السمكرجي مجدي ظبط ليكم امور التسجيلات و البظبط ليكم برستيج اللعيبة منو

شاهد عيان هلالابي حضر تمرين الهلال في الامارات
الموضوع منقول
من منتديات كوورة سودانية المصدر الرابط ادناه

http://forum.kooora.com/f.aspx?t=21851747

دعوة كريمة من اخوة لهم مني تقدير وتجلة ذهبت الى تمرين الهلال وطرح اسئلة للمدرب كامبوس خاصة بكووورة سودانية
الزمان: مساء الاحد 7/2/2010
المكان: ملعب بنياس العلوي & فندق الراحة
الحدث: تمرين الهلال ولقاء المدرب كامبوس
الاحداث من وجهة نظر شخصية
- التمرين عادي واكتر من عادي وما فيهو اي حاجة بتزيد عن التمارين الحضرتها قبل كدا وما بيصل لمستوى مبارة عادية في الدوري، الاعلام ما يقعد يضخم ساي.
- لفت انتباهي عقب الحصة التدريبية الاولى تمارين خاصة للمعز خلف الملعب، حيث انه يوجد جدار (حيطة) وقف امامه المعز ومن خلفه مدرب الحراس (انتو مدرب الحراس اسمو منو ) ، يسدد المدرب الكرة من ظهر المعز للحائط وترتد من الحائط ويقوم المعز بالتقاطها او تشتيتها.
- الحضور اكثر من التمارين التي سبقت هذا التمرين ، ورغم الكثرة النوعية ن بكل صدق قليل جدا وليس بحجم تهويل الاعلام.
- حضر من دبي محمد ابو الكرار بمعية ابنيه (ما شاء يا ابو الكرار همة ونشاط).
- قابلت العضو الراقي تاج السر وهو متابع لصيق للفرقة الهلالية وذو علاقات شخصية مع اللاعبين.
- رأيت ود كبيدي من البعد (الزول دا ما غريب يا ربي دا منو) ولكن للاسف ما عرفنا بعض عرفتو هسه من الصور الرفعها.
- التمرين كان مفتوح والجمهور قريب من اللاعبين، تواجد في ارضية الملعب لان الملعب ملعب تدريبي وليس ملعب مباريات وتنعدم فيه الكراسي والمدرجات، وبحمد الله كان الجمهور واعي ، ولو كان هنالك احدهم ناقدا او محبطاً او بتاع تنظير كان اثر في اللعيبة سلباً.
- عقب التمرين عاني اللعيبة من الوصول الى غرفة تبديل الملابس رغم ان الحضور قليل الا ان كل واحد يريد ان يتصور مع اللاعب فلان او علان.
- ظهر ان لدي هيثم مصطفى مشكلة ما ، فهذه ليس عادته ، وظهر تحاشيه للجمهور واضحاً، ولكن الحق يقال يتحاشى الجمهور بكل ادب، وقريباً ان شاء الله ح نعرف ليكم السبب شنو.
- ذهب اللعيبة الى غرفة تبديل الملابس وشربو شاي.
- طلع اللعيبة من غرفة تبديل الملابس وهم لابسين ملابس التمرين الحاجة الوحيدة الاجتهدو فيها بعضهم قلع الكدارة ولبس شبشب او سفنجة ، بشتنتنا دي اصلو ما بنخليها.
- تحرك اللعيبة بالبص وتحرك مساوي وعلاء الدين في سيارة مع السيد/ امين عمر لمقابلة الطبيب على ما يبدو.
- وصلنا الفندق قبل وصول البص (: .
- في بهو الفندق وجدنا بعض الكادر الاداري لنادي الوحدات وبعد بقليل نزل لاعب ثم اخر ثم اخر ثم مدرب الفرق شقيق انور جسام مدرب الهلال السابق، كل اللعيبة نزلو لابسين زي بعض.
- حضر لعيبة الهلال من التمرين ، ودخلوا بهو الفندق دا حافي وداك لابس سفنجة والتالت كدارة كررارووو في السراميك.
- بعد نص ساعة نزلو للعشاء وغالبيتهم لابسين بمزاجهم ومافي اتنين لابسين زي بعض ، الحمد لله ما نزلو وهم لابسين الشورتات.
- سادومبا ، وامبيلي رجعو الغرف بعد العشا وكل واحد في يدو تفاحتين رغم انو كل واحد فيهم طلع براهو ، يا ربي الجماعة ديل متفقين؟ .
- انتظرنا كامبوس اكتر من ساعة ، وهو اخر واحد نزل يتعشى لكن المترجم الراقي (ام بدة) كل مرة بيجي يعتذر لينا على التأخير

السمكرجي مجدي ظبط ليكم امور التسجيلات و البظبط ليكم برستيج اللعيبة منو

قصه قصيره
العوض رجع من رحلة البحث عن الذهب في الشمالية , مغبر دخل المسجد الكبير بالخرطوم استحمي وطلع يفتش عن ناس الورنيش قالو ليهو الجماعة مشو دوره رباعية في الخليج لزوم الاتوكيت وكده

المستنير صباح الخير
انا بفضى لك بعد شوية
وبوريك حكايت السمكري

بس بتاعين الورنيش أكرم من اللصوص الحرامية الذين نهبوا مال الشعب السوداني وهربوا وآخرون ما زالوا ينهبون وغداً سوف تجيئ الطامة وسيحاسب كل من حامت حوله الشبهة يوم تاتي كل نفس معها سائق وشهيد ولصوص الوصيف يبقوا رجال ويقيفوا قدام طوفان ناس الورنيش والله أراه قريباً ويومها سيقذف بهم من الطابق الثاني لحفرة الدخان.

طارق كمبال كتب:المستنير صباح الخير
انا بفضى لك بعد شوية
وبوريك حكايت السمكري

والله يا طارق ليك خرمه

خدورة أم بشق كتب:بس بتاعين الورنيش أكرم من اللصوص الحرامية الذين نهبوا مال الشعب السوداني وهربوا وآخرون ما زالوا ينهبون وغداً سوف تجيئ الطامة وسيحاسب كل من حامت حوله الشبهة يوم تاتي كل نفس معها سائق وشهيد ولصوص الوصيف يبقوا رجال ويقيفوا قدام طوفان ناس الورنيش والله أراه قريباً ويومها سيقذف بهم من الطابق الثاني لحفرة الدخان.

صبحك الله بالخير شيخ الطلاب
كدي نعمل معاك اتفاقية جنتلمان
الموضوع التم نقاشو ما نرجع ليهو تاني , عاوزين نرمي قدام
حكاية الفساد دي لسه في التحقيق , ومال الشعب انتو ما مارقين منو
رايك شنو نبقي في الكورة
المحلي داخل عطبره
واحد مريش
جاب الخرفان من زريبة الشيخ ابوالهل للصدقة ( كرامه بعد رفع الفراش في بيت البكي )

قال حرامية قال ؛بالله الحرامية منم الحرامية عملوها مستشفيات وعمارات والله في بعلم منو التمساح -ولينا لقاء نحدد فيهو التماسيح والحرامية

لأنك يا منير أوردت " يفتش عن ناس الورنيش قالو ليهو الجماعة مشو دوره رباعية في الخليج لزوم الاتوكيت وكده" هل هذه كرة ؟؟؟ ومازلت أقول ناس الورنيش جزمهم أطهر من نفوس اللصوص الهاربين ... يا منير لماذا هرب الراجل من السودان طالما المسألة عند القضاء .. والله حكاية يا ود أختي الراجل هرب ... وأخشى كما يقال إذا اختلف .... ظهر....

تمت المعامله البنكيه بصفه شخصيه وليست بصفه اعتباريه

أجب يا عوض السيد لماذا هرب نائب الرئيس أما شخصية أواعتبارية وكل قوانين الفلسفة الفاضية هذا شيء سيحدده القضاء والأيام حتكشف كل شيء بالمناسبة دي من أجمل الأفلام التي شاهدناها في فترة التسينات "سرقة القطار الكبرى" والتي حدثت في انجلترا 1961 وفيلم الهروب الكبير ربما نشاهدهما قريبا بس الفرق زمان أبض وأسود والآن بالملون الاعتباري .. قال أيه قال اعتبارية يا ناس الاختشوا ماتو والحرامي إلا يكوركوا فيه الجزارين في أبوجبيهة ..ياهو..ياهو..ياهو

انا لا أشك فى صحة ما حدث ...حرمنه وهروب وغش وخداع الا اننى أشك ولحد الغرابه فى ضلوع جمال الوالى فى هذه القضيه.
وكون الرجل نائب رئيس نادى المريخ هذا لا يعنى أن الوالى محاسب بوصفه رئيسا له لأن الذى حدث من الدقير اذا ثبتت صحته فأقل ما يوصف بأنه سلوك شخصى لا يمس الوالى ولا الاسره المريخيه بأى سوء ولا خدش.
يعنى مهما يحصل نحن الصفوه ونحن أهل الزعيم ونحن الهيبه
والله يدينا الفى مرادنا

وهل كان ألم الشعوب والأمم إلا من تصرفات الأفراد ولاَّ الشينة منكورة يا ود أخوي .. يعني الدقير ما حيكون ساهم في المريخ ولعيبته ومعسكراتهم وتسجيل اللعيبة بشيء؟؟؟ هذا مال الشعب المظلوم والصفقات التي تخص الدولة وفقط تمنح لناس خاصين دون الاخرين وبأبخس الأثمان والكلام البكتبوا أنا هنا يا عوض السيد من مراجع عام جمهورية السودان وكل شيء سيظهر