ما الذي يصيبنا وقتها؟؟؟

لاحظت اننا اكثر الاقوام تركا للهجتنا وتنازلا عنها وذلك متي ما التقينا اجنبيا عربيا ومن اي دولة اخري!!!!
هل لهجتنا او لغتنا هشه لهذه الدرجة؟
هل نحن اقل منهم لذا نتنازل وبسهولة عن "حقنا" للاخرين حتي حين الكلام؟؟!!!
هل للامر علاقة بالثقة في النفس؟ اعني هل هي ازمة ثقة؟؟
واتسائل هل لذلك علاقة بان لا يفهمنا الاخر عندما يصر احد مثلي علي الحديث "بالسودانية"؟
لماذا لا يكتسب المصري او اللبناني اللهجه الخليجية ولو عاش 60 عاما ؟ ويكتسبها السوداني لو عاش عامين فقط وتصبح كانها لغته الام؟؟!!
افيدونا يرحمكم الله

موضوع جميل
انا اعتقد بأن البيئه الذي يعيش فيها الانسان ستؤثر فيه لاشك من حيث اللهجه والافكار والعادات وكثير من الامور وقديما قالو من عاشر قوما اربعين يوما صار منهم انا شخصيا اللهجه السودانيه اتعرفت عليها بعد ان كبرت
عموما السودانين لايستخدمونها بين الشعوب الاخرى لانها ليست معروفه اذهب لاي احد خليجي واعطه بعض الكلمات لايفهمها فبالتالي تجد نفسك في تفسير وترديد مستمر

انا مع استخدام لهجة الغير فقط للضروره بمعنى التواصل مع الشعوب الأخرى عند الحاجه ولكن الاصرار عليها فيما دون ذلك فى رأىّ تأتى من باب أزمة الثقه بالنفس.
ملاحظه ثمينه يا دكتوره

حقيقة هذا موضوع مهم جدا ومعقد لدرجة كبيرة وهنالك جوانب كثيرة اهمها الاعلام وعدم انتشار اللهجة السودانية مقارنه باللهجات الاخرى كالمصرية او الشامية مثلا بالرغم من ان اللهجة السودانية مليئة بالمفردات العربية الفصيحة الا ان المحليةوعدم تعود الناس لسماعهاويمكن بعض الشعوب العربية لا تعترف بعروبة السودان وبالتالي اللغة المستخدمة فيه وفي نفس الوقت اقول ان كثير من السودانين لايتحدثون غير اللهجة السودانية في بلاد الغربة وذلك لاعتزازهم بلهجتهم لكن هنالك بعض المواقف المحزنة فمثلا قبل مدة قصيرة اجرت قناة الجزيرة لقاء هاتفيا مباشرا مع اب سوداني له اطفال مصابون بداء جلدي غريب ويحتاجون فيه الى الاستحمام بصورة مستمرة وقد بذل المذيع جهدا كبيرا لتوصيل اسئلة بسيطة لذلك الرجل مثل هل تلقيتم اي دعم من السلطات في السودان؟ ولم يفهم الرجل هذا السؤال البسيط بالرغم من تكراره عدة مرات من قبل المذيع وهو يتحدث بلغة موغلة في المحلية ويستخدم كلمات صعبة حتى على بعض السودانيين وقد نجد له العذر فقد يكون اميا او متهيب للموقف ويمكن الناس الذين تغربوا وخرجوا من السودان واحتكوا بجنسيات عربية اخري يلاحظوا صعوبة فهم بعض المفردات السودانية واذكر قبل سنوات كان معي صديق فلسطينى واخر سوداني وكنا نتناقش في موضوع ما فقال الاخ السوداني للفلسطيني انت (عامل فيها ابن كلب ) فغضب الفلسطيني غضبا شديدا واحتاج الامر لزمن طويل جدا حتى نوضح له المعنى خلاصة الامر يجب ان نهتم بتوضيح الكلمات وتجنب استخدام اللغة المحلية البحتة فمثلا كلمة ساكت لها معاني مختلفة عن معناها الاصلي الذي يتبادر لذهن اي مستمع عربي اخر وللحديث بقية ان شاء الله

لكن ياجماعة الخير في سودانين خرجو من السودان عشرات السنوات . مثال واحد خرج والدة والدته قبل عشرين سنه وطيلة هذه الفتره الاحتكاك والجيران الاصدقاء من اصحاب البلد الذي هم فيها اعرف واحد صديق في السعوديه ولد في السعوديه ولم يخرج منها الى الان والان عمره ثلاثون عاما والله من اب سوداني وام سودانيه ومن ابوجبيهه ولا يعرف ايش معنى اللهجه السودانيه بل يلبس الشماغ والعقال واصحابه من السعودين كلهم .. اما انا فقد كنت في الخليج سنين شتى وكما ذكرت لم اتعرف على اللهجه السودانيه الى في بدايه سنة الفين وعلى ذلك فقس البيئه والمكان يحتم عليك ويفرض نفسه عليك واحد صديق سكن مع هنود في الامارات فهو الان يتكلم الاوردو بطلاقه ...

شكرا يا دكتورة لهذه الانتباه

في اعتقادي نحن شعب منفتح على الشعوب الاخرى لكن انفتاح الشعوب علينا ضعيف
فنهاجر الى الكسب المعرفي او المادي وفي كلا الحالتين يستخدم المهاجر منا لهجة القوم الذين هاجر اليهم لتيسير التواصل معهم وتوصيل افكاره لهم
ثانيا:ـ
هناك تأثير ثقافي ومرده الى السبق الفني في التمثيل والدرامة والغناء الذي يستهوي السواد الاعظم منا ويجعلنا نردد ما يقولون فالان نحفظ قائمة الممثلين والفنانين العرب الممثل منهم والمغني اكثر مما نحفظ لفنانا المحلي
هذا ما جعلنا نضع نفسنا وللاسف في احدى خطي الحياة (التخلف والتقدم) ويقال : ان التقدم والتخلف يسيران في خطين متوازيين لا يلتقيان الى في حالتين هما
1/ ان يمر النامي بالمراحل التي مر بها المتقدم ويظل يركد وراءه وستكون المسافة بينهما محفوظة(العين ما بتعلى على الحاجب)
2/ ان يندمج النامي في المتقدم كليا ويزوب فيه وارجو ان لا نكون ذبنا في ثقافة غيرنا
كما اعتذر لاستخدام العبارة القاسية


اعتذر لاستخدام العبارة القاسية

موضوع هام جدا يادكتوره
انا شخصيا اتحدث اللهجه السودانيه مع العرب دائما واظن بسبب وجود الكثير من السودانيين فى بلادهم له تاثير فى فهمهم للهجه السودانيه
ومن لايفهم الدارجه السودانيه اتحدث معه بالانجليزيه وبدون اى حرج
ليس هذا فحسب وانما نصحت عدد من السودانيين بعدم الحديث مع كل بلهجته فلماذالايكلفون نفسهم هم بمعرفتنا كجزء منهم
ايضا انا لااظهر انبهارى باى احد يتحدث عن من اي دوله هو سوى من امريكا او اوربا او غيرها
واذا احسست بان احدهم يفتخر ببلاده امامى اساله اين هى تلك البلد ؟ لم اسمع بها من قبل ؟
فاما ان يكف عن الحديث معتبرنى استفزه
اويعلم ان لى بلادا عظيمه احبها ولايهمنى سواها من الدول مهما تقدمت

الاخ/ahm12233- الاخ عوض السيد - عمو ابوالزهور -الموسوعة ابو السارة والاخ عبدالسلام
احييكم جميعا واشكر لكم اضفاءكم واضافاتكم للموضوع الذي يؤرقني
بارك الله فيكم

(((((لكن ياجماعة الخير في سودانين خرجو من السودان عشرات السنوات . مثال واحد خرج والدة والدته قبل عشرين سنه وطيلة هذه الفتره الاحتكاك والجيران الاصدقاء من اصحاب البلد الذي هم فيها اعرف واحد صديق في السعوديه ولد في السعوديه ولم يخرج منها الى الان والان عمره ثلاثون عاما والله من اب سوداني وام سودانيه ومن ابوجبيهه ولا يعرف ايش معنى اللهجه السودانيه)))))))
*** ألا تتفق معي انه بامكانك المحافظه علي لهجة الام والاب بما انهما سودانيان؟؟
والبوست بالمناسبة فتحته لاني خارج البلد الان واعايش جالية عربية تكاد تمثل الوطن العربي بالكامل ولا يتنازل احدهم عن لهجته بسهوله مهم حصل وان حدث يتحدث العربية الفصحي اما السودانيين فمن دون مقدمات نتكلم بلهجة الذي يحاورنا وبسرعة تدهشك!!!
حقيقة لا ابرئ نفسي ولكن! الموضوع محيرني! لذا طرحت البوست والذي انتظره تفاعل اقوي لنخرج باءراء مفيده لنا جميعا
والله المستعان

احباب المنتدى
ســـــــــــــلام
الموضوع جد دسم لكن المسألة حسب تجاربنا مع أخوانا المغتربين لم تتعد مرحلة السذاجة والبساطة وكمان حبة كياسة وتعليلهم لذلك انه من عرف لغة او لهجة القوم امن مكرهم وكمان استقطاب واستدرار عطف (البدو)من الشريحة دى طبعا هم الذين يعملون بالمهن الهامشية بدول البترول (العمالة البسيطة )ناس العمرة وزوغة
وللحق نقول ان معظم المغتربين المقيمين بالطرق الرسمية والقانونية ما ميالين خااالص للهجة السعودية او الخليجة هاديالاّ من رحم الله .
فاخوانا الله يديهم العافية لما يجونا داخلين صالة
التفتيش يتكلموا معانا سودانى ولما يجونا راجعين بسلامتهم ومغادرين لى ميناء جدة تنعكس الصورة
(الشيبة-الرجّال-اليونيت-الحلال)-وعيييييييييك
والبقية فى الاجازة القادمة ان كان فى العمر
بقية.
دمتم

لماذا نتمسك بالهجه السودانيه فين جمالياتها كثير من السودانين اخذ جنسيات ثانيه واخذه ثقافات وعادات وتقاليد البلد الذي سكنونها ... السبب هو الدوله نفسها وعدم دفاعها عن التراث الارث والعادات والتقاليد الحسنه . دولتنا منفره ومعظم الشباب لايريدون الجلوس في السودان والله لو فتح باب هجره لوجدت السودان فارغ ,, عشان كثير من الناس مثلي يقولون انا سوداني لكن مابحب السودان الا لان اهلي بداخله ولو خرجو منه لملتفت اليه

وللاوطان في دم كل حر يد سلفت ودين مستحق
إن حب الوطن والتعلق به والحنين إليه أمر فطري مغروس في النفوس البشري فهو مهدالطفولة ومدرج الصبا ومغنى الشباب وسجل الذكريات يعيش فيه الإنسان فيألف أرضه وسماءه ويرتبط بسهوله وجباله وأشجاره وانهاره وخيرانه يألف حره وبرده وتقلباته ويحس فيهبالسعادةالغامرة والأنس الجميل.فكل خير يجده الإنسان في ثرى وطنه وكل نعمة ينعم الله بها عليه تعقد وشيجة ورباطا زائداً بينه وبين ذلك المكان من أرض الله ولا ينسى الإنسان أن تلك الأرض هي التي احتضنته واكتنفته وهو أحوج ما يكون إلى ذلك قبل أن ينشئ أي علاقة أخرى مع أي مكان كان.
ونحن نلاحظ أن هذا الحنين إلى الأوطان أمر في غريزة كثير من المخلوقات فهي تنجذب إلى مآلفها ومواطنها كلما فارقتها أو ابتعدت عنها،فحنين الطيور إلى أوكارها كل ذلك من سنة الله.
إن الإسلام لا يتنكر للفطرة البشرية ولا يحارب الطباع الإنسانية بل تلك أحداث السيرة تقص علينا كيف وقف رسول الله r يخاطب مكة ذلك الخطاب الذي يُدمع العين ويجرح القلب بعد ما مكث بين أظهر أهلها ثلاث عشرة سنة يدعوهم لعبادة الله وحده ونبذ الشرك فناله منهم أعظم الاذي والتكذيب.
وحين طفح الكيل وبلغ السيل الزبى وقرروا قتل النبي r في مؤامرة دار الندوة خرج رسول الله r من مكة ولكنه لم يخرج ناقما عليها ولا كارها لها لما ناله فيها خلال تلك السنين بل ودعها بتلك الكلمات التي تقطر رقة وحبا وحنينا وإيمانا فقال والله إنك لأحب البقاع إلى الله وإنك لأحب البقاع إلي ولولا أن قومك أخرجوني منك ما خرجت

غايتو يا ahm12233 اخوي ما عارفة ارد ليك اقول ليك شنو
كدي اقرأ كلام حيدر خليل

لكي يصل فهمي مثال بسيط انسان ولد في امريكا وترعرع هناك واخذ ثقافه هناك لا يعرف عن السودان شي لا يجيد اللهجه لم يرى السودان كيف يحبه خرج من امريكا الى دوله اخري هل سيحن الى السودان ام الا امريكا ايهما يحب ؟؟؟ لا شك امريكا لذا انا اقول ان لانعترض على شخص سوداني يتكلم بلهجه خليجه او مصريه او او او المسأله ترجع لوالديه اذا علموه الحديث باللهجه في الحديث مامن مولود الا يولد على الفطره فأبواه يهودانه او ينصارنه او يمجسانه موضوع الشاهد المكان الذي تكون فيه ستتأثر به لاشك في ذلك خاصه اذا تواجدت فيه منذ الصغر

اخي العزيز لك التحيةوالود انت قلت بالحرف الواحد
(مثلي يقولون انا سوداني لكن مابحب السودان الا لان اهلي بداخله ولو خرجو منه لملتفت اليه)
اخي العزيز يجب ان نفرق بين الحكومة والوطن فالتذهب الحكومة الي الجحيم ولكن يبقي الوطن اتفق معك ان هناك معاناة ومشاكل كثيرة وفساد ولكن ما دخل الوطن في كل هذا هذه اشياء نحن الذين تسببنا فيها
اماحديثك عن اللهجة السودانية فكان حقيقة غير موفق فيه ( لماذا نتمسك بالهجه السودانيه فين جمالياتها ) يا اخي اي مجتمع او دولة لديها لهجاتها ما سمعنا اي احد من اي مجتمع او دولة اخري اتافف من لهجته فلماذا انت؟ يااخي تحدث كما يحلو لك ولكن لا تستنكر علي الاخرين لهجاتهم هذا من ابسط مبادئ الديمقراطية غير معقول

شكرا

لا ادري اخي حيدر انه اخذ الامر بصورة شخصية ام ماذا؟ وهو يعتقد ان فهمه للموضوع انا لم افهمه!!! انا فاهمه عليك بس محتارة!! وممكن تقول محبطه!
لاني لم اتصور ان شخص بالغ متعلم ومتدين "من معظم البوستات التي يكتبها" يمكن ان يسئ للهجتنا ولنا بالتالي ؟؟!!!
ليتك احتفظت بهذه الاراء لنفسك!!!!



---------------------------------------------------------------------------------------
قلبي علي وطني!

كل واحد بيطرح وجهة نظره الخاصه
( اراء ياجماعه ) مافيها اي اساءه خذ من ما اردت واترك ما اردت هذه هي الديمغراطيه انا لم اعترض على اي احد وانما قولي من اراد الاخذ به فاليأخذ ومن اراد ان يناقشني فبموضوعيه وليس بهذه الطريقه فهذا شارع عام ليس لاحد والله المستعان انا لا املك الا ان اقول سبحان الله والحمد لله والله اكبر ولكم التحيه

يااخي العزيز اني والله اقدرك ولا احمل لك الا كل الحب والاحترام ولكن هناك فرق بين الاساءة ووجهة النظر انت كتبت كلام فيه اساءة لشعب كامل وانت واحد منهم
والديمقراطية لا تعني الاساءة
واتمني وارجو ان تقرأ مرة اخري كلامك حتي لا تقول نحن لم نفهمك
ولك مني كل الحب والود والاحترام

دى لهجتنا هنا:
1-

تقول لِى شنو

وتقولى لِى منو ،

-2-

أنحنَا السَّاسْ

ونَحنا الرَّاسْ

ونحن الدّنيا جبناهَا

وبَنيناها..

بِويت ..فى بِويتْ

وأسْعل جدى ترهاقَا

وخلى الفَاقة .. والقَاقا

-3-

تقول لِى شنو

وتقول لِى منو ،

-4-

تَالا أبوى .. بعنخى لَزَمْ

وتَالا اللُمْ..أَبوىْ أوْلبَابْ

وأمى مهيرة بتْ عبودْ

وأخويا المهدى ..سيد السيفْ

والخلى النصارى تقيفْ

هناك ..فى القيفْ ،

-5-

تقول لِى شنو

وتقول لِى منو ،

-6-

ونحن الشينْ

ونحن الزينْ

ونحن العقبه والعتمور

ونحن القِبله .. والقرعانْ

ونحن الشانْ

ونحن النانْ

أتينا عشانْ

نسوى الدّنيا للإنسانْ

تقول لِى شنو

وتقول لِى منو ،

-8-

ونحن الصّافى

والوَافى ،

ونحن الشّافى

والكافِى ،

ونحن الزادْ

ونحن العِينه

والزِيّنه ،

ونحن – يمين – أهالينا

أهلى سرورْ

ووكَتين ينزل المستورْ

تَرَانَه النور

-9-

تقول لِى شنو

وتقول لِى منو ،

-10-

ونحن الجبنه واللبريقْ

ونحن قداحنا سَاوات ضيقْ

ونحن بيوتنا مفتوحاتْ

مَسَاىْ .. وَصباحْ

ونحن وشُوشنا

مطروحاتْ

مَسَاىْ وصباحْ

ونحن السَمحه

والقَمحه

ونحن الطله .. واللمحه ،

ونحن الصِيدْ

ونحن العيدْ ،

-11-

تقولى لِى شنو

وتقولى لِى منو ،

-12-

ونحن عُزَازْ

ونحن حَرَازْ

ونحن هَشَابْ

ونحن قُمُوحْ

ونحن تُمُورْ

ونحن عُيُوشْ

ونحن النيلْ

وَكضَاب – يا زويل – منْ قالْ

إنّك .. تانى لينا متيلْ ،

تقولى لِى شنو

وتقولى لِى منو ،

-13-

ونحن الحَجه والتوبه ،

ونحن الهِجره .. والأوبه ،

ونحن كُتَارْ

ونحن كُبَارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

-14-

تقول لِى شنو

وتقول لِى منو ،

-15-

ونحن مِحايه

نحن طِرايه

نحن فِدايه

نحن سِمايه

نحن حجاب

ونحن اللوحْ

ونحن شَرَافه فى الدنيا

ونحن كِتاب عِلمْ مفتوحْ

على كل البُلودات ..نُورْ ،

ونحن – يمين – مَداين نورْ ،

ووشنا نورْ ،

-16-

تقول لِى شنو

وتقول لِى منو ،

-17-

ونحن الحِنه والجرتقْ

ونحن الزفه والسيره ،

ونحن ..أبشرى والشبال ،

ونحن السَىْ

ونحن الوَىْ

ونحن الرقبه .. والتُمْ تُمْ

ونحن اللَمْ ..

