايل ليهو بطاقه مزورة وعامل فيها حكومة وقاعد يبتز فى المواطنين..
- يا حاج بطل الغلبه ما تخلينا نتخذ معاك أجراءات..
- (وهو يفتح الحلة): ده شنو الشايلينو ده؟
- يعنى ح يكون شنو؟ إنتا شايف شنو؟ ما عينك ليهو لقيمات!
- (يقوم بفتح الحلة التانية): والحلة التانية دى فيها شنو؟
- لبن!
- والترامس دى مليانه شنو؟
- شاى!
- (يخرج من جيبه دفتر): طيب قول عشرين رطل لبن فى (إتنين).. نطلع بالواحد.. أربعين زائد تلاتين لتر شاى فى تلاته على عشرة فى المية زائدا قول خمسميت حبه لفيمات فى خمسة ومعاك الاتنين.. يبقى المجموع خمسة واحد خمسة صفر.. واحد وخمسين ألف وخمسمية ياحاج!
- واحد وكم؟
- (يتدخل عنتر العربجى): يا جماعة الناس ديل ماشين يشوفو رزقم!
- إنت يا زول تسكت سااااكت .. الكارو بتاعك ده مرخص؟
- (عنتر يجر واطى): خلا س يا جماعة شيلو ليكم كم ( لقيماتايه) وكبو ليكم كبايتين حليب!
- أيوااا .. نظام رشوة وكده يعنى..
- لا لا ما رشوة .. يعنى بس عشان يسندوكم فى الصباح ده!
- يسندونا ولإ ما يسندونا دى ما شغلتك يا زول.. (يلتفت لإدريس) يلا يا حاج ما تأخرونا الإيصال إتقطع ... يلا أدفع وخارج نفسك..
- (مندهشاً): ودى رسوم شنو هسه؟
- عامل ما عارف يا حاج ؟ دى رسوم إنتاج..
- وأنحنا أنتجنا شنو؟
- اللقيمات والشاى ده ما إنتاج!
أصيب إدريس بحالة هياج مفاجئة.. أمسك بجرادل اللقيمات وقام بقذفها على الأرض وهو يصيح (مش الإنتاج ده؟ ما عاوزنو).. ثم أمسك بثرامس الشاى وقام بقذفها وهو يصيح فى عصبية (مش الإنتاج ده؟ ما عاوزنو).. حلل اللبن (مش الإنتاج ده؟ ما عاوزنو).. المنقد والفحم (مش الإنتاج ده؟ ما عاوزنو) دفتر الإيصالات (مش الإنتاج ده؟ ما عاوزنو).. الماسك الدفتر (مش الإنتاج ده؟ ما عاوزنو).. الزول المعاهو (مش الإنتاج ده؟ ما عاوزنو)..
الرأي العام
nashi- مشرف المنتدى الرياضى
رد: رسوم إنتاج!!!!!!!
مصيـــــــــــــــــــــــــــــــــــــبة كبيرة
كان الله في العون
كان الله في العون
أزهرى الحاج البشير- مشرف عام
رد: رسوم إنتاج!!!!!!!
والله كان الله في العون .
لك التحية دكتوره .
هذا المقال ذكرني قبل اسابيع في اجتمع مجلس محلية ابوجبيهه بغرض ميزانية المحلية وفرض رسوم جديده فكان هنالك جدل يدور حول الرسوم المقرره علي صندوق الببسي لم يتفقوا علي الزياده تخيلي معي مختلفين يوم كامل في عدد زجاج الببسي داخل الصندوق منهم من يقول 12زجاجة ومنهم من يقول 20زجاجة ومنهم من يقول 32زجاجة وكلهم ماعارفين عددالزجاج داخل الصندوق .هذا حالنا الان يادكتوره .
كم عدد الزجاج داخل صندوق الببسي ..؟
تحياتي ..
لك التحية دكتوره .
هذا المقال ذكرني قبل اسابيع في اجتمع مجلس محلية ابوجبيهه بغرض ميزانية المحلية وفرض رسوم جديده فكان هنالك جدل يدور حول الرسوم المقرره علي صندوق الببسي لم يتفقوا علي الزياده تخيلي معي مختلفين يوم كامل في عدد زجاج الببسي داخل الصندوق منهم من يقول 12زجاجة ومنهم من يقول 20زجاجة ومنهم من يقول 32زجاجة وكلهم ماعارفين عددالزجاج داخل الصندوق .هذا حالنا الان يادكتوره .
كم عدد الزجاج داخل صندوق الببسي ..؟
تحياتي ..
زهيرحسن السيد- مبدع مميز
هيط بس
24 زجاجة سيد زهير إلا إن كان صندوقهم مخالف
طبع لا 12 ولا 20 ولا 32
تذكرت نكتة الدنقلاوي الذي أختلف مع أحدهم هل هو خيط ولا كيط فأجابتهم من إحتكموا إليه لا خيط ولا كيط ... هيط بس
طبع لا 12 ولا 20 ولا 32
تذكرت نكتة الدنقلاوي الذي أختلف مع أحدهم هل هو خيط ولا كيط فأجابتهم من إحتكموا إليه لا خيط ولا كيط ... هيط بس
أزهرى الحاج البشير- مشرف عام
رد: رسوم إنتاج!!!!!!!
والله مصيبة..يادكتورة مقولتك لا حياة لمن تنادى لو كومت كوم تراب ..عاوزين رسوم انتاج ..الناس اكلتها الذئاب وقالوا كلاب..حتى الان ما عارفيين كلاب ولا ذئاب..وجات من اثيوبيا ولا من ليبيا..جات بالبص ولا كدارى..وجايبه منو..يعنى عزيزنا زهير نفس النغمة عددهم كم مش عارفيين..لوين..ماشيين مش عارفيين
عثمان موسى آدم- نشط مميز
مواضيع مماثلة
» أغرب رسوم في السودان.. قصص وحكاوي
» (((( ++ حوادث وجرائم محلية وعالمية ++ ) ))
» خطيب مسجد الخرطوم يطالب الولاية برد رسوم المياه للمستهلكين
» حزب البشير يعدل مطالبه بشان رسوم عبور النفط في محادثاتة مع الجنوب
» أعضاء بشرية للبيع..طالب هندسة يعرض كليته للبيع لسداد رسوم الدراسة...
» (((( ++ حوادث وجرائم محلية وعالمية ++ ) ))
» خطيب مسجد الخرطوم يطالب الولاية برد رسوم المياه للمستهلكين
» حزب البشير يعدل مطالبه بشان رسوم عبور النفط في محادثاتة مع الجنوب
» أعضاء بشرية للبيع..طالب هندسة يعرض كليته للبيع لسداد رسوم الدراسة...
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى