هروب تاجر سوداني ب 50 مليون دولار والعهدة على بريدي الوارد

هروب تاجر سوداني بعد حصوله علي قرض ب "38" مليار جنيه (50 مليون دولار)

هروب تاجر سوداني ب 50 مليون دولار والعهدة على بريدي الوارد Download?mid=1%5f6111035%5fAIUxvs4AALrLS20SiQVNmRGuy%2fE&pid=3&fid=Inbox&inline=1

تتكتم دوائر الجهاز المصرفي علي أضخم عملية إحتيال في الآونة الأخيرة حيث حصل أحد التجار وصاحب مصنع للسيخ على قرض بقيمة 38 مليار جنيه سوداني. وفيما بعد إتضح أن الضمانات العقارية التي منح بموجبها القرض كانت مزورة بالكامل، كما أنها لا تغطي قيمة القرض موضع التصديق .
وكان التاجر قد رهن مخازن إدعي ملكيته لها إضافة الي مواقع أخري تمت معاينتها من قبل موظفي ثلاثة بنوك معروفة وإعتمادها رسميا.
ثم تصاعدت أزمة الرهن "المضروب" عندما شرعت البنوك المذكورة في إسترداد أموالها بعد عجز التاجر عن السداد وأعلنت عرض المخازن المذكورة للبيع في مزاد علني، بعد أن حجزت عليها قوة من الأجهزة الأمنية والشرطة تمهيداً لبيعها.
لكنها فوجئت بشخصية إقتصادية معروفة تبرز مستندات موثقة تثبت ملكيتها للمخازن، الأمر الذي دفع السلطات المختصة لإلغاء المزاد و إتخاذ إجراءات صارمة حبست بموجبها على ذمة التحقيق مديري البنوك المعنية حيث تم إطلاق سراحهم بالضمان. وسجل صاحب المخازن المعروف بلاغات تحت المواد 159/183 من القانون الجنائي يتهم فيها البنوك المذكورة بالإساءة لسمعته وتعطيل إعماله ومصالحه. وقالت المصادر أن التاجر هرب لخارج البلاد وهو يمت بصلة قربي لشخصية سياسية معروفة في الحكومة الحالية.

التاجر هو: عثمان الدقير نائب رئيس نادي المريخ و اخو جلال الدقير وزير الصناعة
مصنع السيخ هو: الدولي للحديد والصلب

مبلغ القرض: 50 مليون دولارتاريخ الهروب: شهر مايو الماضي
البنوك هي: بنك امدرمان الوطني وبنك الخرطوم وبنك .......
المفاجأة الكبرى أن الشخصية الاقتصادية صاحبة المخازن الحقيقية هي: جمال الوالي رئيس نادي المريخ

منقول من رسالة وصلتني عبر البريد الإلكتروني ... والعود كان ما فيهو شق ما بقول طق

سلامات عمنا - دا كلام ماصاح لمن شفتو لمن ختيت ايدي في راسي من غرابتو هو ناقص قروش لمن يشيل ال50 مليون هو دا القروش بفرشا وبنوم فيها -بكون بتاع البريد ده قاصد واحد تاني وقلبو الشغلة من الازرق للاحمر

ابو الزهور تحياتي وربنا يكضب الشينة ويحفظ لاخوانا واليهم ويديهم الفي مرادم وسلم لي علي الوهاج

من طرف **فلس** 6th فبراير 2010, 12:09

مااعتقد الكلام دة يكون صاح الناس ديل ماقالوا قروشم كتيرة, تسلم

من طرف **nashi** 6th فبراير 2010, 12:12

الكلام صاح واكثر من صحيفة اوردت الخبر وارجعوا لسودانيز اون لاين او اي صحيفة سودانية واقروا الاخبار

من طرف **moneertom** 6th فبراير 2010, 13:18

من المقال المشكل بين الدقير والبنوك
والينا شكلو ملوش سالفه في الموضوع
والصبر ما بقروش الايام القادمة حبلي
الغموض يكتنف الامر
السبق في الخبر لصحيفة الانتباهه .. قبل فترة

يا جماعه قولو الكلام صاح...... هو الشال القروش الوالى ولا الدقير.
قالو فشّلنا ليهم صفقات فى التسجيلات دايرين يشوهو سمعة ولدنا...... الله يسامحكم يا بتى زرقان

مساءك خير يا ابو السيد -الرسالة الرسلتها لي موعدها بكرة انشاء الله
التحية لك

من طرف **nashi** 7th فبراير 2010, 02:03

((((فشّلنا ليهم صفقات فى التسجيلات دايرين يشوهو سمعة ولدنا..))))!!!!!!!!!!!!!!!!!

بدون تعليق يا ود ابوي!!!!!

صبحك الله بالخير يا دكتوره.
يوسف مححمد لما تعثر انتقالو بسبب (الفلس) قالو ولدنا جرى وراهو وعمل مزايدات رهيبه عشان يفشل صفقة ماسورة نيجيريا.... ولما اتعوق والدكتور قال ما برجع الملاعب الا بعد 10 شهور قالو دا الفكى بتاع المريخ..... عشان كدا الملايين دى بس تشويه سمعه لولدنا

الكلام صاح وحننزلوا ليكم من المصدر
ونائب الوصيفاب عملها بجد

يا جماعه شوفو ليكم كلام غير دا..... القروش دى اخر هم الصفوه

الموضوع حقيقة يا عوض السيد وبكل أسف حتى مدراء البنك ممسوكين والمسألة مجرجرة وسوف تكشف الأيام لك ولمنير ولود نوية ما كنا نقوله عن المال العام الذي ينهب ليلاً ونهاراً... القصة حقيقية والحرامي دا إلا يكوركوا فيه ياهو ياهو .. شفع صغار بينهبوا في المال العام وبكرة حنشوف... السودان كله بتكلم عن هذه الفضيحة والأسرة أنا أعرفها جيداً فمنهم من قرأ معي بالفاشر الثانوية في الستينات وهو محمد يوسف الدقير وعي رقم موبايله ولولا السؤال محرج لسألته وكذلك أخوه هاشم القير عملت معه في الهيئة الملكية بمدينة الجبيل الصناعية ومدينة ينبع الصناعية ... الشينة منكورة ولكن لا أقبل منكم وأنتم أبناء الأنقياء الأتقياء أن تدافعوا عن اللصوص.

يا الله-------- يا الله على العوده الملتهبه.
بزيارتك بيتنا نوّر---- بطلتك فرحنا يا ابو مصطفى---- خلينا من القروش و(الحرمنه) المهم اننا سعدنا بجيتك.
بس ورينا لو خلاص جيت من البحر عشان نسن أقلامنا ونبقى جاهزين..... والله خرمانين ليك خرمه شديده.
الجماعه فى غيابك قلبو اللورى وما قدرو علينا وقلنا ليهم سنتوقف لغاية ما يجى المعلم بتاعكم

من طرف **moneertom** 7th فبراير 2010, 11:45

شيخ الطلاب والفاضل طارق
الدقير لا زال متهم والمتهم بري حتى تثبت براءته
الدقير اخذ الدراهم بصفه شخصيه وليست اعتبارية .. وش دخل المريخ في الشغلة

الوالي اثبت ملكيته للعقار والمواد ... يعني بعيد من السالفة
البنوك اتنين تجاريات وبنك امدرمان حكومي والشغلة فساد اداري
عفوا ... ابو الزهور البوست مكانو المنتدي الاقتصادي
واحد بطنو طامه
ياربي الدقير متوالي ولا انقاذي
( ناس الامانة العامة ديل قالو نضفين اوي )
الله يرحمك يا الشريف كنت توب ساكوبيس

والله منطق يا منير يا وهّاج.
يا جماعه والله أولادنا ديل فاهمين(فهامه)

أنني لم اتكلم يا منير عن المريخ إنني تكلمت عن الوالي والدقير كيف تم استخراج شهادة البحث اصلاً للدقير حينما رهن هذه العقارات للبنوك المعنية ؟؟ وتكون فاتت على كل المستشاريين القانونيين لهذه البنوك اللعبة مطبوخة بيعها لجمال الوالي واهرب من السودان .. اؤكد لم اتكلم عن المريخ يا منير اتكلم عن أن هل يعرف الناس الحرامي بقولة ياهو ياهو ياهو ياهو
لا تسوف الموضوع

من طرف **moneertom** 7th فبراير 2010, 12:06

عوض السيد ابراهيم كتب:والله منطق يا منير يا وهّاج.
يا جماعه والله أولادنا ديل فاهمين(فهامه)

ده من زوقك يا شيخ عوض
بس الجماعة حكاية الهاج يوسف رخت البولوفه شوية
خليهم يخلونا في كورتنا دي ...
جارتنا خديجه قالت
الزعيم بقي نار منقد
و ده المجنن ناس بني زرقان

من طرف **moneertom** 7th فبراير 2010, 12:13

خدورة أم بشق كتب:أنني لم اتكلم يا منير عن المريخ إنني تكلمت عن الوالي والدقير كيف تم استخراج شهادة البحث اصلاً للدقير حينما رهن هذه العقارات للبنوك المعنية ؟؟ وتكون فاتت على كل المستشاريين القانونيين لهذه البنوك اللعبة مطبوخة بيعها لجمال الوالي واهرب من السودان .. اؤكد لم اتكلم عن المريخ يا منير اتكلم عن أن هل يعرف الناس الحرامي بقولة ياهو ياهو ياهو ياهو
لا تسوف الموضوع

عفوا ..... شيخ الطلاب
الامر كلو اجتهاد والقضية قيد التحقيق
الايام القادمة ستكون حبلي
خالي دع الاشجار تنمو .... فقط الانتظار
البرنس قالو استقبل الجماعة علي برستيج عالي اوي
علي قولتم ولدنا المعز مرق من قطر ولا لسه

رحلت النضافة مع الشريف يا منير .... السياسة أجارك الله

المتهم برئحتى تثبت إدانته هذا كلام صحيح غذا كان المتهم ماثل أمام القاضي أما الهروب عن ساحة الجريمة هو جريمة أخرى ... آمل عدم الاستخفاف بعقول الآخرين ... وعشان كدا بنقول ليكم كونوا موضوعيين ...
والشخص الذي كتب عن سلسة ود الأشول يكتب عن ليلة الهروب ب 50 مليون دولار من السودان. قلنا ليكم قروش الغلابة...!!!

جاكم الفضيل وزي ماقال المثل كان انتو بتلعبوا جدري الابيض بيلعب؟

كدة دقيبقة انحنا اول حاجة دايرين تلفون الاخ مصطفي القعدة دي كانت وين؟ وقصة البحر مامقتنعين بيها ولو في زول عندو تلفون الاخ مصطفي بالله يدينا ليهو وبعداك الكلام داااااك موضوعو طوييييييييييييل

من طرف **moneertom** 8th فبراير 2010, 00:14

حيدر خليل كتب:جاكم الفضيل وزي ماقال المثل كان انتو بتلعبوا جدري الابيض بيلعب؟

حيدر رجعتنا للزمن الجميل ( ناس فيصل خليل .... عادل ابو كشوه ( كشوات ) ادريس بشري ... كنا بنتجمع كلنا في بيت دكتور حسن ابو عشة وحسن يحكي لينا قصة جدري الابيض منقولة عن حبوبتي بت السرة الله يرحما ......
قالو كان في واحد نسيبتو مجنناهو شديد كل 20 يوم شهر ناطه ليهو وبعد اسبوع 10 يوم صاحبك بشهلا من ضرابا شطة قنقليز ... الخ والحاجة عاملة الشغله تجارة وبعد عدة مرات الرجل الحكاية رفعت كثافتو ومن اصحابو عرف انو في الابيض في مرض الجدري والجدري زمان كان بودي الآخره
الرجل رجع البيت بعد ما شهل نسيبتو .... قال ليها قالو في الابيض البضاعه برماد القروش المره الجاية عليك بالابيض عمتك ما صدقت علي الابيض عدل ....
وبعد ما اشترت بضاعتا .... الجدري مسك الحاجة
بعد يومين تلاته صاحبنا رجع البيت لقي المرا تبكي .... سألها في شنو بتبكي قالت ليهو امي ماتت
قال ليها كان انا بلعب جدري الابيض بلعب

حكاية حبوبتنا بت السرة يا منير حلوة خالص
واضحكتنا جدا
لكن يا اخوي الدقير متوالي ووعاء جامع
ودة شرك منصوب لحق المتوالين الذين ماعادوا مرغوب فيهم
والكورة مدورة (مكورة)
ونائب الوصيفاب هرب والتقير اصبح وجها لوجه مع الماسورة
الوالي والايام في مخاض لا احسبه عسير
عودتك يا شيخ الطلاب تحفظ النفوس في ضلوعها
عودتك سلام وامان للسارحة والمقروعة
محبتي يا المنير المستنير

من طرف **moneertom** 8th فبراير 2010, 13:10

طارق كمبال كتب:حكاية حبوبتنا بت السرة يا منير حلوة خالص
واضحكتنا جدا
لكن يا اخوي الدقير متوالي ووعاء جامع
ودة شرك منصوب لحق المتوالين الذين ماعادوا مرغوب فيهم
والكورة مدورة (مكورة)
ونائب الوصيفاب هرب والتقير اصبح وجها لوجه مع الماسورة
الوالي والايام في مخاض لا احسبه عسير
عودتك يا شيخ الطلاب تحفظ النفوس في ضلوعها
عودتك سلام وامان للسارحة والمقروعة
محبتي يا المنير المستنير

الوالي للقريبين منو بقولو (انسان ) + رزانه, فهم ,
بس لو تقول الارباب عوير اقول ليك ممكن
سلاملي علي ام اولادي ( ده مواسير صرف مطر مش الصرف التاني

العوير أكرم من اللص ويا منير لو عدت عدنا

بامناسبة يا منير أنا غلطت حين وصفت العوير وقلت أكرم من اللص لأنني وصفته بالماسورة الماكنة أكرم سادومبا الرقصو السمبا

الجماعه يا منير فشلو فى التسجيلات وما زالو ممغوصين من من هضربة ادارة الرجل الواحد (الملحناتى) والاستغالات التى جعلت الأهله أشلاء ... ما صدقو لقو ليهم موضوع ومسكو فيهو بيدينهم العشره.
ياخى اذا سلّمنا انو الوالى حرامى حيعملو ليهو شنو(قس على هشام طلعت فريد وكفى)

والله يا عوض السيد مكان ما تمشي أنا وراك .. لأني قبل كدا تكلمت عن المال العام قبل ظهور هذه الفضيحة والمنتدى المواضيع بتاعتي موجودة وكأني أشتممت روائح الفضايح قبل أن تطفو على سطح الصحف ولو كان في سبق فقد سبقتهم أنا فالموضوع ليس جديداً وقبضنا فيه كما تقول يا عوض السيد الموضوع قديم ومكتوب .. سبحان الله هل هذا نسيان أم مكابرة؟؟؟ مازلت أقول حينما تكتبوا شيء تحلوا بالموضوعية ...

تحيةواحترام وكمان بشوق ؛بكرة لو ربنا حيانا تعال بدري ياعمنا ونطرح كل شئ ونتكلم بكل شفافية وشوف منم الحرامية لو مامرقنا الملحناتي اكبر ياهو
التحية لك

نتمنى نشوف منكم حاجة والدفاع عن سارقي قوت المساكين هو طعن لهم من الخلف ولو كانت الطعنة بقلم ... وقصة نائب الرئيس شينة وقبيحة وفيها إحراج كبير لأشقائه وللمريخ والمكابرة والهروب إلى الأمام أسوأ منه هروب نائب الرئيس نفسه وصدقني القصة دي لو في انجلترا لاستقال كل من يمت بصلة لنائب الرئيس أو في بلد فيها الشفافية التي تتحدث عنها ولكن السودان جبانة هايصة مُسخت أسودها ثعالباً وأضحى الزئير فيه بغاماً ونهيتاً.

هلا يا ابو مصطفى
والله نجاض جد

من طرف **فلس** 8th فبراير 2010, 20:48

قالو الدقير ... هرب هربوه ناس ديك هرب...ياناس ود الغرب...سلمولي علي الو......

سلموا لي على الوالي

ياجماعة دي فبركات ساكت من الحكومة معليش هوالوالي ده ذاتو عمر كم وجاب العقارات دي من وين ولو محاسبية ما محسوبية كان جابو الترابي ذاتو وكثيرييييييييييين الملاين هربت من زمان الدقير كبش فداء

بالله أديهم جرعه تانيه يا ابو الطب وأكون لك شاكرا

صباح الخير يا ابو السيد ايوا انزل تقيل بالله

صباح النور يا حبيب.
فى شفره جديده نزّلناها اليوم فى المنتدى الرياضى.... موضوع الحرمنه دا لا ناقة لنا فيه ولا جمل

هروب تاجر سوداني ب 50 مليون دولار والعهدة على بريدي الوارد 19846543

العقار ده حقي ولا حقك

الغريبة من كلمة الصفوه والوصيف والقلعة الحمراء تجد في هذه الكلمات التي تخص المريخ تجد كل أحرف كلمتي: اللصوص ، الحرامية

هذا ذكاء خارق يا ابا مصطفى ولكن أيضا دعنا نستخلص أحرف كلمة(الربا) كاملة من أحرف اسم الأرباب..... بس الحروف التاليه سليمه لأنها شماعه:--------
ب-ن-م-ح-ف-و-ظ.
حضورك الدائم هذه الأيام أضفى حيويه عميقه على المنتدى الرياضى بعد طول غياب ... وصيانة اللورى ما كلفتك كتير.
.................. دمت يا عزيز

طيب لو جينا بالمنطق كدة منم الحرامية ؟ الحرامية الصحي صحي ياهم ديلك لهفو قروش المساكين وهربوها برة السودان وعملوها مستشفيات بالله طيب لمن شالو قروش المساكين ما يستثمروها جوة السودان وربك عالم وبكرة المستشفي بفلس يمين الجماعة الواحد فيهم حق العود البعزف بيهو مايلقاهو ؛نحنا حتي ولو افترضنا حرامية ومستحيل ذلك رفعنا اسم السودان عملنا استاد عالمي بقي منارة للسودان وجلبنا احسن اللعيبة في افريقيا والسودان استفاد منهم اقتصاديا من دعايات واقامات وال-----
لكن المحلين التماسيح سو شنو بالله نهب مساكين وتهريب ممتلكاتهم برة البلد

أوّل حاجه يا ول نويه عشان أصحح ليك المعلومه(انت قلت حق العود بكون ما عندو).
عود شنو يا بارتيز..... الأرباب اليومين ديل بفتش فى نجوم الغد عشان يلحن ليهم.
وحاتك زولك محاصر حصار غالبو اليسّوى

صباح الخير ياخي معليش يا فردة ماصبحنا عليك زاتو!!!!
The atmosphere was not pure
وقلت لي الملحناتي داير يلحن لنجوم الغد هو قال ليك محمد سليمان وبابكر صديق ود/ الدرديري بوافقو يلحن لهؤلاءالنجوم يشمي يشوف ناسو وين ناس القلعة وبلو بلو وهاجر كباشي
التحية لك

هو طبعا حاول يلحن ل(ندّويه) لكن دكتور كوبانى قال ليهو (اسمحلى) لا نتعامل مع أصحاب الحناجر الأحاديه.
كدى يا بارتيز شوف لى حق خفير النادى كم وضيف عليهو حق امولادى + حق المعز + حق يوسف محمد +++++++++++++++ وما تكلم زول

هاهاهاها ضحكتيني يارقيق
يازول من ستر مسلم ستره الله يوم القيامة ودي نخليها مستورة كان قلناها الفضيحة كبيرة احسن نسكن
تشكر يارقيق

كدا تمام أحسن ليك تذاكر(للجنه) وماتطلع عيوب الناس لأنك (صفوه) وهذه ليست من شيّم الصفوه.
بس لو قدرت شوف لينا تلفون يوسف محمد فى South AFrica على الأقل نكفر ليهو ونبارك ليهو حته واحده

اول حاجة يا شباب يا مريخاب يا وصيفاب
انتو عارفين لصكم وين وبعدين دي فضيحت شنو الزول يساقل نفوذو عشان يزور ليه عقار ويبلع قروش ويركب صاحبها ماسورة
دي البيغفرها ليه منو

نحن بنلحن زيدا يا ول نوية