يكون فى الدنيا ..متلنا ..لمْ

-18-

تقولى لِى شنو

وتقول لِى منو ،

-19-

ونحن العَاجْ

ونحن الصَاجْ

ونحن البوشْ

ونحن الحوشْ

ونحن الناسْ

وكتين الديارا ..يباس

وإن درت العديل والزين

تعال يا زول ،

وإن كست الكعب والشين

أرح .. يا زول

-20-

تقولى لى شنو

وتقول لى منو ،

-21-

ونحن السورْ

ونحن الحُورْ ،

ونحن بناتنا محروساتْ

ونحن وِلادنا ضُلالاتْ

ونحن أُماتنا ياهِنْ ..ديلْ ،

وجِيب ورينى زيىِّ منو ،

وتقول لِى شنو

وتقول لِى منو ،

-22-

ونحن فَزَعْ

ونحن وجَعْ

ونحن اليُمه ..واليَابَا

ونحن أريتو بالتَابَه ،

ونحن – يمين – إذا حَرّتْ ،

نخلى الواطه ..رُقَابه ،

-23-

تقولى لِى شنو

وتقولى لِى منو ،

-24-

ونحن زَغَاوه والعطرونْ

ونحن الدُونَا ..مافيشُ دونُ

ونحن وِلاد مَلك خِرتيتْ

وسَابَ الجرْ

وحجَر السِكه ،

والتاكا ،

وسيّدنا الفى الجبل ..دَاكَا

ونحن – يمين – نضِمنا كُتُرْ

وشيَتنا كُتُرْ

وأسعَل ناس كَرن والطُورْ ،

وأسعَل كَررى .. والعَتْمُورْ

وأسعل – يا جنَاَ – الخرتُومْ ،

وشوف كيفن زعلنا كُتُرْ ،

وشوف كيفن فرحنا كُتُرْ ،

أنحنا الـ للرجال خُوسَه ،

ونحن –يمين – جِنَات موسى ،

-25-

تقولى لِى شنو

وتقول لِى منو ،

-26-

ونحن الدوكه

والضُلاله ، والدونكه ،

ونحن الدانقه ،

والراكوبه ، والواطه ،

ونحن الفَكَه

والشِبكَه

ونحن الحجزه .. والعكَه ،

ونحن الجُودْ ،

ونحن أسودْ ،

ونحن النَانْ ،

حديثنا إذا أرِدتو رُطَانْ

وحين دايرين ..نسوى بَيَانْ ،

-27-

تقول لِى شنو

وتقول لِى منو ،

-28-

ونحن الخَلوهَ والدايره ،

ونحن تَكيه العايره ،

ونحن الضُّلْ ،

ونحن الكُلْ ،

ونحن سبيل غريب الليلْ ،

ونحن صباح مسافر الليلْ ،

ونحن فَنَاجرةَ الدّنيا ،

ونحن حَبَابْ

حديثنا حَبَابْ

تعال شَرِف .. وشوفنى منو ،

وتقولِى شنو ،

وتقولِى منو ،

-29-

أقيف لِسَعْ

وأقيف وأسمعْ ،

ونحن صديرى منضوم ويلْ

ونحن القَرمصيص ..بلحيلْ ،

ونحن التوبْ

ونحن الووبْ

وناس حبوبْ

وناس حَرّمْ

ونحن إذا رأينا كبيرْ

نقيف طولنا ..ونقولْ لُه ..حَبَابْ

ونديه البُكَان ..ترحابْ

ونحن. اليَانَا ديل .. يا زولْ

وتسعلنى .. وتقول لِى منو

وتقولِى شنو ،

-30-

أقيف لسعْ

وأقيف .. وأسمعْ

ونحن التَايَهْ

والاندايَهْ

والزِريعهْ

والعيزومهْ

واتفضلْ ،

ونحن الرايَه مرفُوعه

ونحن الكُلفَه مرفُوعه

ونحن حلفتَ ... مدفوعه

-31-

تقول لِى شنو

وتقول لِى منو ،

-32-

وأما عجيبْ

وأما غريبْ ،

وأقيف لسعْ

وأقيف .. وأسمعْ ،

-33-

أنا الكَعَب البسوى الويلْ

وأنا الزول السَمِحْ ..بلحيل ،

وداير ..منَِّهُمْ .. يَاتُو ..،

تقولى لِى شنو

وتقول لِى منو ،

نحن أبناؤك في الحلم الجميل
ونحن أبناؤك في الحزن النبيل
سأغني لك يا وطني كما غنى الخليل
مثلما غنت مهيرة تلهم الفرسان جيلا بعد جيل
وأغني لحريق المك في قلب الدخيل
للجسارة عندما استشهد في مدفعه عبد الفضيل

أعتقد ولا أدافع عن رأىّ أنك يا أخى العزيز ahm12233 لم توفق فى هذا الطرح.
أرجو مراجعة ما كتبته وأعرضه على أى سودانى غير اخوانك الفى المنتدى وشوف رأيو شنو وتعال قول لينا بأمانه

1/ بخصوص الاساءه للهجه حاش وكلا لم تكن كذلك وانما قلت لماذا نتمسك بها لم ادعو لعد التكلم بها وقصت بالجمع نفسي
2/ بخصوص كلام الاخ حيد (اساءة لشعب كامل ) هل يعقل يااخي ان يسب الانسان نفسه انا ذكرت بانني سوداني وافتخر بذلك فكيف تكون اساءة
4/ وايظا لم انكر ابدا على احد في قوله بل ذكرت ونقلت ماعندي ليس لزاما على احد ليس استنكار ليس دعوة" ... كل الناس يكتبون وينقلون ويقولون ماعندهم
انا احترمكم جدا واجلكم واقدركم nashi/abdelsalamosman/amin_manga/حيدر / طارق/ استاذ عوض السيد / ابو الزهور واعتذر ان مسكت القلم بعنف

قلم رصاص, للشاعر احمد مطر

جس الطبيب خافقي
:و قال لي
هل ها هنا الالم؟
قلت له : نعم
فشق بالمشرط جيب معطفي
!وأخرج القلم
هز الطبيب رأسه.. ومال وابتسم
:وقال لي
ليس سوى قلم
فقلت لا يا سيدي
هذا يد .....و فم
رصاصة ....و دم
وتهمة سافرة.. تمشي بلا قدم

ودمت بخير اعزائي

سلام
الموضوع حى يادكتوره...لك الشكر على الطرح
ان انتشار اللغات واللهجات يتم بنشرها ثقافيا(مسرح-سينما-روايات ...الخ)ونحن شعب متلقى لثقافات الغير وراس المال عندنا تقليدى وجبان لا يدخل فى استثمارات ثقافية لنشر اعمالنا الادبية ذات الموروث الواسع فى شكل ( مسرح وسينما و....) لذلك صار السودان يعرف خارجيا بما يفيد العالم من قطن وصمغ وابقار و....الخ لا بما كتبه (الطيب صالح) او قاله (عبد الله الطيب) ...كل العالم العربى يعرف مصر من خلال انتاجها المسرحى والسينمائى والروائى لانهم خططوا لغزونا الفكرى وقد كا لهم ما ارادو....ان التباين الثقافى فى السودان لو وجد المهتمين(الراسماليين) من قديم الزمان لاصبحت كل الامم العربية وغيرها تعرف السودان من خلال افلام تجسد كل تاريخنا وثقافاتنا لكن....شليل وين راح؟؟؟
تخريمه للحبيب ahm122233
مرحاتنا حليبهن يوت ما غبن
شبعانات فى الشتل ابشوك ماشبن
اللبن العاتم فوق ضرعاتن جبن

*****
الدكن البعدن قربن
وفوق صنوبر المحل الحالت كبن
عاد قول للمحله بيوتك خربن

الدكتور اخيرا ظهرت من ايام النوق والابل ماظهرت في الساحه
قصيدتك استطعت ان افهم قليل من الكلمات فقط

...............................
تخريمه للحبيب ahm122233
مرحاتنا حليبهن يوت ما غبن
شبعانات فى الشتل ابشوك ماشبن
اللبن العاتم فوق ضرعاتن جبن

*****
الدكن البعدن قربن
وفوق صنوبر المحل الحالت كبن
عاد قول للمحله بيوتك خربن
(لدكن البعدن قربن)

(شبعانات فى الشتل ابشوك ماشبن)
(مرحاتنا حليبهن يوت ما غبن)

اخي د.الجنيد حمد لله بالعوده وشنو الغيابات دي تجو تشحتفونا وتزوغو
الطيب صالح معروف عالميا وكذلك البرفيسور عبد الله الطيب وما محتاجين لشاهدة من هؤلاء العرب العاربة الذين يشككون في عروبتنا
ارجع للهجات والشعر العامي السوداني وخاصة شعر الحماسة والله فيه درر وعندما تسمع هذه الاشعار يقشعر جلدك وتفتش للموت شرق وغرب شوف رقية بت حبوبة قالت شنو في اخوها البطل عبدالقادر ودحبوبة عندما اتوا به لشنقه قالت رقية
بتريد اللطام اسد الكداد الزام
هزيت البلد من اليمن للشام
سيفك للفقر قلام
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

اخي د.الجنيد حمد لله بالعوده وشنو الغيابات دي تجو تشحتفونا وتزوغو
الطيب صالح معروف عالميا وكذلك البرفيسور عبد الله الطيب وما محتاجين لشاهدة من هؤلاء العرب العاربة الذين يشككون في عروبتنا
ارجع للهجات والشعر العامي السوداني وخاصة شعر الحماسة والله فيه درر وعندما تسمع هذه الاشعار يقشعر جلدك وتفتش للموت شرق وغرب شوف رقية بت حبوبة قالت شنو في اخوها البطل عبدالقادر ودحبوبة عندما اتوا به لشنقه قالت رقية
بتريد اللطام اسد الكداد الزام
هزيت البلد من اليمن للشام
سيفك للفقر قلام
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

أشكر الجميع لمرورهم الذي اثلج صدري ولتعليقاتم ""المليييييانة""
ربنا يحفظكم جميعاً
حمدا لله علي سلامتكم القامةد/ الجنيد
وكذلك ارحب بعودة العم خدورة امبشق
دمتم بخير

يديكم العافية ياحبايب
ويا ابوحميد القصيدة طويلة بشكلها وبرسلها ليك لعل التشكيل يسهل عليك المعنى...ات آ خوى الظاهر عليك فى بلدا طيرها عجمى..
اخى حيدر والله غبت لظروف وكنت بالجد فاقدكم..الا ياخوى انت (ود ابكريق) دا انشنق فى السوق ليه؟؟؟ وين الحلاويين ؟؟معقول حتة عساكر انجليز ب(مرمطونات) يشنقو ليهم بطل وسط قبيلته وفى سوقهم...الموضوع دا من زمان (قايزنى) كدى كان عندك سبب يخلى الحلاويين ديل ما يجيرو قايدهم قولو لى...
عوافى

اخوي الجنيد لك التحية والله لي زمن ماضحكت زي ماضحكت علي تعليقك الظريف وزي مابيقولوا ده حكم القوي علي الضعيف وياويلكم ياحلاويين عندي اصدقاء كثيرين حلاويين بس ما حاقدر لانو ده خط احمر

حمدلله على السلامه يا دكتور الجنيد.... والتحيه لكل من تفاعلو مع هذا الموضوع الهام